Biblia Todo Logo
Bib sou entènèt

- Piblisite -




Filipi 4:8 - Abun Scripture

8 Sane ji bi nji, ji bi nyanggon ji yo ki sukdu mwa o nde. Kamdik-kamdik, nin bi sukjimnut sye mo suk sato ré et, nin nutbot suk gato sangge, nin nutbot suk gato ri-roi, nin nutbot suk gato tepsu Yefun Allah mit, nin nutbot suk gato ndo sor, nin nutbot suk gato ibit nde, nin nutbot suk gato ndo wai, nin nutbot suk gato yé ben ete yé mwa iwa ne. Nin nutbot suk gato ndo wai o re, nin nutbot suk gato yé mwa ne un. Nin nutbot suk mwa gane sor re.

Gade chapit la Kopi




Filipi 4:8
67 Referans Kwoze  

Sarewo ye gato Yefun Allah kak bi sukjimnut ko wa jam suk mwa ne bere ben bi suk-i sare do, kwa gato sye wai anato an ben an bi suk-i ndo petok sor, kwa gato ibit yo mo nde. Sane dom, an werwa subere an si ye yi kem ndo su yu sino, an ben an bi suk-i njep, an nutbot ye yi bi sukdu-i, an dakai jimnotku ye yi sye wai o re, an ben suk mwa ne ndo sino bor mone, an ben an bi suk-i su yé mwa ne tepsu yu, an ben suk tepsu suk gato an ki ne.


Nan ben suk mwa ne ndo sino sor, subere kadum os wa yemsok waii benbot. Nan duno nje yo, nan duno sisu sangge, nan kidar wokgan yo dom nde, wo nan duno nje sisu nan mit dik si nan onyar dik sor.


Men werwa men ben suk su sugum ne tepsu pe gato Yefun Allah mit iwa sor nde, wo men werwa men ben suk su sugum ne tepsu pe gato yetu iwa ne dom.


Sarewo men nai sukjimnut dik do, suk gato Yefun Allah Gen kiwa men ben ne yo, bere men ben suk sato ré: Men bi sukjimnut sye kas subot ye yi e; men mit at wa suk gato ndo petok sor e; men si ye yi neya mit ndo su yu e; men yo maskwa kekro nde e; men jimnotku ye gato ku sukye e; men ben sukndo su nje e; suk gato men tom ne men benbot e;


Nin si yé gato jam nde Yefun Allah kem mo bur ré yo, nin werwa nin ben nin bi suk-i ne ndo wai, subere kapre án iwa ki nin gum ibit yo, án yo ku os wa án ki nin gum ibit mó nde, wo án me do, nin sa, ben sukndo. Sane bere su kam gato Yefun ma wa ndobot men yetu mo bur ré, bere án bes Yefun Allah gum kok sye wai mo sukndo gato nin ben ne.


Nin ki suk su Yefun wa men yé gato krom surat ré petok sor. Men dakai bi sukjimnut mo men mit ne sa, ndo sor, kwa gato ibit mo nde, we mo suk mwa gato men ben ne, men iwa men ben men bi suk-i ne ri-roi sor.


Ye ki mo nan do, nan pa wokgan kamekre sor re yo, nan jambot sukdu sane nde, wo nan wergat nan dakai wa nan kadum os gato ndo wa ye gato onyar kem mo Yefun ne sibot sor. Nan ki nan bi sukdu-i ne sisu ndo. Nan ben nan bi suk-i ne ndo. Nan bi sukjimnut sye kas subot ye yi neya. Nan onyar kem mo Yesus Kristus. Nan bare sukibit gato ben nan ibit ne wé kadit nan, nan onyar kwo sor. Nan ben suk mwa sane, subere nan kadum os ndo wa yé mwa gato nan duno ne.


Nin kem mo pe gato nden rer it yo, bere nin ben nin bi suk-i ne ndo bor wa nje me, tepsu kwe syesyar i-bo, bere nin ben suk sato ré: nin ben sukndo su nje, nin ben nin bi suk-i ndo tepsu Yefun Allah mit, nin ben nin bi suk-i ri-roi sor.


An ben an bi suk-i sane nde, wo an iwa nje ma kem si an mo an bi nu ne sor. An iwa suk gato ndo sor. An mewa an nggwa subere an ben sukdaret nde. An ben suk su sangge sor, an yo kidar suk nde. An ben Yefun Allah bi suk-i sor. An fro nggwa subere suk gato an ben ne kas sisu ndo.


Ye gato kwabom kam mo sukdu gare gato bere bor ne, bere an mewa an nggwa subere an yo ben sukibit o nde, wo an ben an bi suk-i ne ndo sor, tepsu Yesus Kristus dakai ben ne.


