Ibrani 13:16 - Abun Scripture

¹⁶ Men werwa men ben sukndo su yu et, men mbrinket nde. Men ós yu mo suk gato men ben ne et, men mbrinket nde. Men ben sukndo su yu, men ós yu anato tepsu men gwat suksom wa men som Yefun Allah su it anane, bere Yefun Allah iwa re.

Ibrani 13:16 Referans Kwoze

2 Tesalonika 3:13

Men bi nji, men bi nyanggon, nin ben sukndo sor, nin bambrai wa nde.

Roma 12:13

Men ós Yefun Allah bi rus-i dogato yewa suk. Men kendo ye Kristen gato men jam nde ma si men sem mo men bi nu-i, men bambrai wa nde, wo men mit iwa sor.

Galatia 6:10

Sane os yo kak wa men it yo, men ben sukndo su yé mwa ne sino. Yé gato si men onyar kem mo Yefun Yesus ne yo, men werwa men ben sukndo su án wai kadit ye yi neya et.

Ibrani 6:10

Yefun Allah ben An bi suk-i ri-roi petok sor. An yo mbrinket suk gato nin ben wa An nde, kwa dik yo dom nde. Suk gato nin ben wa nin ós ye Kristen yi kadit nyim neya kom more, nin ben sane, tepsu nin jimnotku Yefun Allah it anane. Yefun Allah yo mbrinket suk gato nin ben ne dom nde.

1 Timotius 6:18

Nan syaugat ye gato ku suk mwa mo bur ré subere án ben suk gato ndo, subere án ben sukndo ne mwa, tepsu suk mwa gato án ku ne. Nan duno án subere án yo gro er wa suk nde, wo án iwa án syo suk mwa nai ye yi neya sor.

Filipi 4:18

Su ré ji ku suk mwa gato nin syo wa ji more re. Sane su ré ji yo yewa suk o nde, suk gato nin syo ma ne wai mó re. Suk mwa gato nin syo nai Epafroditus ne, an gwat ma, an syo nai ji more re. Suk mwa gato nin syo ré tepsu suksom gato grik mo Yefun Allah gwem, tepsu suksom gato yé gre wa yé som Yefun Allah su ne. Sane Yefun Allah iwa suk gato nin ben ne.

Efesus 4:28

Nin yé gato syimsi suk, nin ben sane o nde, wo nin ben nin bi suk-i ri-roi sor. Nin ben suk nin kamba mó et, subere nin ku suk gato nin mitmo ne, ete nin ku suk napyo o wa nin ós ye gato yewa suk su dom et.

1 Tesalonika 5:15

Nin mewa nje mone subere yetu ge dik yo ben sukibit ma nai nin it yo, nin waii ben sukibit satu mu nai ye ne nde. Wo nin wergat nin nggwa subere nin ben sukndo su yu si yé mwa ne sino et.

Suk Gato Yerasul Ben Ne 10:38

Nin dakai jam do, Yefun Allah bes Yesus, ye Nazaret ne, orete Yefun Allah Gen bok nggwa mo Yefun Yesus, syo suktinggi nai Yefun Yesus. Nin jam do, Yefun Yesus mubot peyo-peyo, An ben sukndo, An ben ye gato i ne ge. Yé mwa gato biris bi yekwesu jom ne, An nai wé kadit biris bi yekwesu, ete ben yé mwa ne ge re. Yefun Allah sisu Yefun Yesus anato An nggiwa ben suk ne.

Lukas 18:22

Yefun Yesus jam ye ne bi sukdu sa, Yefun Yesus ki nai an do, ”Suk dik yo anato nan yo benbot nde tó, sare do, nan mu nan so nan bi suk mwa gato nan ku ne, orete suk mwa ne bi sugum nan syo nai ye gato yo ku suk yo mo nde, sane bere nan ku suk mwa mo gu. Nan syo sugum ne nai ye gato yewa suk, orete nan ma simo Ji et.”

3 Yohanes 1:11

Ji bi yesyim gato ji jimnotku, men konem sukibit gato yetu ben ne nde, wo men me sukndo gato ye ben ne, ete men waii benbot sor. Ye gato ben sukndo yo, Yefun Allah bi pá-i anane, wo ye gato ben sukibit yo, ye ne jam nde Yefun Allah re.

Galatia 6:6

Ye gato duno men su Yesus Kristus bi sukduno-i yo, men jimnotku ye ne, men syo men bi suk gato men ku ne napyo nai ye ne et.

Filemon 1:6

Ji ki suk su Yefun Allah subere nan si ye gato onyar kem mo Kristus ki sukdu subot suk gato Kristus ben ne sino it yo, bere nin sino jam subot sukndo mwa gato Yesus Kristus dakai syo yi nai men wai kadit nyim ne o re.

Filipi 4:14

Sarewo suk gato nin bi wa ji ne, ji ki ndo mo nin, we nin anato ós ji mo sukye gato ji ku more ne.

Suk Gato Yerasul Ben Ne 9:36

Nggon ge dik yo gato onyar kem mo Yefun Yesus kem mo kota Yope. Nggon ne gum do Tabita (su a Yunani, mom gum do Dorkas, gato bi sukjimnut do rusa). Nggon ne ben sukndo petok sor, mom syo suk nai ye gato yewa suk petok sor.