Ibrani 13:15 - Abun Scripture

¹⁵ Yefun Yesus kak os wa men sane it yo, men un Yefun Allah mone petok sor. Tepsu suga nyim ne, ye gwat suge ma wa som Yefun Allah su ne, su ré men bes Yefun Allah gum kok, men un Yefun gum su sukdu gato men ki nai An ne sor. Sane su ré men yo gwat suge ma wa men som Yefun Allah su o nde, wo men ki sukdu gato ndo wa som An su ne sor.

Ibrani 13:15 Referans Kwoze

Roma 12:1

Sane, ji bi nji, ji bi nyanggon, Yefun Allah dakai jimnotku men anato An yo ben suk su men tepsu sukibit gato men ben su An nde, wo An ben sukndo su men sor. Sane nin benbot suk gato ji ki ré et: Tepsu suga nyim yé gu suge kwop wa yé som Yefun su ne, su ré men bi men nggwa su mbau wa men som Yefun su et. Men werwa men bi men nggwa wa men ben Yefun bi suk-i tepsu An mit sor. Men som Yefun Allah su sangge it anane.

1 Petrus 2:5

Nin dom, nin tepsu jok mwa gato mbau. Ben sato yé nggo Yefun Allah bi nu su nin. Sane nin tepsu yesu gato ben Yefun Allah bi suk-i mo An bi nu ne. Yesus Kristus kak os wa nin subere nin syo suksom gato tepsu Yefun Allah mit mo nu ne.

Matius 11:25

Yefun Yesus ki sukdu ne or sa, An ki o do, ”Ji bi Ai, Nan anato Yekwesu mo gu nim ne si bur ré, Ji ki ndo mo Nan, we Nan gurik sukdu gato Ji ki ne bi sukjimnut-i kadit yepasye gato jam suk mwa, ete Nan kadum sukjimnut ne nai ye gato ben nggwa sato pa wokgan.

1 Petrus 4:11

Ye gato ku suktinggi wa ki subot Yefun bi suktaru it yo, ye ne nutbot suktaru ne do, suktaru ne ma kadit Yefun Allah dakai, orete án ki suktaru ne sisu suktinggi ne sor. Ye gato ós ye yi yo, án ós ye yi su suktinggi ne et. Nin ben suk sane subere yé bes Yefun Allah gum kok mo suk mwa gato nin ben tepsu Yesus Kristus bi yetuge-i ne. Yefun Allah sa, bi suktinggi nggi wai o re. Yefun anato gum kok wai su ré sor to kapyo mato kapyo. Sangge.

Efesus 2:18

Yefun Allah Gen ka dik ne gwat men subot os gato Yesus Kristus kak wa men sino, ye Yahudi si yewis yi ne, subere men sino karowa men bi Ai, Yefun Allah ne.

Ibrani 7:25

Sane anato Yefun Yesus nggiwa ben suk tepsu yegweswai wa ós men yé gato iwa ma mo Yefun Allah bi nat-i sor to kapyo mato kapyo. Yefun Yesus kem gesyos, An ós wa ki suk su Yefun Allah tepsu yegweswai wa men petok sor.

Kolose 1:12

nin ki ndo mo men bi Ai, Yefun Allah gato nai men gum wa men sok mo An bi rus-i it. Sane bere men ku suk gato An fro wa men yé gato onyar kem mo Yefun Yesus mo pe gato An jowa men mone. Bere men si An sino kem mo pe gato rer.

Roma 6:19

Nin bi sukjimnut yo nggiwa but sukdu gato ji ki ré sisu ndo nde, sane anato ji gwat sukamno subot suk gato nin dakai jam re, subere nin but sukdu ré ndaf re. Suga nyim ne nin bi nin nggwa tepsu pakwerut wa nin ben suksiri si sukdaret ket nin í, ben sato sukibit jom nin re. Nin bi nin gro e, nin syim e, nin gwes e ne wa ben suksiri si sukibit ne su sane sane sor, kom mo rut sa, nin ben sukibit mwa wai o re. Sane su ré yo, nin bi nin gro e, nin syim e, nin gwes e ne, nin bi nin nggwa ne sino tepsu pakwerut wa benbot suk gato tepsu Yefun Allah mit ne sor. Sane bere kom mo rut, nin ben suk gato Yefun Allah dakai fro wa nin ben ne sor re.

Yohanes 10:9

Ji anato tepsu ros syo, ye to sokbot Ji yo, an titi fro kadit sukye, an ku nat wa an kem ndo, an sok, an syesyar, an ku sugit wa an git.

Yohanes 14:6

Yefun Yesus ki nai an do, ”Ji dakai anato tepsu os gato mu mo Yefun Allah. Ji anato tepsu os gato sangge. Ji anato kak os wa yetu kem ndo mone. Yetu yo ku os wa an mu kom mo Ji bi Ai nde, wo an sibot os gato Ji kak ne sa, bere an kom mo Ji bi Ai re.

Lukas 10:21

Sugane Yefun Yesus mit at ndo nde, we Yefun Allah Gen pet mo An, ete Yefun Yesus ki nai Yefun Allah do, ”Ji bi Ai, Nan anato Yekwesu mo gu nim ne si bur ré, Ji ki ndo mo Nan, we Nan gurik sukdu gato Ji ki ne bi sukjimnut-i kadit yepasye gato jam suk mwa, ete Nan kadum sukjimnut ne nai ye gato ben nggwa sato pa wokgan. Ji bi Ai, Nan ben suk tepsu Nan mit anato Ji ki ndo mo Nan ne.” {Yefun Yesus ki suk su An bi Ai, orete An ki nai nje mone do:}

Ibrani 12:28

Sane, men ki ndo mo Yefun Allah et, we An nai men gum sok mo nat gato An jom, gato kem krat ne it. Sane men ki ndo mo Yefun Allah, men som An et. Men bes An gum kok, men jammo An, sagato An dakai iwa men ben ne sor,