Ibrani 2:4 - Abun Scripture

⁴ Yé gato ki Yefun bi sukdu-i nai men, án ki bi sukdu-i sa, Yefun Allah kadum An bi suktinggi bor mone anato men jam rer do, sukdu ne sangge. Yefun Allah bi suktinggi bor sato ré, ye gato kwop ne, sun e, ye gro ndu, gro rek e, ye gato gwes út ne, mu e ne. Yé mwa ne yeket, ye nutbot ndo nde. Yefun Allah Gen syo An bi suktinggi subot yé gato ki Yefun bi sukdu tepsu pe gato Yefun Allah Gen dakai iwa fro ne.

Ibrani 2:4 Referans Kwoze

Suk Gato Yerasul Ben Ne 14:3

Sane Paulus si Barnabas kem mone nam. An we yo nyu nde, an we ki subot an we bi Yekwesu Yefun Yesus bi sukdu. An we ki sukdu subot os ndo gato Yesus Kristus kak wa men yetu ne. Yefun Yesus ben an we nggiwa kadum Yefun Allah bi suktinggi ne bor, subere yé mwa ne sino yeket ete nutbot ndo nde, sane ye nut do sukdu gato an we ki ne sangge.

Efesus 1:5

kadit ketke ne it, anato An bi sukjimnut wa nai men tepsu An dakai bi pá-i, we men sibot os gato Yesus Kristus kak ne. Yefun Allah mit iwa An fro os ne wa men.

Markus 16:20

Sane Yefun Yesus bi pakon mu ki sukdu subot os ndo gato Yefun Allah fro ne mo peyo-peyo. Yefun Yesus syo An bi suktinggi nai An bi pakon ne. Yefun Yesus yo misyar An bi pakon nde anato An bi pakon ben suk mwa gato ben nje yeket. Yefun Yesus bi pakon ben suk mwa gato ben nje yeket ne anato yé jam do, sukdu gato An bi pakon ki ne sangge anane.] Markus bi sukdu-i gato ye ku mo buku rok deyo o, ye krom sare: [

Yohanes 4:48

Yefun Yesus ki nai yesu gato ben suk wa yeraja si nje mone do, ”Nin gare yo me suk gato kadum Yefun Allah bi suktinggi bor su nin gro nde yo, bere nin yo onyar kem mo Ji mo nde.”

Yohanes 15:26

Bere Ji bi Yefun Allah Gen gato ós nin muket os ndo ne ma kadit Ji bi Ai {Yefun Allah}. Bere Yefun Allah Gen bok nggwa mo nin. Bere Yefun Allah Gen duno nin su sukduno gato sangge subot Yefun Allah sor, kwa gato An kidar yo mo nde. Sane Yefun Allah Gen do ma kadit Ji bi Ai it yo, bere An ki rer subot Ji nai nin jam dom.

Efesus 1:9

Os ndo gato Yefun Allah fro wa men ne, gato nyim tuya yo bor nde, An iwa ki bor wa men jam it anare. Os gato An fro wa men anato bor mo Yesus Kristus it.

Suk Gato Yerasul Ben Ne 4:10

Saneyo, men ka we ki rer wa nin si ye Israel ne sino jam. Yesus Kristus bi suktinggi anato ben ye gato ti mo men gwem ré ge re. Yesus Kristus anato ye Nazaret gato nin gu kwop mo kwesukwin, wo Yefun Allah sun An kadit sukkwop o re.

Markus 6:14

Yé ki Yefun Yesus gum kas mu kom mo peyo-peyo anato Yeraja Herodes jam sukdu subot suk mwa gato Yefun Yesus ben ne. Yé deyo kibot Yefun Yesus do, ”Yohanes gato ras nje mo syur anane, an kwop wé re, ete ré ne Yohanes sun kadit sukkwop. Yohanes frus an nggwa tepsu Ye ne anato Ye ne ku suktinggi wa ben suk gato ben men yeket ne.”

Suk Gato Yerasul Ben Ne 5:32

Sukdu gato men ki subot ne, men dakai me su men gro it, anato men kibot ne. Yefun Allah Gen me su An gro dom, sane An ki sukdu subot Yefun Yesus mo men yetu mit si men onyar. Yefun Allah Gen ne, Yefun Allah syo nai men yé gato jammo An.”

Efesus 4:7

Men kadik-kadik ku suktinggi gato Yesus Kristus syo yi nai men tara kadit yu re. Suktinggi bok ré, men ku tepsu pe gato An dakai nai sukjimnut wa syo nai men re.

Ibrani 6:4

Men krombot sukdu gato kru ne o, we ye gato ketke onyar kem mo Yefun Allah, orete an bariket Yefun Allah ete mu tara kadit Yefun bi os-i o re yo, men yo ku os wa kar ye ne satu ma mo Yefun o nde. Suga nyim Yefun Allah bi sukdu gato rer ne, an jam re. Yefun Allah syo suk gato ndo nai an mó re. Yefun Allah Gen dom pet mo an mó re, an jam an nggwa mone it.