Ibrani 12:16 - Abun Scripture

¹⁶ Nin mewa yu subere nin ge dik yo ben siri su nggon daret nde. Nin mewa yu subere nin deyo misyar Yefun bi suk-i sato Esau ben ne nde. Esau yo nutbot Yefun Allah nde anato Esau so sugit mbem dik su an bi sukrok gato bere an ku tepsu pa ketke ne.

Ibrani 12:16 Referans Kwoze

Wahyu 22:15

Sarewo yé gato yo ku os wa sok mo kota ne nde anato yé gato bariket Yefun. Yé ne ben bi suk-i sato ré: án kwa syua e, kro ri, frum suk e ne e, án ben siri su yu daret e, án gu ye yi kwop daret e, án som sukdaret e, án mit iwa kidar nje ket kwayo-kwayo e ne. Yé mwa gato ben bi suk-i sane, yo ku os wa sok mo kota ne nde.

Ibrani 13:4

Yetu ge we kra yu it yo, suk ne ndo wai, sane men sino mewa sukra sisu ndo sor. Yebris si bi nggon bi nggwa nai yu sor re. Yebris si bi nggon ne bi nggwa nai ye yi yo dom nde, we ye ben suk siri sane it yo, bere Yefun Allah syo sukye nai ye ne. Sane dom, bere Yefun Allah syo sukye nai yé mwa ne sino gato ben siri.

Suk Gato Yerasul Ben Ne 15:29

Sugit gato ye som sukdaret bok neya su ne, nin git nde; nin git suge dé nde; nin git suge ku gato i-dé mó tó ne nde; nin sino, yebris si nggon ben siri su yu daret nde. Nin mewa nin nggwa kadit suk gato men krombot more yo, bere nin kem not. Men bi sukdu-i tut more. Ndo mo nin sor.”

Markus 7:21

we suk mwa gato ma kadit men mit ne, ma kadit men yetu bi sukjimnut ibit ne. Sukjimnut ibit anato ben men ben sukibit sato ré: men iwa men ben siri su nggon daret e, men syimsi suk e, men gu ye yi kwop e,

Wahyu 21:8

Sarewo ye gato ben an bi suk-i siri kadit Ji mit, bere Ji am mo bot gesyos. Ye gato bere Ji am mo bot gesyos anato ye gato ben bi suk-i sato ré: ye gato rewa Ji e, ye gato bariket Ji e, ye gato som sukdaret ete ben sukibit su e, ye gato gu ye yi kwop daret e, yebris si nggon gato ben siri su yu daret e, ye gato kwa syua e, kro ri, frum suk e ne, ye gato som sukdaret e, yé mwa ne sino gato kidar suk e ne. Yé mwa ne sino gato ben bi suk-i ibit sane yo, bere Ji am ngga mo bot sye gato tepsu em ete ru sye basmi kwik su belerang. Bot sye ne anato tepsu sukkwop kedowe.”

Kolose 3:5

Bere nin si Kristus kem ndo sino, sane anato sukibit gato nin iwa nin ben mo bur ré, nin bare wé et. Nin bare sukibit gato jom nin ne wé sato ré: yebris si nggon ben siri su yu daret e, nin da bro wa ben sukdaret ket nin í e, nin da bro wa nggon bu e, nin bi sukjimnut nggiwa men nin sukibit bu e, nin gro sye wa nai suk mwa wa nin dakai sor e ne. (Nin gro sye wa nai suk mwa ne yo, tepsu nin onyar kem mo suk daret wai kadit Yefun Allah ne o re.)

Efesus 5:5

Men jam rer do, yebris si nggon gato ben siri su yu daret e, ye gato da bro wa nggon e, nggon gato da bro wa yebris e, ye gato gro sye wa nai suk mwa wa an dakai (ye gato ben suk gare yo, ye ne bes sukdaret sye wai kadit Yefun Allah o re). Ye gato ben bi suk-i sane, bere an yo sok mo rus gato Yefun Allah si Yesus Kristus jom ne nde.

2 Korintus 12:21

Ji nokwa sawe, ji do ba ku nin yo, bere Yefun Allah ben ji damen mone. Ji nokwa sawe, ji do ba ku nin yo, bere ji wo subot nin yé mwa gato nyim ne ben sukibit, wo su ré, án yo kwet kadit sukibit ne mo nde tó, wo sukibit ne kas tó sato ré: án da bro wa án ben sukdaret ket án i e, yebris si nggon iwa ben siri su yu daret e, án ben suk siri dakai daret bu e ne sor.

1 Korintus 10:8

Sane dom men waii ben siri su yu daret sato án deyo ben siri su yu ne o nde, we sugane yetu ge ribu musyu we sop gri kwop su kam dik yo mo sukibit gato án ben ne.

Suk Gato Yerasul Ben Ne 15:20

Men syogat yewis yi sibot ye Yahudi bi sukduno-i sino nde, wo kwa bok yo sor re. Men krombot kwa bok ne mo surat dik yo wa án sare do, án git sugit gato ye som sukdaret bok neya su ne nde, án git suge ku gato i-dé mó tó ne nde, án git suge dé nde; yebris si nggon ben siri su yu daret nde.

Efesus 5:3

Men sok mo Yefun Allah bi rus-i it, sane men mewa men nggwa kadit men ben siri su yu nde. Sane dom, men mewa men nggwa subere men da bro wa ben sukdaret su yu nde. Men gro sye wa men nai suk mwa wa men dakai nde. Men ben sukdaret yo, bere siri kadit Yefun Allah bi os-i. Sane men ben sukibit sane wokgan yo dom nde, subere ye yi ku os wa ki men gum ibit mone nde.

1 Timotius 1:9

Men jam do, Yefun Allah bi sukduno, ye krom wa ye gato ben sukndo tepsu Yefun Allah mit nde, wo ye krom wa ye gato ben bi suk-i ibit sato ré, ye gato ben sukibit wai mo sukduno ne e; ye gato ben siri kadit sukduno ne e; ye gato jam nde Yefun Allah e; ye gato ben bi suk-i ibit bu e; ye gato misyar Yefun e; ye gato bi sukjimnut sye mo bur ré bi suk-i e; ye gato gu an bi im si bi ai kwop e; ye gato gu nje daret kwop e;