Ibrani 2:16 - Abun Scripture

¹⁶ Sane men jam rer do, Yefun Yesus yo ma wa ós malaikat nde, wo An ma wa ós Abraham bi yewis-i {men yé gato jammo Yefun bi sukdu-i.}

Ibrani 2:16 Referans Kwoze

Galatia 3:29

Men do sok mo Yesus Kristus bi rus-i it yo, sane men ré tepsu Abraham bi pá dom, ete men ku os ndo gato Yefun Allah tom su men ne, Yefun nut mo men do, men sa, tep wa sok mo An bi rus-i it.

Galatia 3:16

Sane Yefun Allah tom suk su Abraham si Abraham bi pa ne do, kadit Abraham bi pa ge dik yo anato Yefun Allah fro os ndo wa yewis mwa ne sino sok mo Yefun Allah bi rus-i. Mo Yefun Allah bi sukdu, ye krom do, Yefun Allah tom suk su Abraham bi pa mwa nde, wo pa gato Yefun Allah tom su ré, pa ge dik sor re. Pa ne anato Kristus.

Ibrani 12:10

Men bi ai-i mo bur ré duno men, bergan sor ete yenggras ne duno men tepsu os gato an dakai nut do ndo. Sarewo Yefun Allah duno men tepsu os gato ndo wa men, subere men ben men bi suk-i ndo petok sor, tepsu Yefun Allah ben ne, kwa gato ibit yo mo nde.

Ibrani 6:16

Men yetu tom suk su ye yi it yo, bere men syo men syim su, men syo men syim tok ye gato gum kok wai kadit men. Men syo men syim sane subere men yo duwer yu mo sukdu gato men kibot mone o nde, wo sukdu ne kwop mone it, sangge, bere men benbot sor.

Roma 2:25

Men ye Yahudi nut do men simo sunat sa, men sok mo Yefun Allah bi rus-i it anane. Siri re, wo men benbot ye Yahudi bi sukduno-i mwa ne sino sa, bere sunat ós men mone tó. Sarewo men ben men bi suk-i siri kadit ye Yahudi bi sukduno-i yo, sunat ne yo ós men sok mo Yefun Allah bi rus-i nde.

1 Petrus 1:20

Yefun Allah ut bur ré nde tó, An fro Yesus Kristus tepsu suktot nyim wé re. Yefun Allah fro Yesus Kristus kadit ketke ne it, wo su ré, karowa bur ré kru sa, Kristus bor mo bur ré. An ma wa tot sukibit gato men ben ne wé, subere nin dom ku os ndo wa nin sok mo Yefun Allah bi rus-i re.

Ibrani 2:15

Yefun Yesus kwop wa ben biris bi yekwesu ibit sor nde, wo An kwop wa sombok men wé kadit suknyu dom. Ye gato nutbot sukkwop pe, ete nyuwa an kwop ne, bere ben an gum kwerut wa suknyu it. Sarewo su ré Yefun Yesus ma wa sombok ye gato nyuwa sukkwop ne wé kadit suknyu ne it.

Ibrani 2:17

Sane An ma tepsu yetu gato da kridek. Mo suk mwa ne sino An kaim tepsu men yé gato sok mo Yefun Allah bi rus-i. Sane bere An ku os wa An ben suk tepsu Yekwesu gato gum kok wai kadit yekwesu yi neya mo Yefun Allah bi nu. An sa, tepsu yegweswai gato ben bi suk-i ri-roi wa men si Yefun Allah, subere men si Yefun kem ndo. An dakai jimnotku yetu ndo nde. An kak os wa men yetu, An bi nggwa win men, subere Yefun Allah yo maskwa men mo sukibit gato men ben ne o nde, Yefun yo nutbot sukibit ne o nde.