Ibrani 11:16 - Abun Scripture

¹⁶ Sarewo án bi sukjimnut kem mo bur gato ndo wai o re, án bi sukjimnut kem mo bur mo gu nim ne sor. Yefun fro kota dik yo wa án kem mone mó re. Sane anato yenggras bok ne kendo Yefun Allah tepsu án bi yenggras gato jom án, Yefun Allah yo damen wa nde.

Ibrani 11:16 Referans Kwoze

Ibrani 13:14

Men si An sino, we mo bur ré men yo ku kota gato men kem gesyos to kapyo mato kapyo yo mo nde, wo men sisu An sa, tepsu men werwa men mu kom mo kota gato gesyos ne, men eswa kota ne bor tó.

Ibrani 11:10

Abraham kem mo bur det ne sa, an onyar kem mo Yefun, we an es ndek wa kota gato Yefun Allah dakai fro ete nggo ne bor et. Kota ne bere bi pondasi nggi, ete kem to kapyo mato kapyo sor.

Filipi 3:20

Wo men ré yo tepsu án nde. Men gum sok mo Yefun Allah bi rus-i mo gu it. Su ré men eswa men bi Yekwesu satu ma mo bur ré kadit gu ne. Men bi Yekwesu anato Yesus Kristus gato kak os wa men kem ndo to kapyo mato kapyo mo Yefun Allah bi nat-i.

Yohanes 14:2

Mo Ji bi Ai bi nu, gumwak mwa wa nin kem mone mó re. Sukdu ne sangge, ondesor sa, Ji yo ki nai nin jam nde. Ji mu mone wa Ji fro nat wa bere nin kem mó.

Ibrani 2:11

Yefun Yesus gato tot sukibit gato men yetu ben ne or wé kadit men, An si men yé gato onyar kwo ne sino bi Ai dik sor. Sane anato Yefun Yesus nut mo men do, men tepsu An bi nji, An bi nyanggon, An yo damen wa men nde.

Matius 25:34

Sugane Ji, gato Yekwesu mone bere Ji ki nai nje gato tak Ji de syim ge do, ’Nin ma, nin yé gato Ji bi Ai ben sukndo su. Nin ma nin nai suk gato Yefun Allah fro wa nin ne. Yefun fro nat wa nin si An gum yekwesu mone sino, An fro nat ne ndek kadit kam gato An ut bur ré re.

Ibrani 12:22

Nin yo ku sukye tepsu ye Israel ku ne nde, wo ben sato nin mu kom mo banbo Sion it, nin mu kom mo Yefun Allah gato gesyos ne bi kota re. Kota ne anato tepsu Yerusalem be gato Yefun fro mo gu nim. Mone malaikat mwa yé ndo nde sum, malaikat mwa ne wi, malaikat ambre mo sukndo gato Yefun Allah ben ne. Ben sato nin mu kom mo pe gato malaikat mwa kem mone re.

Ibrani 11:14

Ye gato ki bi sukdu-i sane, men jam rer do, án mit iwa meret bur yi yo o gato tepsu wa án kem mó, ete bere án kendo bur ne do, án dakai bi bur-i.

2 Timotius 4:18

Sane dom, yé da syeret os wa futma gu ji ket kwayo-kwayo, sarewo Yefun Yesus ós ji kadit yé mwa ne sane sor kom mo kam gato An gwat ji mu mo An bi nat-i mo gu re. Sane men bes An gum kok to kapyo mato kapyo. Sangge.

Markus 8:38

Bere Yetu bi Pa to Ji ré satu ma mo bur ré. Ji satu ma sisu Ji kaim rer-rik su Ji bi Ai bi suktinggi ne. Malaikat gato ben Yefun Allah bi suk-i si Ji ma sino. Sane, ye to damen wa an ki nai ye yi do, an sok mo Ji bi rus-i si ye to damen wa an kibot Ji gum nai ye gato ben sukibit bu mo bur ré jam yo, bere Ji do satu ma it yo, Ji waii damen wa ye ne, Ji waii bariwa Ji ki do, ye ne sok mo Ji bi rus-i dom.”

Suk Gato Yerasul Ben Ne 7:32

’Ji anato Yefun Allah gato jom nan bi amui. Ji anato Yefun Allah gato jom Abraham, Isak si Yakub.’ Sane Musa kwabom kro, an nyuwa ndo nde, sane an sok mu nden kadit bot ne, an nyu teker ware.

Lukas 12:32

”Nin yé gato yo mwa nde, nin nyu nde, nin anato Ji bi suksi. Bere nin bi Ai mo gu bes nin tepsu yekwesu gato ós An wa jowa An bi suk mwa ne sino.

Markus 12:26

Nin watbot sukdu gato Musa krom subot ye gato sun kadit sukkwop mó bado nde e? Musa me kweke dik yo {gato bot ru mó, sarewo bot ne yo git kwe ne nde. Ete Musa jam Yefun Allah ki sukdu nai an kadit kweke mit.} Yefun Allah ki do, ’Ji anato Yefun Allah gato jom Abraham, Isak si Yakub.’

Lukas 20:37

Sane sukdu subot ye gato sun kadit sukkwop it yo, Musa dom ki rer do, sangge, ye gato kwop bere sun. Musa krom subot suk gato an me kweke dik yo {gato bot ru mó, sarewo bot ne yo git kwe ne nde. Ete Musa jam Yefun Allah ki sukdu nai an kadit kweke mit.} Musa krom suk gato Yefun Allah ki ne sare do, ’Ji anato Yefun Allah gato jom Abraham, Isak si Yakub.’

Ibrani 10:34

Nin nutbot yé gato yé bok mo sel ndo nde, nin baoku yé mo sel ne ndo nde. Kapre yé nai nin bi suk mwa kadit nin o, nin yo maskwa nde, wo nin iwa, nin mit at wa sor, we nin jam do, nin bi suk mwa gato ndo wai mó re. Suk mwa ne anato tepsu suk mwa gato Yefun Allah tom su nin. Suk ne kem ndo to kapyo mato kapyo, ye yo ku os wa nai suk gato Yefun Allah fro wa nin ne wé kadit nin nde.

Ibrani 11:40

Án yo ku nde tó, we Yefun Allah fro os gato ndo wai wa men si án sino. Yefun Allah fro os subere án si men sino si Yefun kem ndo sino tepsu dik mo pe gato Yefun Allah fro ne.

Wahyu 21:2

Ji sokme Yefun Allah bi kota, Yerusalem be is kadit Yefun Allah mo gu ma bur. Kota ne fro sisu ndo re, tepsu nggon mbrau nggwa ne kur mek wa kra su bi ya.