Ibrani 10:19 - Abun Scripture

¹⁹ Sane ji bi nji ji bi nyanggon, Yefun Yesus kwop ete dé sye wa men. Sane su ré men karowa Yefun Allah mo gumwak fo mo Yefun Allah bi nu mo gu ne sor re, men yo nokwa o nde.

Ibrani 10:19 Referans Kwoze

Efesus 2:18

Yefun Allah Gen ka dik ne gwat men subot os gato Yesus Kristus kak wa men sino, ye Yahudi si yewis yi ne, subere men sino karowa men bi Ai, Yefun Allah ne.

Ibrani 9:12

An sok mo Yefun Allah dakai bi gumwak fo mo nu ne mit mo gu re. Kristus sok mone An ben suk wa men wam dik sor re, tep it, wam dik ne tep wa kapyo mato kapyo. An yo sok mone o nde. An sok mone sa, An yo gwat suge sato kambing si sapi gan ne dé-i nde, wo An gwat An dakai dé-i. An gwat An dé-i mone anato An tot suktot mo sukibit gato men yetu ben ne wé re, sane sukibit ne yo ut mo men o nde sor to kapyo mato kapyo.

Ibrani 4:16

Sane men yo nggi nde yo, men karowa Yefun et. Men nyuwa men ki men bi sukdu-i su Yefun Allah nde, wo men ki sor, men damen wa nde. Men jam do, men yo ben suk yo nyim wa An nde, wo Yefun ben An bi suk-i su men yo, An dakai bi sukjimnut sye kas subot men yi sor, bere Yefun ós men mone. Sane men ndekwa An os men et, subere An syo suk mwa gato ndo nai men dakai yi tepsu bi kam gato men mitmo suk ne su.

Efesus 3:12

Yesus Kristus kak os wa men anato men yé gato onyar kem mo An, men yo damen wa ki suk su Yefun Allah o nde, wo men jam rer do, suk gato men ki nai An, bere An iwa An jam.

Roma 5:2

Men onyar kem mo Yesus Kristus sane Yesus Kristus kak os wa men dakai yi anato men si Yefun Allah kem ndo su yu. Men jam do, sangge, bere men kem ndo wai tepsu Yefun Allah kem ndo wai o re, sane men mit at wa.

Ibrani 12:28

Sane, men ki ndo mo Yefun Allah et, we An nai men gum sok mo nat gato An jom, gato kem krat ne it. Sane men ki ndo mo Yefun Allah, men som An et. Men bes An gum kok, men jammo An, sagato An dakai iwa men ben ne sor,

1 Yohanes 4:17

Sane men jam do, men bi sukjimnut sye kas subot ye yi sisu sangge yo, bere kam gato Yefun Allah ma ndobot men yetu, men yo nyuwa nde. Men ben men bi suk-i mo bur ré tepsu Yesus Kristus ben An bi suk-i, sane su kam ne yo, bere men yo nyuwa nde.

Roma 8:15

Yefun Allah Gen, gato bok nggwa mo men ne, yo ben men tepsu pakwerut wa suknyu o nde, wo Yefun Allah Gen ben men tepsu Yefun Allah bi pa-i. Sane Yefun Allah Gen mo men mit ben men kendo Yefun Allah do, ”Ai o, ji bi Ai o.”

2 Timotius 1:7

we Yefun Allah Gen gato bok nggwa mo men, yo ben men nyuwa suk nde, wo An Gen ben men nggi wai kadit suk bok neya. An Gen ben men nggiwa men bi sukjimnut kas subot ye yi neya. An Gen ben men nggiwa men mewa men nggwa subere men ben sukdaret nde.

Ibrani 9:3

Mo Yefun Allah bi nu ne mit, gumwak we, san det dik yo kewa gumwak de gwem syo. Or o san det dik yo o kok yawa mit kewa gumwak gato tak nap tuya, gato ye kendo do, ”Yefun Allah bi gumwak fo.”

Ibrani 7:25

Sane anato Yefun Yesus nggiwa ben suk tepsu yegweswai wa ós men yé gato iwa ma mo Yefun Allah bi nat-i sor to kapyo mato kapyo. Yefun Yesus kem gesyos, An ós wa ki suk su Yefun Allah tepsu yegweswai wa men petok sor.

Ibrani 3:1

Sane ji bi nji, ji bi nyanggon, nin si men sino anato yé gato Yefun Allah nai sok mo An bi rus-i. Sane men nutbot Yefun Yesus sisu ndo o et. Yefun Allah syogat Yesus Kristus gwat Yefun bi sukdu ne ma wa men tepsu Yekwesu gato gum kok wai mo Yefun Allah bi nu. An sa, tepsu yegweswai wa men si Yefun Allah gato men onyar kem mó.

Ibrani 3:6

Sarewo Kristus, An tepsu pakwerut sato Musa nde, wo An ben suk tepsu Yefun Allah dakai bi Gan. An ben An bi suk-i mo Yefun Allah bi nu sisu ri-roi sor. Kristus jom suk mwa mo nu ne tepsu Yefun Allah mit. Men anato tepsu yé gato Kristus jom mo Yefun Allah bi nu, wo men bi sukjimnut kem krat mo An, men jammo An su men mit dik si men onyar dik sor.

Ibrani 10:18

Sane Yefun Allah yo maskwa ket men mo sukibit si sukdaret mwa ne sino o nde it, Yefun Allah yo nutbot o nde. Sane men yo bi suktot mo sukibit ne o nde. Men yo gwat suge mu wa yesu gu ete ye dar i-dé mo gumwak fo mit ne o nde.

Ibrani 10:35

Sane su ré nin brek kadit Yefun Yesus nde, we nin onyar kem pe mo Yefun Yesus it yo, bere nin ku suk mwa wai mo Yefun bi de-i ne o re.