Ibrani 12:10 - Abun Scripture

¹⁰ Men bi ai-i mo bur ré duno men, bergan sor ete yenggras ne duno men tepsu os gato an dakai nut do ndo. Sarewo Yefun Allah duno men tepsu os gato ndo wa men, subere men ben men bi suk-i ndo petok sor, tepsu Yefun Allah ben ne, kwa gato ibit yo mo nde.

Ibrani 12:10 Referans Kwoze

2 Petrus 1:4

Yefun gato gum kok ne ben bi suk-i ndo su men anato An tom suk bok yo su men gato ndo yé re. Suk gato An tom ne ndo wai o re. Suk bok gato Yefun tom su men ne, An kak os wa men subere men sombok kadit sukibit gato jom men mo bur ré. Sukibit gato men iwa ben ne ben men ibit re, wo men jom suk bok yo gato An tom su men ne yo, bere men nggiwa men ben men bi suk-i tepsu Yefun mit it.

Titus 2:14

Yesus Kristus bi An nggwa wa tot suktot mo sukibit mwa ne sino gato men ben ne wé, subere men tepsu nje gato ben sukibit o nde, ete men sok mo An dakai bi rus-i gato mit iwa ben suk gato ndo sor.

Kolose 1:22

Wo, su ré, Yefun Allah syo An bi Gan ma kwop subere kak os wa nin si An kem ndo satu it. Yefun Allah fro os ré subere An bi Gan kar nin ma mo An, ete mone, An nutbot nin do, nin sa, tepsu An dakai bes wa nin ben An bi suk-i sor, ye yo ku os wa ki nin gum ibit mo Yefun gwem nde. Sane dom, Yefun nutbot nin do, sukibit wokgan yo ut mo nin o nde, we An bi Gan kwop wa tot sukibit ne wé re.

Efesus 4:24

subere nin tepsu ye gato be, sukibit gato nin ben suga nyim ne, nin yo iwa ben o nde. Yefun Allah ut nin tepsu ye gato be, subere nin benbot suk gato An dakai ben ne. Sane bere nin ben sukndo tepsu Yefun Allah mit, ete nin ben suk gato ndo petok sor, kwa gato ibit yo mo nde.

1 Petrus 2:9

Wo nin sa, Yefun Allah nai nin tepsu An dakai bi rus-i it. Nin anato tepsu yewis gato Yefun Allah bes tepsu yesu mo Yefun Allah bi nu wa nin ben suk wa Yefun gato gum kok wai o re. Nin anato yewis gato Yefun Allah fro tepsu An bi rus-i wa nin ben An bi suk-i sor. Yefun Allah kiwa nin mu kadit pe gato ndendu ma mo An bi pe gato rer ndo yé. Sane nin ki subot suk gato An ben ndo wai ne nai ye yi jam.

1 Petrus 2:5

Nin dom, nin tepsu jok mwa gato mbau. Ben sato yé nggo Yefun Allah bi nu su nin. Sane nin tepsu yesu gato ben Yefun Allah bi suk-i mo An bi nu ne. Yesus Kristus kak os wa nin subere nin syo suksom gato tepsu Yefun Allah mit mo nu ne.

Ibrani 12:14

Sane dom nin werwa nin si yé mwa ne sino kem ndo su yu sor. Nin werwa nin ben nin bi suk-i ndo petok sor, nin ben suk yo gato ibit mo nde. Nin yo werwa ben nin bi suk-i ndo petok sane nde yo, bere nin yo ku Yefun nde.