Ibrani 3:19 - Abun Scripture

¹⁹ Su ré men jam it, men bi amui gato bariket Yefun Allah bi sukdu-i ne yo sok mo nat gato Yefun Allah fro wa án nde, we án yo onyar kem mo Yefun Allah nde.

Ibrani 3:19 Referans Kwoze

Yudas 1:5

Sukdu mwa ré, nin dakai jam re, sarewo nin nutbot suk gato ji krom ré sisu ndo et, Yefun Allah da nai ye Israel wé kadit sukye mwa gato án ku mo bur Mesir ne, sarewo ri ma, yé Israel gato misyar An ne, An gu kwop wé re.

Yohanes 3:36

Ye to onyar kem mo Yefun Allah bi Gan yo, ye ne mbau to kapyo mato kapyo, wo ye to misyar An bi Gan ne yo, bere ye ne yo kem ndo mo nde, wo ye ne ku sukye mo Yefun Allah bi sukmaskwa ne sor to kapyo mato kapyo.”

Yohanes 3:18

Ye to onyar kem mo An bi Gan yo, ye ne yo ku sukye mo bot gesyos nde. Sarewo ye to yo onyar kem mo An bi Gan nde yo, ye ne gum sok mo ye gato bere ges mo bot gesyos it, we ye ne yo onyar kem mo Yefun Allah bi Gan ge dik ne nde.

Markus 16:16

Ye to onyar kem mo Ji, eteyo yé ras an mo syur, bere an kem ndo to kapyo mato kapyo. Sarewo ye to bariwa sukdu ne, yo onyar kem mo Ji nde, bere Yefun Allah syo sukye nai ye ne mo bot gesyos.

1 Yohanes 5:10

Ye gato nai bi sukjimnut do, sangge, Yefun Yesus anato Yefun Allah bi Gan, ye ne onyar kem mo sukdu gato Yefun Allah ki ne re. Sarewo ye gato nai bi sukjimnut do, an bariwa sukdu gato Yefun Allah ki ne, tepsu an ki do, Yefun Allah kidar ko ne, we án nut do sukdu gato Yefun Allah ki subot An bi Gan ne yo sangge nde.

2 Tesalonika 2:12

Sane ye gato iwa ben sukibit ete bariwa jammo suk gato sangge ne, bere Yefun Allah syo sukye nai án sino mo bot gesyos o re.

Roma 11:23

Ye Yahudi yo misyar Yesus Kristus o nde, ete án do nai sukjimnut brek satu ma kem pe mo Yesus Kristus yo, bere Yefun Allah nggiwa nai án gato tepsu i-guk gato Yefun tot wé ne, ete but dom kweke ne satu o.

Ibrani 3:12

Sane ji bi nji, ji bi nyanggon, men kadik-kadik mewa men nggwa sisu ndo subere men bi sukjimnut ibit nde. Men mewa men nggwa subere men yo bariwa men jammo Yefun Allah nde. Men mewa men nggwa sane subere men mu brek wé kadit Yefun Allah gato gesyos ne bi os-i nde.