Ibrani 4:11 - Abun Scripture

¹¹ Sane men sino wergat men nggwa sisu men mit dik si men onyar dik, subere men si An kem not mo An bi nat-i, tepsu Yefun Allah tom su men ne. Men werwa, subere men bariket Yefun Allah bi sukdu nde, saga nyim ye deyo ben ne, subere ri ma Yefun Allah do watbot men ne yo, men ge dik yo gwet mo nde, wo men yé mwa ne sino kem not mo Yefun Allah bi nat-i.

Ibrani 4:11 Referans Kwoze

Ibrani 3:18

Yefun Allah tom su do, ”Mara! Nat gato Ji fro wa Ji si nin kem not mone yo, bere nin yo kom mone nde go!” Sane, Yefun Allah tom su je u mone ne? Yefun Allah tom su ye gato bariket An bi sukdu-i ne, bado, Yefun Allah tom su ye yi e? Yefun tom su ye gato bariket An bi sukdu-i fe!

Lukas 13:24

”Nin werwa nin sok mo Yefun Allah bi rus-i tepsu nin werwa nin sokbot nusyo gato buk wa nin. Ji ki sare do, bere yé mwa werwa sok mo Yefun Allah bi rus-i ware, ye ne yo ku nusyo gato nggwot ne nde re.

Ibrani 6:11

Men mit iwa nin ben Yefun Allah bi suk-i sisu nin mit dik si nin onyar dik sane sor kom mo pe gato or mó, subere suk gato nin mit iwa ku ne, gato nin eswa ne, bere nin ku sor.

Efesus 5:6

Ye yi do ma werwa kidar nin subere nin misyar sukdu gato ji ki ré subot Yefun bi sukdu-i ne yo, nin jambot nde, we ye gato ben bi suk-i siri kadit Yefun Allah bi sukdu-i ne, bere an ku sukmaskwa kadit Yefun Allah.

Ibrani 3:12

Sane ji bi nji, ji bi nyanggon, men kadik-kadik mewa men nggwa sisu ndo subere men bi sukjimnut ibit nde. Men mewa men nggwa subere men yo bariwa men jammo Yefun Allah nde. Men mewa men nggwa sane subere men mu brek wé kadit Yefun Allah gato gesyos ne bi os-i nde.

Titus 1:16

Án da ki do, án jam Yefun Allah, sarewo men me mo sukibit gato án ben ne anato men jam do, án jam nde Yefun Allah or re. Yefun Allah bariwa án. Án su krat, án yo nggiwa ben suk gato ndo mo nde.

Filipi 2:12

Sane yo, nin, ji bi yesyim gato ji jimnotku, nin benbot ji bi sukduno gato ji ki ré et. Yefun Allah anato nai nin sok mo An bi rus-i wé kadit bot gesyos it, sane nin ben nin bi suk-i tepsu yé gato jammo An et. Suga ji kem su nin tó yo, nin benbot ji bi sukdu petok sor. Sarewo su ré ji yo kem su nin nde, sane nin jammo ji bi sukduno pe, tepsu ji kem si nin tó. Mo suk mwa gato nin ben ne, nin jammo Yefun Allah sor, nin bi nin nggwa mo An, nin ben suk tepsu An mit,

Titus 3:3

Suga nyim tuya men dakai dom jam suk nde, men su krat, men bariwa Yefun bi os-i. Suk gato men dakai iwa men ben ne, ben sato rai men tepsu men gum kwerut wa men ben suk ket men í ne sor. Sugane men iwa ben sukibit nai ye yi, men maskwa ye yi mo suk mwa gato án ku wai kadit men. Men bariket ye yi, ete ye yi neya bariket men dom.

Kolose 3:6

Ye gato bariwa jammo Yefun Allah bere iwa ben sukibit mwa gane, sane anato bere Yefun Allah on sa ket ye ne.

Suk Gato Yerasul Ben Ne 26:19

”Yefun Yesus ki sukdu ne nai ji kadit gu, sane yenggras yeraja Agripa, ji werwa ji benbot suk gato Yefun Yesus ki ne.

Lukas 16:16

”Kadit ketke sor kom mo kam gato Yohanes, gato ras nje mo syur ma ne, yé duno nje su Musa si yenabi bi sukduno-i. Wo kadit kam gato Yohanes ma ne, Ji si Ji bi pakon duno nje subot os ndo gato Yefun Allah fro wa Yefun nai nin yetu gum sok mo An bi rus-i, ete An tepsu nin bi Yekwesu mone. Yé mwa jam sukdu ne anato yé mwa wergat nggwa wa án sok mo Yefun Allah bi rus-i.

Matius 11:12

Kadit kam gato Yohanes duno nje kom mo kam ré, Ji duno nje subere án onyar kem mo Ji ete sok mo Yefun Allah bi rus-i. Yetu mwa o jammo Ji bi sukduno-i, sarewo yé bok yo ma ben sukye nai ye gato brek ete jammo Ji bi sukduno-i ne. Ye Farisi si yeguru gato duno nje su Musa bi sukduno-i ne anato wergat nje subere án misyar Ji bi sukduno-i ne or re.

Matius 7:13

”Nin muket os gato bi ros syo ne nggwot et. Os gato ndo anane, sarewo nin do muket os gato bi ros syo ne re yo, bere nin ngga mo bot gesyos mo koirut. Os gato fro mo bot gesyos yé muket ne ndaf, ete yetu mwa muket os ne.

Efesus 2:2

Kamdik-kamdik nin ben sukibit, nin simo bur ré bi suk-i sor. Nin jammo yekwesu ge dik gato jom suktinggi ibit gato ok muya-muma subot bur ré re. Su ré, suktinggi ibit ne anato jom yé gato bariwa jammo Yefun Allah bi sukduno-i ne.

Yohanes 6:27

Nin ben suk it yo, nin meret sugit gato bergan kwik kadit nin nde re. Wo nin ben suk it yo, nin meret sugit gato kem nam, gato ben nin mbau gesyos. Bere Yetu bi Pa to Ji ré syo sugit ne nai nin re, we Ji bi Ai Yefun Allah bes Ji gum kok subere Ji kak os ndo wa nin kem gesyos re.”

Ibrani 4:6

Sane ye Israel gato jam Yefun Allah bi sukdu gato ndo su kam nyim ne, án yo si Yefun Allah kem not mo nat ne nde, we án bariwa jammo Yefun Allah bi sukdu-i ne. Ye yi neya sa, ye gato jammo Yefun bi sukdu-i ne, bere ku os wa án si Yefun Allah kem not mo bi nat-i ne mó tó, suk gato Yefun tom ne ndo mó tó.

2 Petrus 2:6

Sane dom tomga nyim tuya Yefun Allah syo sukye nai nje mo kota Sodom si kota Gomora. An syo bot git kota we ne or wé. Yefun Allah syo sukye subere An kadum do, bere An syo sukye nai yé gato bariket Yefun Allah digane.