Nin benbot Yefun Allah bi sukdu gato sangge it, sane anato nin bare sukibit gato ben nin ne wé kadit nin re, nin onyar kwo re. Sane dom, ye yi gato onyar kem mo Yefun Allah ne, nin mewa sisu sangge re. Sane nin mewa yu su nin mit dik si nin onyar dik sisu ndo wai o et.


Men bi nje-i gato men duno ne, án ben suk gato ndo sor, subere kamdik-kamdik án ku suk gato án mitmo ne, subere án kem mo bur ré, án bambrai wa ben suk nde.


Men ben men bi suk-i ndo sor, men ben men bi suk-i tepsu suk gato ye ben su nombrak. Men kamo e, men yenau su e, men ben siri su dom nde. Men yenau nde. Yebris si nggon ben siri su yu daret nde. Men ben suk siri dakai daret nde. Men ben sukndi nde. Men maskwa ye yi mo sukndo gato ye ne ku ne nde.


Suk gato an ben wa Yefun, gato men bi Ai, Yefun Allah nut do, ndo wai o re anato suk sato ré, an mewa pa ti si nggonna gato ku sukye. An mewa nggwa kadit sukibit mwa mo bur ré dom. An do ben suk sane it yo, an ben an bi suk-i ndo wai anane, kwa yo gato ibit mo nde.


Ji bi pa, men ki su men syokwet do, men bi sukjimnut sye kas subot ye yi sane sor nde, wo men bi sukjimnut kas subot ye yi sisu sangge et, sane bere men ben suk yo bor mone.


Nan duno yebris gato sye nyim kadit nan sare do, án mewa nggwa kadit nau, án ben án bi suk-i ndo, subere ye un án gum mone. Án mewa nggwa kadit sukibit. Án jowa Yefun Allah bi sukduno gato sangge ne pe mo án mit sor. Án bi sukjimnut sye kas subot yé mwa ne tepsu yu. Án ku sukye yo, án misyar Yefun nde, wo án simo Yefun pe sor. Nan duno yenggras sane.


Sane men ki suk su Yefun Allah subere An ós nin subere nin ben suk gato ibit ne o nde. Men benadi subere yetu un men gum mo suk gato men ben ne nde, wo men benadi subere nin ben nin bi suk-i ndo petok sor. Kapre men duno nin sisu ndo e, men yo duno nin sisu ndo nde e, suk yo nde, wo men iwa nin ben nin bi suk-i ndo sor.


Nin ben suk su ye gato yo onyar kem mo Yefun nde tó yo, nin nutbot suk gato nin ben ne sisu ndo et. Nin kamo su án sor nde, wo nin werwa nin ben suk su án subere án waii jammo Yefun et.


Kwa gato ndo wai anato nin bi sukjimnut sye kas subot yu, nin mewa yu sisu nin mit dik si nin onyar dik et. Nin ben sane, we nin bi sukjimnut sye do kas subot yu it yo, bere nin yo nutbot sukibit mwa gato nin ben nai yu ne o nde.


Ye gato ben bi suk-i ndo yo, bere an yo kwabom dek subot suk gato an bi yekwesu ben su an ne nde, wo ye gato ben bi suk-i ibit yo, bere an kwabom dek subot suk gato bere an bi yekwesu ne ben su an. Sane men bariwa men bi yekwesu ben sukye nai men it yo, men ben men bi suk-i ne ndo petok sor. Sane bere men bi yekwesu un men mo sukndo gato men ben ne.


Yesus Kristus bi An nggwa wa tot suktot mo sukibit mwa ne sino gato men ben ne wé, subere men tepsu nje gato ben sukibit o nde, ete men sok mo An dakai bi rus-i gato mit iwa ben suk gato ndo sor.


Ji yo krom sukdu mwa o nde. Ji bi nji, ji bi nyanggon, nin yé gato onyar kem mo Yefun Yesus, Yefun nai nin gum sok mo An bi rus-i, sane nin mit at wa et! Sukdu gato ji krom ré, ji krom wam bok yo wa nin mó re. Kapre ji krom wam bok yo o, suk yo o nde, we ji bi sukdu ne ós nin subere nin kem ndo.


Wo sare, ye gato mit dik wa ye Yahudi bi suk-i anato ye Yahudi gato sangge. Sane dom, ye gato simo sunat mo an mit anato simo sunat gato sangge. Yefun Allah Gen bisunat an mo an mit, yetu yo bisunat an tepsu sukdu mo Musa bi buku ne nde. Sane yetu yo un ye gato simo sunat sangge nde, wo Yefun sa, bere un ye ne re.


