Ibrani 10:25 - Abun Scripture

²⁵ Men sum, men ku yu petok sor. Men bambrai wa men ku yu nde, sagato yé bok neya bambrai wa ne, wo men werwa men ku yu pe sor subere men bi os gato ndo nai yu mwa o et, we men jam do, yo nam nde ge, bere Yefun Yesus ma it.

Ibrani 10:25 Referans Kwoze

Suk Gato Yerasul Ben Ne 2:42

Sane ye gato onyar kem mo Yefun Yesus ne werwa án jam yerasul bi sukduno-i si án mit dik án onyar dik, subere án sino jamwa pe. Kamdik-kamdik án mit iwa án sum sino petok sor, án git sino, án git roti wa napawa Yefun Yesus, án ki suk su Yefun sino.

Matius 18:20

We sare, mo pe gato yetu ge we yo, ge gri yo e ne sum tepsu Ji bi yetuge-i, Ji sisu án mone dom.”

1 Tesalonika 5:11

Sane it yo, ndo sa, nin ós yu, nin duno yu subere nin onyar kem mo Yefun Yesus nggi wai o et, tepsu nin ben su ré re.

Ibrani 3:13

Wo men duno yu su sukdu gato ndo kamdik-kamdik petok sor, sawe suk yo gato ibit tik men mit ete ben kidar men bariket Yefun Allah o re. Sane men duno yu tepsu bi kam-i gato Yefun Allah syo nai men wa men kem mo bur ré sane sor kam dik yo gwet mo nde.

Ibrani 10:24

Sane men nutbot os yo sa u subere men duno yu su sane sor men sino bi sukjimnut sye kas subot ye yi neya et. Men nutbot sisu ndo et, men meret os ndo subere men bi os ndo nai yu sane sor men sino ben sukndo su ye yi dom et.

1 Tesalonika 4:18

Saneyo, nin ki sukdu ne nai yu, subere nin ós yu subere nin kwabom dek subot yekwop teker o nde.

Suk Gato Yerasul Ben Ne 2:1

Su kam sye gato ye kendo do Pentakosta, yé mwa gato onyar kem mo Yefun Yesus sum sino mo pe dik.

Suk Gato Yerasul Ben Ne 20:7

Kam Saptu bi noru, men si ye gato onyar kem mo Yefun Yesus mone sum sino. Men git sugit sino, men git roti wa men napawa Yefun Yesus. Bi ik, ete Paulus mu kadit kota Troas ne, sane Paulus nuk sukdu sor kom mo noru miten.

1 Korintus 14:3

Wo suktinggi gato Yefun Allah Gen syo nai men wa ben men nggiwa jam sukdu gato Yefun Allah tarubot men anato ndo wai. Men ki sukdu nai nje subere ós án onyar kem mo Yefun nggi wai o, subere ben án mit iwa ben Yefun bi suk-i, ete ós án kem ndo.

Roma 12:8

Ye gato ku suktinggi wa ki sukdu gato ndo wa tik ye yi mit wa ben suk gato ndo it yo, an ki sukdu ne su an mit dik si an onyar dik sor. Ye gato ku suktinggi wa syo suk nai ye gato yewa suk it yo, an syo suk mwa su an mit iwa sor. Ye gato ku suktinggi wa an tepsu yekwesu it yo, an jom nje, an ben an bi suk-i su an mit dik si an onyar dik sor. Ye gato ku suktinggi wa an dakai jimnotku ye yi gato ku sukye it yo, an ós ye ne su an mit iwa sor.

Filipi 4:5

Nin ben nin bi suk-i njep su yé mwa ne sino, subere yé mwa ne me do, nin sa, ben nin bi suk-i ne ndo, we karowa men bi Yekwesu Yefun Yesus satu ma it anare.

