Ibrani 13:14 - Abun Scripture

¹⁴ Men si An sino, we mo bur ré men yo ku kota gato men kem gesyos to kapyo mato kapyo yo mo nde, wo men sisu An sa, tepsu men werwa men mu kom mo kota gato gesyos ne, men eswa kota ne bor tó.

Ibrani 13:14 Referans Kwoze

Filipi 3:20

Wo men ré yo tepsu án nde. Men gum sok mo Yefun Allah bi rus-i mo gu it. Su ré men eswa men bi Yekwesu satu ma mo bur ré kadit gu ne. Men bi Yekwesu anato Yesus Kristus gato kak os wa men kem ndo to kapyo mato kapyo mo Yefun Allah bi nat-i.

Ibrani 12:22

Nin yo ku sukye tepsu ye Israel ku ne nde, wo ben sato nin mu kom mo banbo Sion it, nin mu kom mo Yefun Allah gato gesyos ne bi kota re. Kota ne anato tepsu Yerusalem be gato Yefun fro mo gu nim. Mone malaikat mwa yé ndo nde sum, malaikat mwa ne wi, malaikat ambre mo sukndo gato Yefun Allah ben ne. Ben sato nin mu kom mo pe gato malaikat mwa kem mone re.

Efesus 2:19

Sane su ré, nin yo tepsu yewis yi o nde. Nin tepsu yedamok o nde. Sane su ré, nin si men ye Yahudi sino sok mo Yefun Allah bi rus-i. Nin anato sok mo Yefun Allah bi rus-i it.

2 Korintus 4:17

Sukye wokgan gato men ku su ré, su kam sari ne ma bere kak os wa gwat men mu kem mo pe gato gesyos gato ndo wai o re. Sane men kem mo bur ré yo, men nut do, sukye gato men ku ne, suk yo nde, we bere men kem gesyos mone tó.

1 Korintus 7:29

Ji bi nji, ji bi nyanggon, ji bi sukdu-i sare do, su ré men yo kem nam mo bur ré o nde. Sane nin yé gato kra it yo, nin bi sukjimnut sye mone nde, wo nin ben nin nggwa tepsu ye gato kra nde.

1 Petrus 4:7

Karowa bur ré kru it, sane nin mewa nin nggwa, nin kem su nin fra, subere nin nggiwa nin ki suk su Yefun Allah sisu ndo et.

Ibrani 4:9

Sane Yefun Allah tom su An bi rus-i do, An fro bi kam-i gato men kem not ne mó re, tepsu Yefun Allah kem not su kam domufit ne, bere men si Yefun kem not mone tó.

Ibrani 2:5

Men ki sukdu subot bur be gato bere Yefun Allah fro wa men yetu kem mó, bur ne bere bor su kam sari ne ma. Mo bur be ne bere Yefun Allah yo bes malaikat tepsu yesu wa jom men yetu nde.

Ibrani 9:11

Suga nyim ne ye fro suk mwa mo nu kemah ne, sarewo su ré, Kristus ma tepsu Yekwesu gato gum kok wai mo nu kemah gato tara o re. Nu kemah gato Kristus ben suk mone, yo tepsu nu gato yetu nggo nde. Nu ne yo sok mo suk mwa gato Yefun Allah ut mo bur ré nde. Nu ne ndo wai kadit nu kemah nyim gato mo bur ré re. Nu ne ndo wai o re, pe yo gwet mo nde. Kristus tepsu Yekwesu gato gum kok wai mo Yefun Allah bi nu mo gu ne o re. Kristus gwat os ndo wa men it.

Ibrani 10:34

Nin nutbot yé gato yé bok mo sel ndo nde, nin baoku yé mo sel ne ndo nde. Kapre yé nai nin bi suk mwa kadit nin o, nin yo maskwa nde, wo nin iwa, nin mit at wa sor, we nin jam do, nin bi suk mwa gato ndo wai mó re. Suk mwa ne anato tepsu suk mwa gato Yefun Allah tom su nin. Suk ne kem ndo to kapyo mato kapyo, ye yo ku os wa nai suk gato Yefun Allah fro wa nin ne wé kadit nin nde.

Ibrani 12:27

Yefun Allah ki mone do, ”wam dik yo o,” sane men jam do, suk mwa mo bur ré si gu nim ne sino gato Yefun ut ré bere ram kom mo iwedewe. Suk mwa mo bur ré gato yo kem krat nde yo, bere Yefun nai wé re, subere suk mwa gato kem krat sor ete kem.

Wahyu 3:12

Yé gato nggi wai kadit bur ré bi suk-i yo, bere Ji bes án tepsu kwedi mo Ji bi Ai Yefun Allah bi nu-i. Ye gato nggi ne kem pe mo nu ne. Yé ne yo mu kadit nu ne nde. Bere Ji krom Yefun Allah gum mo yé ne. Bere Ji krom Yefun Allah bi kota gum mo yé ne. Kota ne anato Yerusalem be gato bere Ji bi Ai Yefun Allah syo is kadit gu ne ma. Bere Ji krom Ji dakai gum be mo yé gato nggi wai kadit bur ré bi suk-i dom re.