Ibrani 4:14 - Abun Scripture

¹⁴ Men bi Yekwesu gato gum kok wai mo Yefun Allah bi nu, An sa, mu kom mo Yefun Allah dakai gwem mo gu, An ki suk wa men mone. Men bi yegweswai ne gum do, Yesus, Yefun Allah bi Gan. Men ki do, men onyar kem mo An, sane men jom An bi sukdu-i gato men onyar kem mone krat et.

Ibrani 4:14 Referans Kwoze

Ibrani 9:24

Kristus dé anato win suge dé mo nu mo gu ne re. Sane anato Kristus yo sok mo nu kemah gato yetu nggo mo bur ré nde. Nu mo bur ré tepsu sukkran subot nu gato sangge mo gu ne sor re. Sane Kristus yo sok mo nu mo bur ré nde, wo Kristus dakai sok mo nu mo gu ne, anato su ré, An ki suk tepsu yegweswai su Yefun Allah wa men yetu mone.

Ibrani 12:2

Men ben men bi suk-i yo, men bi sukjimnut kas ri mu kem pe mo Yefun Yesus et, we Yefun Yesus anato kak os wa men onyar kem mo Yefun Allah. Yefun Yesus anato ós men onyar kem pe mo Yefun sane sane sor kom mo pe gato or mó. Yefun Yesus ku sukye mo kwesukwin, sarewo Yefun Yesus simo sor, An yo damen wa kwop mo kwesukwin ne nde. An misyar, we An kok mo kwesukwin sa, An nutbot sukye gato An ku mone nde, wo An nutbot do, kam sari ne ma, bere An mit at ndo nde mo os gato An kak wa men yetu ne o re. Su ré An kem tak Yefun Allah de syim ge, mone An si Yefun jom suk mwa ne sino.

Ibrani 10:23

Sane men jom suk gato Yefun tom su men subot os be ne pe et. Men mit brek mo suk yi yo kadit suk gato Yefun tom ne wokgan dom nde, we suk gato Yefun Allah tom subot os be su men, sangge bere An benbot sor, An yo kidar nde.

Ibrani 9:12

An sok mo Yefun Allah dakai bi gumwak fo mo nu ne mit mo gu re. Kristus sok mone An ben suk wa men wam dik sor re, tep it, wam dik ne tep wa kapyo mato kapyo. An yo sok mone o nde. An sok mone sa, An yo gwat suge sato kambing si sapi gan ne dé-i nde, wo An gwat An dakai dé-i. An gwat An dé-i mone anato An tot suktot mo sukibit gato men yetu ben ne wé re, sane sukibit ne yo ut mo men o nde sor to kapyo mato kapyo.

Ibrani 6:20

Yefun Yesus duk os mu nyim mo men gwem sok mo gumwak fo ne it. An sok mone tepsu yegweswai wa men si Yefun Allah. Yefun Yesus ben suk tepsu yekwesu gato gum kok wai mo Yefun Allah bi nu wa men sane sor kem to kapyo mato kapyo, tepsu yegweswai gato sok mo Melkisedek bi de-i.

Efesus 4:10

Yesus Kristus dakai anato is kom mo bur ré desnak re, ete An waii it satu o. An it sane sor kom mo pe gato kok wai o re. Sane mo bur ré si gu nim ne, mo pe mwa ne sino, An kom mo pe mwa ne or re.

Roma 8:34

Ye yo ku os wa ki men gum ibit ne mó e? Yo mo nde, we Yesus Kristus gato kwop wa men ete mbau satu o, Yesus Kristus ne kem tak Yefun Allah de syim ge, anato Kristus gwa yawa men gum mo sukdu gato ye kiket men daret re.

Ibrani 3:14

Tepsu men onyar kem pe mo Yefun Yesus su ketke ne, men waii werwa men onyar kem pe mo Yefun sane sor kom mo pe gato or mó. Sane bere men sino si Yesus Kristus tepsu dik mo suk mwa gato An ben ne.

Ibrani 2:17

Sane An ma tepsu yetu gato da kridek. Mo suk mwa ne sino An kaim tepsu men yé gato sok mo Yefun Allah bi rus-i. Sane bere An ku os wa An ben suk tepsu Yekwesu gato gum kok wai kadit yekwesu yi neya mo Yefun Allah bi nu. An sa, tepsu yegweswai gato ben bi suk-i ri-roi wa men si Yefun Allah, subere men si Yefun kem ndo. An dakai jimnotku yetu ndo nde. An kak os wa men yetu, An bi nggwa win men, subere Yefun Allah yo maskwa men mo sukibit gato men ben ne o nde, Yefun yo nutbot sukibit ne o nde.

Ibrani 10:12

Suge bok neya dé gato sye yo ós men nde, wo Kristus dakai bi nggwa kwop tepsu suktot wa men sa, tep mó re, sane bere Yefun Allah yo maskwa men o nde, An yo nutbot sukibit gato men ben ne o nde. Kristus bi nggwa ne wam dik sor re, tep wa kapyo mato kapyo. Kristus bi nggwa kwop or wé, ete An kem tak Yefun Allah de syim ge, An si Yefun Allah jom suk mwa neya mo gu ne it.

Ibrani 8:1

Sukdu subot men bi Yekwesu gato men ki ne, i-ke mó, sare do, men bi Yekwesu gato gum kok wai ne mó re. An kem tak Yefun Allah de syim ge mo gu, An si Yefun Allah gato sye wai mo gu ne jom suk mwa neya sino re.

