Ibrani 13:22 - Abun Scripture

²² Ji bi surat ré, ji yo krom syu teker nde, sane ji kiwa nin nutbot ji bi sukduno mwa ré sisu ndo et.

Ibrani 13:22 Referans Kwoze

1 Petrus 5:12

Silas anato ós ji krom surat wokgan ré wa nin. Ji nut do, an sa, ye Kristen gato ben an bi suk-i ri-roi tepsu Kristus mit. Ji iwa ji frot sukdu bok ré subere nin jam do, sangge, kapre nin yo ben suk yo nyim wa Yefun Allah nde, An dakai bi sukjimnut sye kas subot nin sor. Ji krom sukdu subot sukndo gato Yefun Allah ben dakai yi su nin subere nin bi sukjimnut kem pe mo An. Sane nin bi sukjimnut ut krat mo sukdu ne {tepsu jam biro kom krat mo kweguk et.}

Ibrani 3:1

Sane ji bi nji, ji bi nyanggon, nin si men sino anato yé gato Yefun Allah nai sok mo An bi rus-i. Sane men nutbot Yefun Yesus sisu ndo o et. Yefun Allah syogat Yesus Kristus gwat Yefun bi sukdu ne ma wa men tepsu Yekwesu gato gum kok wai mo Yefun Allah bi nu. An sa, tepsu yegweswai wa men si Yefun Allah gato men onyar kem mó.

Galatia 6:11

Nin me ré, huruf gato ji krom sye ré. Sukdu gato wari ré, ji dakai anato krom.

2 Korintus 6:1

Men anato ye gato ben Yefun Allah bi suk-i, sane men ki nai nin do, nin kamo su os ndo gato Yefun Allah dakai fro yi wa nin nde. Yefun Allah dakai fro os ne wa nin, nin yo ben suk yo nyim wa An nde, sane nin misyar os ndo ne nde, wo nin simo os ne sisu sangge sor.

2 Korintus 5:20

Sane Yefun Allah bi suktaru subot os be gato Kristus kak ne, men anato mu ki napyo nai nje jam. Yefun anato kendo yetu mwa ne ma wa si An kem ndo mo sukdu gato men ki ne. Sane nin jammo sukdu subot Kristus gato men ki ré et: Nin bariwa nde, wo nin sibot os be subere nin si Yefun Allah kem ndo su yu se!

Ibrani 4:11

Sane men sino wergat men nggwa sisu men mit dik si men onyar dik, subere men si An kem not mo An bi nat-i, tepsu Yefun Allah tom su men ne. Men werwa, subere men bariket Yefun Allah bi sukdu nde, saga nyim ye deyo ben ne, subere ri ma Yefun Allah do watbot men ne yo, men ge dik yo gwet mo nde, wo men yé mwa ne sino kem not mo Yefun Allah bi nat-i.

Ibrani 4:1

Suk gato Yefun Allah tom su ye Israel subere ye Israel kem not mo Yefun Allah bi nat-i ne kwop mone it. Suktom ne ndo wa men tó. Sane men mewa men nggwa subere Yefun Allah do watbot men it yo, men ge dik yo gwet mo nde, wo men yé mwa ne sino kem not mo An bi nat-i tepsu suk gato Yefun tom ne.

Ibrani 2:1

Yesus Kristus gwat Yefun Allah bi suktaru gato be ne ma wa men re, sane men werwa men jom sukduno subot Kristus gato ye duno men su ne krat o et, subere men mu brek kadit sukdu gato men onyar kem mone nde.

2 Korintus 10:1

Ji dakai, gato gum do Paulus, ji kiwa nin jammo suk gato ji ki ré et. Ji jam do, yé bok yo ki ji gum ibit. Yé bok ne ki do, ji si nin mone yo, ji ki ji bi sukdu-i nai nin sisu ji nyu sor, wo ji kem os syu kadit nin yo, yé bok ne ki do, ji krom ji bi sukdu-i nai nin ne krat yé. Kristus bi sukjimnut-i ndo wa men, An ben An bi suk-i ne njep su men,

Suk Gato Yerasul Ben Ne 13:15

Mo nu ari ne, ye baca sukdu mo Musa si yenabi bok yo o bi buku, orge yekwesu mo nu ari ne syogat ye mu ki sukdu nai Paulus si bi yesyim ne do, ”Ji bi nji, nin bi sukduno yo wa ós men more it yo, nin ki mó et.”

Efesus 3:3

Suktaru gato Yefun Allah fro wa ji ki ne, An yo kadum rer wa yetu jam nde tó, An ki rer nai ji jam nyim wé re. (Ji krom subot suktaru ne napyo nai nin jam mó re.

Ibrani 12:5

Sane dom nin mbrinket sukduno gato Yefun Allah ki subot sukye gato nin ku ne nde. Yefun Allah ki sukdu nai nin si men sino, ye gato tepsu An bi pá-i sare do, ”Pa o, Yefun Allah gato gesyos do duno nin mo sukibit gato nin ben ne it yo, nin nutbot sisu ndo et. Yefun do ndantom nin mo sukibit gato nin ben ne it yo, nin nutbot sor nin kaim rere su nde,

Ibrani 13:19

Ji dakai ndek mo nin do, nin ki suk su Yefun nggi wai o wa ji, subere yo nam nde ge, Yefun Allah kak os yo wa ji satu ba ku nin mone kekro et.