Ibrani 11:3 - Abun Scripture

³ Men onyar kem mo Yefun Allah, sane anato men jam do, Yefun Allah ki sukdu sor ete suk mwa mo gu nim si bur ré ne sino dakai bor subot An bi sukdu-i ne mó re. Sane suk gato men me su men gro gato bor ré, ma kadit sukdu gato Yefun Allah ki ne sor re, Yefun Allah yo nai suk yi neya wa An ut suk mwa su ne yo mo nde, wo An ki sukdu sor re, ete suk mwa ne bor re.

Ibrani 11:3 Referans Kwoze

2 Petrus 3:5

Sarewo yé gane dakai bariwa nutbot sukdu gato ki do, Yefun Allah benbot sukdu gato An ki ne. Suga nyim tuya Yefun Allah ut gu nim ne si bur ré, Yefun Allah ki su syokwet sor re ete suk mwa ne dakai bor tepsu sukdu gato An ki ne. Yefun Allah wat bur kadit syur, ete bur ré kem dor kadit syur re.

Yohanes 1:3

Yefun Allah ut suk mwa ne sino, su Yefun Yesus gato ye kendo do Sukdu ne. Sukdu do yo mo nde yo, Yefun Allah yo ut suk mo gu nim si bur ré mo nde.

Roma 4:17

tepsu ye krom mo Yefun Allah bi sukdu, Yefun Allah ki nai Abraham do, ”Ji anato bes nan tepsu ye gato duk os su ketke wa yewis mwa gato kem mo bur ré or sino.” Yefun Allah tom suk su Abraham anato ben sato Abraham tepsu men bi ai re. Abraham onyar kem mo suk gato Yefun Allah ki ne. Abraham jam do Yefun Allah anato nggiwa sun yekwop mbau satu, Yefun Allah nggiwa ut suk gato yo mo nde, Yefun Allah ki sukdu ne sor, bere suk ne bor re.

Suk Gato Yerasul Ben Ne 17:24

Yefun Allah gato ut bur ré si suk mwa mone, An sa, An jowa bur ré si gu nim ne sino. Yefun Allah ne yo kem mo nu gato men yetu nggo ne nde.

Wahyu 4:11

”Men bi Yekwesu ne e, Yefun gato jom men ne e, Nan sa, tep wa men bes Nan gum kok ne o, Men bes Nan gum sye ne o. Men bi Yekwesu ne e, Yefun gato jom men ne e, Nan sa, tep wa men un Nan gum ne o, Nan sa, tep wa ku suktinggi ne o. Men bes Nan gum kok a we, Men un Nan gum a we, Nan ut suk mwa ne sino o, Nan bi mas mo suk mwa ne sino o.”

Ibrani 1:2

Wo su kam gato karowa bur kru ré sa, Yefun Allah syo An bi Gan ma, An tarubot An bi Gan wa men re. Su ketke Yefun Allah syo suktinggi nai An bi Gan anato su ketke An bi Gan ut suk mwa mo bur ré si gu nim ne sino. Yefun Allah bes An bi Gan subere suk mwa ne sok mo An bi Gan bi suk-i ne sino.

Suk Gato Yerasul Ben Ne 14:15

”Nin gwat suksom wa men wa suma ne? Men ka we yetu tepsu nin sor re. Nin som men ka we nde. Men ka we ma wa ki sukdu subot os ndo gato Yesus Kristus kak wa men yetu ne, subere nin misyar yefun bok yo gato jom nin ne. Yefun bok ne yo ós nin nde, sane yefun bok gato yo mbau nde nin brek kadit, ete nin jammo Yefun Allah gato gesyos ne sor. Nin bi nin nggwa mo Yefun Allah gato ut gu nim ne, bur ré si sem si suk mwa mone sino et.

1 Korintus 2:7

Sarewo men ki men bi sukdu-i gato ma kadit Yefun Allah dakai bi sukjimnut-i gato ko ne sor. Sukdu ne suga nyim tuya yo bor wa yetu jam nde, wo Yefun Allah fro sukdu ne wa men suga bur ré yo mo nde tó, subere men duno nje su, ete yé mwa ne bes men gum kok mone re.

1 Timotius 4:5

Men git sor, we Yefun Allah ki do, sugit ne ndo sino. Sane dom, men ki ndo mo An wa sugit ne anato ben sugit ne ndo wa men git sor, men yo fowa nde.

Ibrani 6:5

Mo suk bok yo gato bor mo an dakai ne, an jam do, Yefun Allah bi sukdu ne ndo. Yefun Allah bi suktinggi gato bere bor sye su kam sari ne ma, bor mo an mó re.