Ibrani 13:12 - Abun Scripture

¹² Sane anato Yefun Yesus dom kwop mo kota de nden, wo An dakai dé ne, ben sato An gwat sok mo gumwak fo mo Yefun Allah bi nu mo gu nim ne. Mone Kristus dé sye wa tot sukibit gato men yetu ben ne or wé kadit men, subere men tep wa sok mo Yefun Allah bi rus-i re.

Ibrani 13:12 Referans Kwoze

1 Korintus 6:11

Suga nyim nin ge bok yo mone ben suk sane re, sarewo su ré, nin brek kadit os ibit gato nin ben suga nyim ne re. Yefun Allah nai nin sok mo An bi rus-i wa nin ben An bi suk-i sor. Men bi Yekwesu Yesus Kristus kak os wa nin subere Yefun Allah yo ben sukye nai nin tepsu sukibit gato nin ben ne nde, wo An ki do, nin sa, tep wa sok mo An bi rus-i. Yefun Allah gato jom men ne, An Gen ós nin onyar kem mo Yefun Yesus anato nin ku os wa sok mo Yefun Allah bi rus-i ne it.

Suk Gato Yerasul Ben Ne 7:58

án tik Stefanus án jurin bot bur mu kom mo kota de nden. Mone án am Stefanus su jok subere Stefanus kwop. Yé gato ma sokwa yé am Stefanus su jok ne, án jogru án bi san de nden ne wé. San ne yé syo nai yetu ge dik yo gato gum do Saulus mewa.

Efesus 5:26

Kristus bi An nggwa wa nai sukibit wé kadit men. An bi sukduno tepsu syur gato An de mo men wa rus sukibit wé kadit men re. Sane An fro men wa men sok mo Yefun Allah bi rus-i.

Ibrani 10:29

Sane ye gato kamo su os gato Yefun Allah bi Gan kak ne, bere ye ne ku sukye wai kadit ye gato ye gu kwop mo suk gato an ben siri kadit Musa bi sukduno-i ne o re. Ye gato kamo su os gato Yefun Allah bi Gan kak ne yo bi sukjimnut kom mo Kristus dé gato sye wa os be bi sukdu-i ne kem su men ne nde. Ye ne da jam Kristus kwop wa tot sukibit gato an ben ne or wé kadit an, sarewo an ben an bi suk-i, an bi sukjimnut su do, Kristus dé sye dakai yi sane sor re, ben sato an yo nutbot suk gato Yesus Kristus ben ne teker eta nde. Mone an kabor Yefun Allah Gen gato bi os ndo nai an re. Sane ye gato kamo su os gato Kristus kak ne, bere ye ne ku sukye wai o re,

Yohanes 17:19

Ji bi Ji nggwa wa Ji ben Nan bi suk-i wa án, subere án waii bi án nggwa wa án benbot Nan bi sukdu-i gato sangge petok sor.

Ibrani 2:11

Yefun Yesus gato tot sukibit gato men yetu ben ne or wé kadit men, An si men yé gato onyar kwo ne sino bi Ai dik sor. Sane anato Yefun Yesus nut mo men do, men tepsu An bi nji, An bi nyanggon, An yo damen wa men nde.

Yohanes 19:34

Sarewo yesukmise ge dik yo syer Yefun Yesus syak su yor. Sugane syur si An dé sino syé kadit An syak wip ne.

Lukas 4:29

Yé ne ti ma, ete án syun Yefun Yesus kadit án bi kota. Yé mwa ne gwat Yefun Yesus mu mo bobuk yu, bobuk gato án nggo án bi kota mone. Yé gwat Yefun Yesus mo bobuk ne yu sa, yé mwa bi sukjimnut do án bam Yefun Yesus mo kwoye ne mu bur.

Ibrani 10:10

Kristus benbot suk gato Yefun Allah mit iwa ne, sane anato Kristus bi An nggwa kwop wa men wam dik sor re, tep wa kapyo mato kapyo. An bi nggwa subere tot sukibit gato men ben ne or wé kadit men sino, men bi sukjimnut waiyu mo sukibit gato men ben ne o nde, wo men onyar kwo it.

Wahyu 14:20

Yé yakos anggur bo mo nat gato mo kota de nden, tepsu ye gu nje ete yetu dé sye kadit jokwak ne. Yetu dé sye sane sor, yetu dé sye kom mo kilometer wotin gri ete yetu dé sye kru karowa meter we.