Ibrani 2:3 - Abun Scripture

³ Sane men misyar suktaru be gato ndo wai ne te, bere men titi fro kadit sukye mo bot gesyos sa u ne? Bere men yo ku os nde go! Ketke Yefun Yesus dakai ma kom mo bur ré sa, An kibot suktaru ne nai nje jam. Or o ye gato jam sukdu gato Yefun Yesus ki ne, yé ne waii ki nai men jam o, ete men jam rer do, sukdu ne sangge it.

Ibrani 2:3 Referans Kwoze

Ibrani 12:25

Sane yo, men mewa men nggwa subere men yo bariwa jammo sukdu gato Yefun Allah ki ne nde. Yé gato bariwa jammo Yefun Allah bi sukdu gato ye ki mo banbo Sinai ne sa, yé ne yo ku os wa titi kadit sukye gato Yefun Allah fro ne nde. Sane dom, men ré do bariwa jammo sukdu gato Yefun gato gum kok mo gu ki ne ma it yo, bere sa u ne? Bere men yo ku os nde go!

Roma 2:3

Sarewo ji bi nji, ji bi nyanggon, nin kiket ye yi gum mo sukibit gato an ben ne, wo nin dakai ben sukibit tepsu ye ne yo, nin nut do bere Yefun Allah yo kiket nin gum mone nde bado? Bere Yefun kiket nin gum ete syo sukye nai nin mone re go!

Ibrani 5:9

Sane An ben suk mwa gato Yefun Allah fro wa An ben ne or sa, An kak os wa men yetu gato jammo An muket, subere An nai men wé kadit bot gesyos, subere men kem ndo to kapyo mato kapyo.

Suk Gato Yerasul Ben Ne 4:12

Yefun Yesus ka dik sor anato kak os ndo wa nai men wé kadit bot gesyos, subere men kem ndo to kapyo mato kapyo. Yetu yi yo mo nde, kadit yetu mwa ne sino, Yefun Yesus An ka dik sor anato nggiwa kak os ndo wa men kem gesyos.”

Ibrani 4:11

Sane men sino wergat men nggwa sisu men mit dik si men onyar dik, subere men si An kem not mo An bi nat-i, tepsu Yefun Allah tom su men ne. Men werwa, subere men bariket Yefun Allah bi sukdu nde, saga nyim ye deyo ben ne, subere ri ma Yefun Allah do watbot men ne yo, men ge dik yo gwet mo nde, wo men yé mwa ne sino kem not mo Yefun Allah bi nat-i.

Ibrani 1:2

Wo su kam gato karowa bur kru ré sa, Yefun Allah syo An bi Gan ma, An tarubot An bi Gan wa men re. Su ketke Yefun Allah syo suktinggi nai An bi Gan anato su ketke An bi Gan ut suk mwa mo bur ré si gu nim ne sino. Yefun Allah bes An bi Gan subere suk mwa ne sok mo An bi Gan bi suk-i ne sino.

Lukas 1:2

Yé gato me suk ne su án gro kadit ketke, yé gato mu ki subot suk mwa gato Yesus Kristus ben ne, án sino mu nuk subot suk mwa gato án me su án gro, ete án waii krombot.

Wahyu 7:10

Yé mwa ne saiye nggi do, ”Yefun Allah gato kem mo An bi kursi ne, Yefun gato jom men ne anato fro os wa nai men wé kadit sukye ne re. Domba Gan anato kak os wa nai men wé kadit sukye subere men kem ndo to kapyo mato kapyo ne or re.”

Titus 2:11

Nan duno nje su sukduno ne, we Yefun Allah dakai bi sukjimnut sye kas subot men yetu yi sor, men yo ben suk yo nyim wa An nde. Sane An syogat Yefun Yesus ma mo bur ré wa kak os ndo wa men kem ndo to kapyo mato kapyo.

1 Timotius 1:15

Sukdu gato ji ki ré suksangge, men nai ma, men grem kem pe mo men mit sor, sare do, ”Yesus Kristus ma mo bur ré wa ós men yetu gato ben sukibit, subere men ges mo bot gesyos nde, wo men kem ndo to kapyo mato kapyo.” Mo yé mwa gato ben sukibit mo bur ré, ji anato ben sukibit mwa wai kadit yé mwa ne sino o re.

Matius 23:33

Nin ben nin bi suk-i ibit, nin tepsu kwis! Nin si nin bi amui sino ben sukibit tepsu yu. Bere je u anato nai nin kadit sukye gato bere nin ku mo bot gesyos ne?

Ibrani 4:1

Suk gato Yefun Allah tom su ye Israel subere ye Israel kem not mo Yefun Allah bi nat-i ne kwop mone it. Suktom ne ndo wa men tó. Sane men mewa men nggwa subere Yefun Allah do watbot men it yo, men ge dik yo gwet mo nde, wo men yé mwa ne sino kem not mo An bi nat-i tepsu suk gato Yefun tom ne.

