Ibrani 4:10 - Abun Scripture

¹⁰ We, sare, men yé gato kem not mo Yefun bi nat-i tepsu Yefun Allah tom ne, bere men kem not kadit suk mwa gato men ben wa Yefun mo bur ré, tepsu Yefun Allah dakai ut suk mwa ne, orete An kem not kadit suk gato An ben ne.

Ibrani 4:10 Referans Kwoze

Wahyu 14:13

Orete ji jam sukdu kadit gu ne sare do, ”Nan krom sare do: Kadit kam ré yo, yé gato ben Yesus Kristus bi suk-i, ete kwop mone, yé ne sa, mit at wa, we bere Yefun ben sukndo su án.” Yefun Allah Gen ki do, ”Sangge, yé ne ku suk mwa gato ndo mo suk gato án ben ne. Sane yé ne yo mitwa ben suk mwa o nde, wo án kem not kadit re.”

Ibrani 10:12

Suge bok neya dé gato sye yo ós men nde, wo Kristus dakai bi nggwa kwop tepsu suktot wa men sa, tep mó re, sane bere Yefun Allah yo maskwa men o nde, An yo nutbot sukibit gato men ben ne o nde. Kristus bi nggwa ne wam dik sor re, tep wa kapyo mato kapyo. Kristus bi nggwa kwop or wé, ete An kem tak Yefun Allah de syim ge, An si Yefun Allah jom suk mwa neya mo gu ne it.

Yohanes 19:30

Yefun Yesus da nau rom or sa, An ki do, ”Tut more it.” Orete An su e mo bur, An mas bok it.

Ibrani 1:3

Yefun Allah dakai ben sato An rer-rik wai o re tepsu kam, ete An bi Gan ne ben sato An rer-rik wai o re dom tepsu kam yor gato gat men. Yefun Yesus gwat Yefun Allah bi rer ne ma wa men jam. Sane An bi Gan ré anato tepsu Yefun Allah dakai ne it, tara kadit Yefun Allah wokgan yo dom nde. An bi Gan ki bi sukdu-i gato nggi wai subere An bi Gan mewa suk mwa mo bur ré si gu nim ne sino subere suk mwa ne kas sisu ndo sor. An bi Gan kak os wa men yetu subere Yefun Allah yo nutbot sukibit gato men ben ne o nde, ete Yefun Allah nai men gum sok mo An bi rus-i. Orete An bi Gan ne kem tak An de syim ge mo gu, mone An bi Gan si Yefun Allah gato sye wai o re, jom suk mwa ne sino.

Ibrani 4:9

Sane Yefun Allah tom su An bi rus-i do, An fro bi kam-i gato men kem not ne mó re, tepsu Yefun Allah kem not su kam domufit ne, bere men si Yefun kem not mone tó.

Wahyu 6:11

Yé bok ne ku san gato kwo ndo wa án it. Yefun syogat án kem not yei sane sor án bi nji, gato si án ben Yefun bi suk-i ne, yé gu kwop sagato yé gu án ne, kom mo pe gato or mó, ete bere Yefun ndobot yetu mo bur ré.