Ibrani 13:23 - Abun Scripture

²³ Su ré, ji iwa nin jam do, men bi nji gato gum do Timotius, ye syesyar an kadit sel it. An do ma ku ji more it yo, bere ji si an, men ka we ba ku nin mone.

Ibrani 13:23 Referans Kwoze

Filemon 1:1

Ji gato gum do Paulus, gato ye rai ete bok mo sel mo gato ji ben Yesus Kristus bi suk-i ne, ji si men bi nji, gato gum do Timotius, men ka we anato krom surat ré wa nan. Men ka we krom sukdu ré wa nan, Filemon, men bi yesyim gato men jimnotku, gato si men ka we ben Kristus bi suk-i sino.

1 Tesalonika 3:2

ete men syogat men bi nji, Timotius ba ku nin mo Tesalonika. Timotius ré, Yefun Allah bes an ben suk si men ka we wa mu ki sukdu subot os ndo gato Yesus Kristus kak ne. Men syogat an ba wa ós duno nin subere nin onyar kem mo Yefun Yesus nggi wai o.

2 Timotius 1:8

Sane nan nyuwa nan ki sukdu subot men bi Yekwesu Yefun Yesus nai nje nde. Nan damen wa ji gato ye grem mo sel ré nde, we ji ki subot os ndo gato Yesus Kristus kak ne anato ye grem ji mo sel more. Nan ki subot os ndo gato Yefun Yesus kak wa men yetu ne, nan nyuwa nde, wo Yefun Allah ete ben nan nggiwa nan waii ku sukye mone sato ji ku re.

Wahyu 7:14

Ji ki do, ”Yenggras, nan dakai jam re.” Sane yenggras ne ki nai ji do, ”Yé mwa ré ku sukye ndo nde, ete án ti fro kadit sukye ne re. Ben sato yé mwa ne mus án bi san su Domba Gan dé anato án bi san ne kwo ndo re.

Filemon 1:22

Ji ndekwa nan fro gumwak dik yo wa ji dom et, we ji kwabom kam mo Yefun Allah do, bere Yefun jam suk gato nin sino ki nai An, ete An kak os wa ji satu ba ku nin sino mone.

1 Timotius 6:12

Nan wergat nan dakai su nan mit dik nan onyar dik, subere nan ben nan bi suk-i tepsu ye gato onyar kem mo Kristus, subere nan kem ndo to kapyo mato kapyo, we kam gato nan ki rer mo yé mwa gwem do, nan onyar kem mo Kristus it, Yefun Allah anato nai nan wa nan si An kem ndo to kapyo mato kapyo mone.

Roma 15:28

Sane bere ji mu mo Yerusalem, ete ji syo sugum mwa ne sino nai yé gato kem mone. Ji ben suk gato ye syogat ji ben ne or yo, ji mu mo bur Spanyol it anane. Ji do mu mone yo, bere ji ba ku nin mo nin bi kota-i, ete ji wai kadit nin mu mo bur Spanyol.

Roma 15:25

Sarewo ji yo ba ku nin nde tó, we su ré, ji mu mo kota Yerusalem or et. Ji mu mo Yerusalem subere ji gwat sugum wa ós ye gato onyar kem mo Yefun Yesus mone.

Kolose 1:1

Ji, gato gum do Paulus, gato Yefun Allah bes gum yerasul wa ben Yesus Kristus bi suk-i, ji si men bi nji, Timotius anato bi sukdu mo surat ré wa nin. Ji bi nji, ji bi nyanggon, men ka we krom surat ré wa nin yé gato onyar kem mo Yesus Kristus mo kota Kolose. Men ka we krom surat ré wa nin yé gato ben Kristus bi suk-i sor sisu ri-roi, gato kem mone. Men bi Ai, Yefun Allah, ete mewa nin. Yefun Allah ete uttok nin petok sor.