2 Petrus 3:9

Yetu ge bok yo nut do, suk gato Yefun Allah tom ne, An yo benbot kekro nde. Sarewo Yefun yo ben bi suk-i yó nde, wo An yo ma kekro nde, we An eswa men yetu kwet kadit sukibit gato men ben ne, ete men jammo An. An bariwa men yetu ge dik yo ges mo bot gesyos dom nde.

Yakobus 5:8

Sane nin dom, nin eswa men bi Yekwesu Yefun Yesus satu ma, Nin misyar Yefun nde, wo nin jom Yefun bi sukdu ne krat sor, we karowa An ma it.

1 Korintus 14:23

Sane it yo, nin sum wa ben ari, ete nin sino ki suk su a yi, orete ye gato jam nde Yefun si ye gato jam Yefun bi sukdu sim sok ari si nin mone yo, bere án nut mo nin do, semda ben nin it anane.

Yudas 1:19

Yé mwa gane bere meret os wa ben men dakai maskwa ket yu. Yé mwa ne, Yefun Allah Gen yo kem mo án mit nde, wo sukjimnut gato ibit anato jom án sor.

2 Petrus 3:14

Sane it yo, ji bi nji ji bi nyanggon gato ji jimnotku, men eswa kam gato Yefun Yesus tom ré it yo, men kamo nde, wo men wergat men nggwa, subere men ben suk mwa ne ndo sor, kwa yo gato ibit mo An gwem mo nde. Sane dom, men werwa men si Yefun Allah kem ndo su yu petok sor.

1 Petrus 4:7

Karowa bur ré kru it, sane nin mewa nin nggwa, nin kem su nin fra, subere nin nggiwa nin ki suk su Yefun Allah sisu ndo et.

2 Petrus 3:11

Bere Yefun Allah ben suk mwa ré ibit or re, sane men yé gato kem mo bur ré yo, men ben men bi suk-i sa u ne? Men ben sare, men ben Yefun Allah bi suk-i su men mit dik si men onyar dik, men bi men nggwa mo Yefun wa men ben An bi suk-i sor.

1 Korintus 11:20

Sane nin sum nin git roti wa napawa Yefun Yesus ne yo, nin yo ben sisu sangge nde,

1 Korintus 3:13

Nu kaim gato yé ben ne, bere men me rer su kam gato Yesus Kristus satu ma mo bur ré. Bere men me nu gato krat si nu gato yo krat nde. Nu gato bot yo git nde it yo, men jam do, nu ne krat, wo nu gato bot git or yo, men jam do, nu ne yo krat nde.

Suk Gato Yerasul Ben Ne 16:16

Kam dik yo men mu mo pe gato yé sum wa yé ki suk su Yefun Allah sa, men ku nggon kwerut ge dik yo. Pa donggon ne, kwis mok gwi pet mó, ete kwis mok frot suk gato bere bor su kam sari ne ma nai nggon ne jam. Nggon ne jam suk gato bere bor, ete mom ki nai nje jam anato mom ku sugum mwa wa mom bi yenggras mone.

Matius 10:15

Suk gato Ji ki ré suksangge anare, su kam gato bere Yefun Allah ma ndobot yetu mo bur ré sino, yé mo kota ne ku sukye wai kadit yé mo kota Sodom si Gomora gato Yefun Allah syo bot git wé mo sukibit gato yé mone ben ne.”

Yohanes 12:48

Ye to bariwa Ji, ye to jambot Ji bi sukdu nde, bere ye ne ku sukye re. Su kam gato bur ré kru it yo, bere án ku sukye mo gato án yo jammo Ji bi sukdu-i nde re.

Ibrani 10:37

We, ye krom mo Yefun Allah bi sukdu subot Kristus sare do, ”Bergan sor ete Ye gato Yefun tom do, bere An ma ne yo, bere An ma re; An yo eswa nam o nde.

Ibrani 13:22

Ji bi surat ré, ji yo krom syu teker nde, sane ji kiwa nin nutbot ji bi sukduno mwa ré sisu ndo et.