Ibrani 13:1 - Abun Scripture

¹ Men ben sukndo su yu petok sor tepsu men yedik et.

Ibrani 13:1 Referans Kwoze

1 Yohanes 4:20

Ye gato ki do, an bi sukjimnut sye kas subot Yefun Allah, sarewo an yo bi sukjimnut sye kas subot an bi nji mo Kristus bi rus-i nde yo, ye ne kidar kone, we ye gato ku an bi nji, ete an yo bi sukjimnut sye kas subot an bi nji nde yo, sane bere an bi sukjimnut sye kas subot Yefun Allah gato an yo me su an gro nde sa u ne? Bere yo mo nde.

1 Petrus 3:8

Ji yo krom sukdu mwa ok o nde, wo ji bi sukdu kwa bok yo sor wa nin yé bok ne sino do, nin werwa subere nin mit dik tepsu yu et. Nin bi sukjimnut dik tepsu yu et. Nin mewa yu tepsu yedik et. Nin dakai jimnotku yu sisu nin mit dik si nin onyar dik et. Nin is nin nggwa ga tepsu pa wokgan et.

1 Petrus 1:22

Nin benbot Yefun Allah bi sukdu gato sangge it, sane anato nin bare sukibit gato ben nin ne wé kadit nin re, nin onyar kwo re. Sane dom, ye yi gato onyar kem mo Yefun Allah ne, nin mewa sisu sangge re. Sane nin mewa yu su nin mit dik si nin onyar dik sisu ndo wai o et.

2 Petrus 1:7

Men ben Yefun Allah bi suk-i sor nde, wo men werwa men jimnotku Yefun bi yetuge-i tepsu yedik jimnotku yu dom et. Men jimnotku Yefun bi yetuge-i tepsu yedik jimnotku yu ne sor nde, wo men werwa men jimnotku yé mwa ne sino dom et.

1 Petrus 2:17

Nin ben sukndo su yetu mwa ne sino sor. Yé gato onyar kem mo Yesus Kristus, án si nin tepsu yedik mo Yefun Allah bi rus-i, sane nin bi sukjimnut sye kas subot án et. Nin jammo Yefun Allah. Nin jammo suk gato pemerintah bi padosye ki ne dom.

Ibrani 10:24

Sane men nutbot os yo sa u subere men duno yu su sane sor men sino bi sukjimnut sye kas subot ye yi neya et. Men nutbot sisu ndo et, men meret os ndo subere men bi os ndo nai yu sane sor men sino ben sukndo su ye yi dom et.

2 Tesalonika 1:3

Men bi nji, men bi nyanggon, men jam sukdu do, nin onyar kem mo Kristus nggi wai kadit nyim neya o re. Sane men ki ndo mo Yefun Allah mone. Sane dom, nin bi sukjimnut sye kas subot yu sye wai kadit nyim ne o re, sane men ki ndo mo Yefun Allah noru nombrak sor.

1 Petrus 4:8

Kwa gato ndo wai anato nin bi sukjimnut sye kas subot yu, nin mewa yu sisu nin mit dik si nin onyar dik et. Nin ben sane, we nin bi sukjimnut sye do kas subot yu it yo, bere nin yo nutbot sukibit mwa gato nin ben nai yu ne o nde.

Galatia 5:22

Sarewo men nai sukjimnut dik do, suk gato Yefun Allah Gen kiwa men ben ne yo, bere men ben suk sato ré: Men bi sukjimnut sye kas subot ye yi e; men mit at wa suk gato ndo petok sor e; men si ye yi neya mit ndo su yu e; men yo maskwa kekro nde e; men jimnotku ye gato ku sukye e; men ben sukndo su nje e; suk gato men tom ne men benbot e;

Galatia 5:13

Ji bi nji, ji bi nyanggon, sangge, Yefun Allah nai nin tepsu An bi pá-i subere ye Yahudi bi sukduno-i yo jom men tepsu pakwerut o nde, wo men sok mo Yefun Allah bi rus-i it. Men sok mo Yefun Allah bi rus-i tepsu An bi pá-i orete yo, men nut do, ”Ré ne ji tepsu Yefun bi pa-i it, sane ji ben sukibit ket ji i ne sor,” sane bere siri re. Men ben sane nde, wo men bi sukjimnut sye kas subot yu sor, men ben sukndo su yu sor.

Wahyu 2:4

Sarewo suk dik yo gato Ji bariket nin mone anare: nin bi sukjimnut sye yo kasbot Ji saga ketke ne o nde.

1 Yohanes 3:23

Yefun Allah duno men sare do, men mit si men onyar kem mo An bi Gan, Yesus Kristus, ete men bi sukjimnut sye kas subot yu, tepsu suk gato Yesus Kristus duno men su ne.

Galatia 5:6

Yesus Kristus kak os wa men anato men sok mo Yefun bi rus-i it. Sane yo, kapre men simo sunat e, men simo sunat nde e, suk ne yo ós men nde. Wo suk dik yo sor re anato tep wa ós men, sare do, men onyar kem mo Kristus. Men onyar kem mo Kristus sane sa, bere men ben sukndo su ye yi neya sor, bere yé mwa ne me bor re.

Yohanes 15:17

Ji bi sukduno-i anare: Nin bi sukjimnut sye kas subot yu et.”

Efesus 5:2

Men kem mo bur ré, men bi sukjimnut sye kas subot ye yi sor, tepsu Kristus bi sukjimnut sye kas subot men, ete An bi An nggwa wa men. An bi An nggwa tepsu suksom gato An som Yefun Allah su, ete mone An tot men bi suktot. Yefun Allah iwa suk gato Kristus ben ne, tepsu ye iwa ni suk gato grik. Sane men waii bi men nggwa wa men ós ye yi su ne sor.

Efesus 4:3

Yefun Allah Gen ós nin kem ndo anato nin tepsu yedik. Sane nin wergat nin nggwa subere nin si yé mwa ne sino kem ndo su yu, subere nin maskwa ket yu mo kwa dik yo dom nde.

Suk Gato Yerasul Ben Ne 4:32

Ye gato onyar kem mo Yefun Yesus ne sino, án tepsu dik. Kadik-kadik ki do, ji yo bi suk-i are nde, wo men yé mwa ré bi suk-i anare. Án nut do kadik-kadik bi suk o nde, wo yé mwa ne bi suk sino. Sane ye ós yu su suk.

Suk Gato Yerasul Ben Ne 2:1

Su kam sye gato ye kendo do Pentakosta, yé mwa gato onyar kem mo Yefun Yesus sum sino mo pe dik.