Ibrani 3:8 - Abun Scripture

⁸ nin su krat wa nde, sagato nin bi amui bariket sukdu gato Yefun Allah ki nai án tomgatu án kem mo pe gato kwe yo kom mo nde. Tomgane nin bi amui bariket sukdu gato Yefun Allah ki ne, án su krat ndo nde sor bergan Yefun Allah yo jimnotku án o nde.

Ibrani 3:8 Referans Kwoze

Matius 13:15

Yewis ye Yahudi gare jam nde suk, we án su krat ware, án dabe mbut it, ondesor sa, án jam suk; án gro ndu it, ondesor sa, án me suk sisu ndo; án bi sukjimnut yo nggi o nde it, onde bere, án jam sukdu ne kom mo mit ete bere án brek ma mo Ji, orete yo, Ji ben án kem ndo it.’

1 Korintus 10:9

Suk gato men bi Yekwesu Yefun Yesus duyawa men ben ne, men ben nde, we tomga nyim ne án deyo ben suk gato Yefun duyawa ne, orete kwis gu ye gane kwop or.

Suk Gato Yerasul Ben Ne 19:9

Sarewo ye Yahudi ge bok yo mone, án su krat, án bariwa án jammo suk gato Paulus ki ne. Sane án ki do os gato Yesus Kristus kak ne ibit, án ki do, os ne siri re, án ki bi sukdu-i sane mo yé mwa gwem. Sane Paulus mu kadit án re. Paulus si ye gato onyar kem mo sukdu subot Yefun Yesus ne mu kadit yé bok gato kabor Paulus mo sukdu ne. Paulus si ye gato onyar kem mo Yefun Yesus ne mu kibot sukdu ne mo Tiranus bi nu sye. Kamdik-kamdik Paulus si ye gato ma mone ki sukdu subot Yefun Yesus bi os-i.

Suk Gato Yerasul Ben Ne 7:36

Musa ré ri ma gwat ye Israel mu kadit bur Mesir. An kadum Yefun Allah bi suktinggi ne bor mo bur Mesir, subere yé mwa ne sino yeket ete nutbot ndo nde. An kadum Yefun Allah bi suktinggi mo Sem Er. Yé mwa ne yeket suk gato an ben ne mo pe gato kwe yo kom mo nde sane sor kom mo tahun musyu at.