Suk Gato Yerasul Ben Ne 1:11

Ye we ne ndo do, ”Nin, ye Galilea, nin ti nin sok mu nim mo gu ré wa suma ne? Yefun Yesus gato Yefun Allah kar it mu mo gu kadit nin, bere kapyo tak Yefun Allah bi An is satu ma mo bur ré tepsu nin me Yefun Allah kar An it mu re.”

Ibrani 1:8

Sarewo Yefun Allah ki sukdu subot An bi Gan sare do, ”Pa, Nan anato tepsu Ji, Yefun Allah, Nan kem mo yekwesu bi kursi, we Nan gum Yekwesu to kapyo mato kapyo. Nan jom Nan bi rus-i sa, Nan ben Nan bi suk-i mu nai Nan bi rus-i mone ri-roi pe sor.

Suk Gato Yerasul Ben Ne 3:21

Yesus Kristus kem mo gu sane sor, Yefun Allah ben suk mwa ne be or, eteyo Yesus Kristus ma o, tepsu sukdu gato Yefun Allah tom su men suga nyim tuya. Sukdu ne An tarubot yenabi gato ben An bi suk-i sor.

Lukas 24:51

Yefun Yesus do ki suk su Yefun Allah wa An bi pakon saresa, Yefun Allah kar Yefun Yesus it mo gu kadit pakon ne re.

Markus 16:19

Yefun Yesus ki An bi sukdu nai An bi pakon, or Yefun Yesus it mu mo gu, ete Yefun Yesus kem tak Yefun Allah de syim ge subere Yefun Yesus si Yefun Allah, An we jowa suk mwa ne sino.

Ibrani 2:1

Yesus Kristus gwat Yefun Allah bi suktaru gato be ne ma wa men re, sane men werwa men jom sukduno subot Kristus gato ye duno men su ne krat o et, subere men mu brek kadit sukdu gato men onyar kem mone nde.

Markus 1:1

Mo buku ré, ji krom sukdu subot os ndo gato Yesus Kristus kak wa men yetu ne. Yesus Kristus, gato Yefun Allah bi Gan, anato kak os subere Yefun Allah nai men gum sok mo An bi rus-i. {Su ketke, Yesus Kristus yo ma mo bur ré nde tó, Yefun Allah fro yetu ge dik yo ma nyim.}

Matius 4:3

Sugane biris bi yekwesu ne ma ku Yefun Yesus, ete ki nai do, ”Nan tepsu Yefun Allah bi Gan sangge it yo, Nan syogat jok mwa ré tepsu roti wa Nan git et.”

2 Korintus 9:13

Nin do syo sugum ne mu kom motu it yo, bere Yefun Allah bi rus-i mwa mo bur Yudea bes Yefun Allah gum kok o re, we án me do, nin sa, nin sibot os ndo gato Yesus Kristus kak ne sisu ri-roi. Sane dom, bere án bes Yefun Allah gum kok, we nin syo suk mwa kadit suk gato nin ku ne dakai yi nai án si ye yi neya.

2 Korintus 12:2

Ji dakai jam ye Kristen ge dik yo, suga tahun musyu dik sop at nyim ne, an it mu mo gu kom mo pe gato kok wai o re. (Ji jam nde, an kaim sangge anato it mu mo gu bado, an me suk ne tepsu an semda ku sor bado, ji jam nde wa, wo Yefun Allah sor ete jam.)

Ibrani 3:1

Sane ji bi nji, ji bi nyanggon, nin si men sino anato yé gato Yefun Allah nai sok mo An bi rus-i. Sane men nutbot Yefun Yesus sisu ndo o et. Yefun Allah syogat Yesus Kristus gwat Yefun bi sukdu ne ma wa men tepsu Yekwesu gato gum kok wai mo Yefun Allah bi nu. An sa, tepsu yegweswai wa men si Yefun Allah gato men onyar kem mó.

Ibrani 6:6

Sarewo an do bariket Yefun Allah ete an mu tara kadit Yefun it yo, bere men yo ku os wa kar an satu ma mo Yefun o nde. Men yo ku os wa duno an subere an brek kadit os ibit ete satu ma mo Yefun Allah o nde, we an do brek satu ma mo Yefun o it yo, tepsu an gu Yefun Allah bi Gan wam dik yo o anane. An do brek satu ma mo Yefun o it yo, tepsu an kamo su Yefun Yesus gum mo yé mwa gwem anane.

Ibrani 10:29

Sane ye gato kamo su os gato Yefun Allah bi Gan kak ne, bere ye ne ku sukye wai kadit ye gato ye gu kwop mo suk gato an ben siri kadit Musa bi sukduno-i ne o re. Ye gato kamo su os gato Yefun Allah bi Gan kak ne yo bi sukjimnut kom mo Kristus dé gato sye wa os be bi sukdu-i ne kem su men ne nde. Ye ne da jam Kristus kwop wa tot sukibit gato an ben ne or wé kadit an, sarewo an ben an bi suk-i, an bi sukjimnut su do, Kristus dé sye dakai yi sane sor re, ben sato an yo nutbot suk gato Yesus Kristus ben ne teker eta nde. Mone an kabor Yefun Allah Gen gato bi os ndo nai an re. Sane ye gato kamo su os gato Kristus kak ne, bere ye ne ku sukye wai o re,

1 Petrus 3:22

Yesus Kristus sun ete it mu mo gu re. Motu An kem tak Yefun Allah de syim ge, An si Yefun Allah jom suk mwa neya o re. An nggi wai kadit malaikat mwa ne sino e, yerom e, aboksye si suk mwa gato i-mok nggi mone sino o re.