Suk Gato Yerasul Ben Ne 2:22

Orge Petrus ki o do, ”Ji bi nji, ji bi nyanggon, ye Israel, nin jammo suk gato ji ki ré et. Yefun Yesus, ye Nazaret ne, men jam do Yefun Allah bes An, we Yefun Allah bi suktinggi bor mo An re. An ben suk mwa gato men yetu yeket {sato: ye gato kwop, An sun mbau satu, ye gato gro ndu, An ben gro ndo satu, ye gato gwes út ne, An ben mu o re}. Yé mwa nutbot suk gato An ben ne ndo nde. An kadum Yefun Allah bi suktinggi bor wa men me re. Nin dakai jam re.

Yohanes 15:27

Bere nin waii ki rer subot Ji nai ye yi jam dom, we kadit ketke Ji si nin ben suk tepsu dik sino.

Lukas 24:19

Yefun Yesus ndo mo an do, ”Suma anato bor mone ne?” An we ki do, ”Yé ben sukye nai Yesus, ye Nazaret ne. Ye ne anato yenabi gato ki sukdu gato Yefun Allah tarubot An nai men. An ki An bi sukdu-i ne pet mo nje. An ben An bi suk-i nggi wai o re. An ben suk gato ben yé mwa yeket. Sane suk mwa gato An ben ne kadum do Yefun Allah sisu An. Yé mwa dom ki do, An ye gato ben sukndo.

Markus 1:14

Yé grem Yohanes mo penjara or sa, Yefun Yesus mu mo bur Galilea wa An ki sukdu subot os ndo gato Yefun Allah tarubot An.

1 Tesalonika 5:3

Bere yetu mo bur ré ki do, ”Men kem not it anare, men nyuwa suk yo mo nde.” Sugane án ku sukye ndo nde, án gensu sukye ne ma tepsu nggon far gensu i wa kem su pa ne. Yé mwa ne ku sukye sor, ye yo ku os wa titi wé kadit nde.

Lukas 1:69

An fro os wa nai men wé kadit sukye gato men ku ne, An bes Ye gato nggiwa ós men. Ye gato An bes ne bi amui mo yeraja Daud, gato Yefun Allah bi pakwerut ne.

Matius 4:17

Kadit kam gato Yefun Yesus mu kem mo kota Kapernaum An duno nje mone do, ”Yefun Allah ma jowa nin tepsu nin bi Yekwesu it anare! Sane nin kwet kadit sukibit gato nin ben ne, ete nin jammo Yefun et.”

Roma 11:14

Ji mit iwa ji ós yewis yi sok mo Yefun Allah bi rus-i, subere kak ji dakai bi yewis-i bi sukjimnut sane sor án nut subot sukndo gato yewis yi ku mone. Ji mit iwa án nut subot sukndo gato yewis yi ku ne sane sor án waii mit wa án sok mo Yefun bi rus-i ne dom.

1 Korintus 1:21

Yefun Allah gato bi sukjimnut ne ko wai o re anato fro os subere men jam An sisu ndo. Men jam An kadit men yetu bi sukjimnut mwa gato kru nde, wo men jam An kadit sukdu gato men kibot Yesus Kristus. Sukdu ne, ye yi ki do, men dakai ki daret kaii, sarewo kadit sukdu gato ndaf ne, Yefun Allah fro os wa nai men yé gato onyar kem mo sukdu ne kadit sukye mo bot gesyos, subere men kem ndo to kapyo mato kapyo.

Ibrani 1:1

Suga nyim tuya Yefun Allah tarubot yenabi wa men bi amui. An yo bi suktaru ne dik nde, wo An bi suktaru ne mwa. Yenabi mwa ne gwat sukamno subot Yefun Allah bi suktaru ket kwayo-kwayo.

Ibrani 1:14

Yefun yo ki sukdu bok ne subot malaikat nde, sane malaikat ne te suma gei ne? Malaikat ne anato suk gato da kridek yo mo nde, wo malaikat da gesyos sor ete mó. Yefun Allah yo bes malaikat tepsu An bi Gan gato Yekwesu si Yefun sino nde, wo Yefun syogat malaikat mu ós nje gato bere kem ndo to kapyo mato kapyo mo Yefun Allah bi nat-i ne sor re.

Ibrani 9:28

Sane dom, Kristus bi nggwa kwop wam dik wa men yetu mwa ne tepsu suktot wa tot sukibit gato men ben or wé re. Or o, bere Kristus ma wam kedowe o. An ma o yo, An kwop wa tot men bi sukibit ne o nde, wo bere An ma wa nai men yé gato eswa An ma ne, ete An gwat men mu sok mo An bi nat-i.

1 Yohanes 1:1

Men krom subot Sukdu gato ós men kem ndo to kapyo mato kapyo. Sukdu ne kem kadit ketke ne it. Sukdu ne men jam re. Sukdu ne men me su men gro re, men sokwa pe, men syimtok mó re. Sukdu ne men kibot subere nin jam re.

Yudas 1:17

Sarewo ji bi nji ji bi nyanggon gato ji jimnotku, men bi Yekwesu Yesus Kristus bi yerasul bi sukdu-i gato yerasul bok ne ki suga nyim ne yo, nin jammo, nin napawa pe et.