Ibrani 11:5 - Abun Scripture

⁵ Henokh onyar kem mo Yefun Allah, sane anato Henokh yo kwop nde, wo Yefun dakai gwat an it mu mo gu re. Ye yo ku an mukri mo nde, we Yefun dakai gwat an su gro mbau it mu mo gu re. Ye krom mo Yefun Allah bi sukdu do, Yefun yo gwat Henokh it mu mo gu nde tó, Henokh sa, an ben an bi suk-i tepsu Yefun Allah mit sor.

Ibrani 11:5 Referans Kwoze

Yudas 1:14

Henokh kibot yé bok gane kadit nyim tuya wé re. Henokh anato Adam bi dat. Adam ku bi pa-i, or o bi pa-i ne ku bi pa-i sor kom mo wam mumat anato pe Henokh re. Henokh ki do, ”Bere men bi Yekwesu si malaikat mwa ndo nde gato ben Yefun bi suk-i ne ma. Malaikat ne, men yo ne ndo nde, mwa teker ware. Yefun si malaikat mwa ne ma

Ibrani 11:6

Ye gato yo onyar kem mo Yefun Allah nde tó yo, bere ye ne yo ku os wa ben suk tepsu Yefun Allah mit nde. We, ye gato ma mo Yefun Allah it yo, an onyar kem mo sukdu sare do, Yefun Allah ne sa, mó re, ete Yefun ben sukndo su ye gato meret An.

1 Yohanes 3:22

Men do benbot An bi sukduno, ete men ben suk gato An iwa men ben ne yo, bere An syo suk gato men ndek mo An ne nai men sor.

1 Tesalonika 2:4

Men ki men bi sukdu-i sane nde, wo Yefun Allah bes men ete syogat men mu ki An bi sukdu-i subot os ndo gato Yesus Kristus kak wa men yetu ne. Men yo werwa men ben suk tepsu yetu mit nde, wo men werwa men ben suk tepsu Yefun Allah mit sor, we An anato jam men bi sukjimnut kom mo mit re.

Lukas 3:37

Lamek bi ai mo Metusalah; Metusalah bi ai mo Henok; Henok bi ai mo Yared; Yared bi ai mo Mahalaleel; Mahalaleel bi ai mo Kenan;

Lukas 2:26

Yefun Allah Gen ki bi sukdu-i nai Simeon do, ”Nan yo kwop nde tó, bere nan me Yekwesu gato Yefun Allah tom do, An syogat ma mo bur ré wa nai yetu kadit sukye ete jowa yetu ne et.”

Ibrani 2:9

Sarewo men me do, Yefun Yesus sa, jom suk mwa ne sino it. Yefun Allah is Yefun Yesus gum-i ga wokgan mo bur kadit malaikat gum-i ne bergan sor re, subere Yefun Allah bi sukjimnut sye dakai kas subot men yetu anato An syogat Yefun Yesus ma ku sukye ete kwop wa men yetu sino. Sane su ré Yefun Allah bes An gum kok tepsu Yekwesu, ete yé mwa un Yefun Yesus or re.