Biblia Todo Logo
Bib sou entènèt

- Piblisite -




Ibrani 11:6 - Abun Scripture

6 Ye gato yo onyar kem mo Yefun Allah nde tó yo, bere ye ne yo ku os wa ben suk tepsu Yefun Allah mit nde. We, ye gato ma mo Yefun Allah it yo, an onyar kem mo sukdu sare do, Yefun Allah ne sa, mó re, ete Yefun ben sukndo su ye gato meret An.

Gade chapit la Kopi




Ibrani 11:6
47 Referans Kwoze  

Sane, nin bi sukjimnut sye mo suk mwa ne nde, wo nin werwa subere nin bi sukjimnut sye wa nin jammo Yefun Allah tepsu nin bi Yekwesu, ete nin ben sukndo tepsu Yefun mit sor. Sane bere Yefun syo suk mwa gato nin mitmo ne nai nin dom re.


Sane nin bi sukjimnut sye mo suk mwa ne nde, wo nin bi sukjimnut sye wa nin jammo Yefun Allah tepsu nin bi Yekwesu, ete nin ben sukndo tepsu Yefun mit sor. Sane bere Yefun syo suk mwa gato nin mitmo ne nai nin dom re.”


Sane anato Yefun Yesus nggiwa ben suk tepsu yegweswai wa ós men yé gato iwa ma mo Yefun Allah bi nat-i sor to kapyo mato kapyo. Yefun Yesus kem gesyos, An ós wa ki suk su Yefun Allah tepsu yegweswai wa men petok sor.


Sarewo ye gato yo onyar kem mo Kristus nde tó, bere ye ne ndekwa Yefun Allah ós an sa u ne? An yo ku os nde. Sane dom ye gato jam sukdu subot Kristus nde tó, bere an onyar kem mo Kristus sa u ne? An yo ku os nde. Sane dom, ye yo mu ki sukdu ne nai an nde tó, bere an jam sukdu subot Kristus sa u ne? An jam nde.


Sane ji bi nji, ji bi nyanggon, men kadik-kadik mewa men nggwa sisu ndo subere men bi sukjimnut ibit nde. Men mewa men nggwa subere men yo bariwa men jammo Yefun Allah nde. Men mewa men nggwa sane subere men mu brek wé kadit Yefun Allah gato gesyos ne bi os-i nde.


Yefun Yesus ki nai an do, ”Ji dakai anato tepsu os gato mu mo Yefun Allah. Ji anato tepsu os gato sangge. Ji anato kak os wa yetu kem ndo mone. Yetu yo ku os wa an mu kom mo Ji bi Ai nde, wo an sibot os gato Ji kak ne sa, bere an kom mo Ji bi Ai re.


An syo suk mwa nai men ne, sane yo, men onyar kem mo Yesus Kristus sor nde, wo men werwa men ben sukndo dom et. Men ben sukndo sor nde, wo men werwa men jam suk mwa kom mo mit dom et.


Sane ye Israel gato jam Yefun Allah bi sukdu gato ndo su kam nyim ne, án yo si Yefun Allah kem not mo nat ne nde, we án bariwa jammo Yefun Allah bi sukdu-i ne. Ye yi neya sa, ye gato jammo Yefun bi sukdu-i ne, bere ku os wa án si Yefun Allah kem not mo bi nat-i ne mó tó, suk gato Yefun tom ne ndo mó tó.


Yesus Kristus kak os wa men anato men sok mo Yefun bi rus-i it. Sane yo, kapre men simo sunat e, men simo sunat nde e, suk ne yo ós men nde. Wo suk dik yo sor re anato tep wa ós men, sare do, men onyar kem mo Kristus. Men onyar kem mo Kristus sane sa, bere men ben sukndo su ye yi neya sor, bere yé mwa ne me bor re.


Sane it yo, ji bi nji ji bi nyanggon gato ji jimnotku, men eswa kam gato Yefun Yesus tom ré it yo, men kamo nde, wo men wergat men nggwa, subere men ben suk mwa ne ndo sor, kwa yo gato ibit mo An gwem mo nde. Sane dom, men werwa men si Yefun Allah kem ndo su yu petok sor.


Sane anato Ji ki nai nin do, bere nin kwop mo sukibit gato nin ben ne. Nin bariwa sukdu gato Ji ki subot Ji dakai do, ’Ji anato Ye gato gesyos, gato Yefun Allah syogat ma mo bur ré’ yo, bere nin kwop mo sukibit gato nin ben ne re.”


