Ibrani 2:15 - Abun Scripture

¹⁵ Yefun Yesus kwop wa ben biris bi yekwesu ibit sor nde, wo An kwop wa sombok men wé kadit suknyu dom. Ye gato nutbot sukkwop pe, ete nyuwa an kwop ne, bere ben an gum kwerut wa suknyu it. Sarewo su ré Yefun Yesus ma wa sombok ye gato nyuwa sukkwop ne wé kadit suknyu ne it.

Ibrani 2:15 Referans Kwoze

Roma 8:15

Yefun Allah Gen, gato bok nggwa mo men ne, yo ben men tepsu pakwerut wa suknyu o nde, wo Yefun Allah Gen ben men tepsu Yefun Allah bi pa-i. Sane Yefun Allah Gen mo men mit ben men kendo Yefun Allah do, ”Ai o, ji bi Ai o.”

2 Timotius 1:7

we Yefun Allah Gen gato bok nggwa mo men, yo ben men nyuwa suk nde, wo An Gen ben men nggi wai kadit suk bok neya. An Gen ben men nggiwa men bi sukjimnut kas subot ye yi neya. An Gen ben men nggiwa men mewa men nggwa subere men ben sukdaret nde.

2 Korintus 1:10

Yefun Allah mewa men kadit yé gato werwa gu men kwop mó re. Sane dom, su kam sari ne ma, bere Yefun waii mewa men kadit yé gato werwa gu men kwop mone o tó. Men kwabom kam mo Yefun sare do, bere An mewa men kadit sukye mwa ne sor.

Roma 8:21

suk bok gato Yefun ut ne sino bere sombok kadit suk sato bom e, syumbar e ne gato ben suk bok ne ibit e, mbras, e mbu e ne. Bere suk bok ne sino si men yé gato sok mo Yefun Allah bi rus-i kem ndo sino. Bere suk bok gato Yefun ut ne si Yefun bi pá-i kem gesyos mo nat gato ndo wai o re.

Galatia 4:21

Nin yé gato iwa jom ye Yahudi bi sukduno-i, nin jam sukduno ne bi sukjimnut bado? Nin jammo suk gato ji ki ré et, ji ki rer subot ye Yahudi bi sukduno-i gato Musa krom ne.

Ibrani 2:16

Sane men jam rer do, Yefun Yesus yo ma wa ós malaikat nde, wo An ma wa ós Abraham bi yewis-i {men yé gato jammo Yefun bi sukdu-i.}