Sane, ji bi nji ji bi nyanggon gato onyar kem mo Yefun Yesus, men wergat men nggwa nggi o et, subere suk gato Yefun Allah iwa men ben ne, men ben pe sor. Sane dom, men yé gato Yefun Allah fro suga nyim wa An nai sok mo An bi rus-i, An jam nyim wé re, sane men werwa men ben men bi suk-i tepsu Yefun Allah bi pá-i petok sor. Men ben sane it yo, bere men yo mu brek kadit Yefun Allah bi os-i nde.


Sukduno ne yo ós ben suk yo ndo mo nde. Sane su ré Yefun Allah fro os gato ndo wai wa men o re. Men kwabom kam mo Yefun Allah do, sukduno be gato An fro ne anato kak os wa men subere men karowa Yefun Allah it.


Suk gato Yefun tom ne ndo wa men mó tó, we yé ki sukdu subot os ndo gato Yesus Kristus kak ne nai men. Yé kibot Yefun Allah bi sukdu nai ye Israel dom, sarewo án yo onyar kem mo sukdu ne nde, án su krat ware, sane sukdu ne yo ós án wa ku suk gato Yefun tom ne nde.


Sarewo ye gato ben an bi suk-i siri kadit Ji mit, bere Ji am mo bot gesyos. Ye gato bere Ji am mo bot gesyos anato ye gato ben bi suk-i sato ré: ye gato rewa Ji e, ye gato bariket Ji e, ye gato som sukdaret ete ben sukibit su e, ye gato gu ye yi kwop daret e, yebris si nggon gato ben siri su yu daret e, ye gato kwa syua e, kro ri, frum suk e ne, ye gato som sukdaret e, yé mwa ne sino gato kidar suk e ne. Yé mwa ne sino gato ben bi suk-i ibit sane yo, bere Ji am ngga mo bot sye gato tepsu em ete ru sye basmi kwik su belerang. Bot sye ne anato tepsu sukkwop kedowe.”


Musa nut do, ye kabor an gum mo sukndo gato an ben anato ndo wai kadit an ku suk mwa mo bur Mesir ne sino, we an bi sukjimnut kas ko kom mo os ndo gato kam sari ne ma bere Kristus kak ne. An bi sukjimnut kas ko kom mo sukndo gato bere an ku mo Yefun bi nat-i.


Ye gato onyar kem mo Ji ne, bere Ji syo suktinggi nai án subere án ben suk gato ben yé yeket. Bere án ben suk sato ré do, án ki suk su Ji gum wa án syun semda wé, ete bere án ki su a be gato án yo farkorbot nde.


Nin ben sukndo su ye gato ben sukndo su nin sor nde, wo nin jimnotku yeko gato ma wa gu nin, nin ben sukndo su ye gato bariwa nin ne dom et. Nin syo suk nai ye gato ndek suk mo nin sor. Bere ye ne syo suk ne satu o bado, yo syo nde yo, nin nutbot o nde. Sane, nin do ben sukndo su ye gato ben sukibit nai nin sane it yo, bere Yefun Allah syo suk mwa gato ndo nai nin, bere suk gato nin ben ne kadum do, nin anato Yefun Allah gato gum kok sye wai ne bi pá-i. Nin ben nin bi suk-i tepsu Yefun Allah ben ne, we Yefun Allah ben sukndo su ye gato ben sukibit si ye gato misyar An dom.


”Nin mewa nin nggwa kadit nin git sugit yei yo, nin ben nin gwem ibit saga ye gato kidar do, an onyar kem mo Yefun, sarewo an mit tara ne nde. Ye ne misyar an kaim subere yé mwa jam do, an mewa an nggwa kadit sugit yei wa an ki suk su Yefun. Suk gato Ji ki ré suksangge anare, yetu bes ye ne gum kok mone sor re, wo bere Yefun yo syo suk yo nai an o nde.


”Nin ki suk su Yefun Allah yo, nin ben saga ye gato kidar do, an onyar kem mo Yefun, sarewo an mit tara ne nde. Yé ne iwa án ti, ete án ki suk su Yefun mo ye Yahudi bi nu ari e, mo os de e neya, subere yetu me suk gato án ben ne. Suk gato Ji ki ré suksangge anare, yetu bes án gum kok sor re, wo bere Yefun yo syo suk yo nai án o nde.


Suga nyim tuya yenabi ku sukye saga nin ku re. Wo nin wi, nin ambre, we Yefun fro suk gato ndo wa nin mo gu nim ne re.”


Ji bi Ai, Nan dakai iwa Nan ben Nan bi suk-i sane it.”


Swiv nou:

Piblisite


Piblisite