Men ki suk su Yefun Allah wa men bi yekwesu si yepasye bok ne sino mo bur ré, subere yekwesu ne jom men sisu ndo, subere men kem not, subere men kem ndo su yu, men ben men bi suk-i tepsu Yefun mit, men ben men bi suk-i ne ndo petok sor.


Nggonna ne yé mwa jam do, mom ben bi suk-i ndo sato ré, mom kon mom bi pa sisu ndo e; yé yo ma mo mom bi nu yo, mom iwa, mom syo sugit nai e; mom ben suk tepsu pakwerut wa ós ye gato onyar kem mo Yefun Yesus e; mom ós ye gato ku sukye e; mom ben suk mwa gato ndo petok su mom mit dik mom onyar dik sor e ne.


Men fro men nggwa pe sor. Men ben men bi suk-i sisu ri-roi petok sor, tepsu men far suk yo mo men on ke anane. Sane dom, men ben men bi suk-i ndo tepsu Yefun Allah mit petok sor, tepsu men it san besi kewa men tunap anane.


Nin ben suk sane sor, subere nin yo git mo ye yi syim nde. Sane bere ye gato jam nde Yefun un nin gum mone o re.


Sane yo, nin sino kidar yu o nde, wo nin ki nin bi sukdu-i ri-roi nai yu sor, we nin sino tepsu yedik mo Kristus bi rus-i it.


Ye deyo bes men gum kok, wo ye deyo o kiket men. Ye deyo ki men gum ndo, wo ye deyo o ki men gum ibit. Men da ben Yefun bi suk-i ne ri-roi, sarewo ye ki sukwok mo men do, men anato tepsu ye gato kidar suk.


Ye ka gri ne ki do, ”Ye Roma bi yesukmise bi yesu gato gum do Kornelius syogat men ka gri ma more. An ben sukndo tepsu Yefun Allah mit, an jammo Yefun Allah. Ye Yahudi mwa ne sino un an. An ku Yefun Allah dakai bi malaikat ge dik yo. Malaikat ne syogat Kornelius ndekwa nan mu ku Kornelius mo bi nu, subere Kornelius jam nan bi sukdu et.”


Ye gato ki an dakai bi sukduno-i yo, an werwa an dakai bes an nggwa kok mone. Sarewo an werwa an bes Ye gato syogat an ma ne yo, an sa, ye gato ki bi sukdu-i ri roi anane, an yo kidar nje yo mo nde.


Maria si Yusuf gwat Yesus ma kom mo Yerusalem, sugane yetu ge dik yo gato gum do Simeon kem mo kota Yerusalem ne. Simeon ré, an ben sukndo, an ben suk ri tepsu Yefun Allah mit, we an jammo Yefun. An eswa kam gato bere Yefun Allah syogat Yekwesu ma mo bur Israel gato nai ye Israel wé kadit sukye. Yefun Allah Gen sisu Simeon pe.


we Herodes nyuwa Yohanes. Sane Herodes syogat yé mewa Yohanes mo sel ne sisu ndo. Herodes jam do, Yohanes ben sukndo tepsu Yefun Allah mit. Herodes jam do, Yefun Allah bes Yohanes wa ben Yefun Allah bi suk-i ne, sane anato Herodes nyuwa Yohanes. Herodes da iwa syaretwa Yohanes ki Yefun Allah bi sukdu-i, sarewo Herodes jam sukdu ne sa, an bi sukjimnut waiyu mone.


Yefun Yesus ki nai án do, ”Nin anato ben suk subere yé mwa nut do, nin sa, ben sukndo, ondewo Yefun Allah jam nin mit-i tara re. Suk gato yetu nut do, ndo, Yefun Allah nut do, ibit.”


Sane su ré yo, men ki ye yi gum ibit mo suk yo daret nde. Kam gato men ki ye yi gum ibit anare nde tó, wo men eswa men bi Yekwesu Yefun Yesus ma mo bur ré, ete Yefun dakai kibot men yetu mwa ne. Bere Yefun Yesus rek suk mwa gato men gurik mo pe gato ndendu kadit yu ne bor wa yé mwa jam. Bere Yefun Yesus rek yé mwa ne sino bi sukjimnut-i ne bor wa yé mwa jam dom. Sane, sugane Yefun Allah un men yé gato ben sukndo mo suk gato men ben ne.


Ji kom mo Damsyik sa, yetu ge dik yo mone gato gum do Ananias ma ku ji. An benbot ye Yahudi bi sukduno ne petok sor. Ye Yahudi mwa ne sino mone bes an gum kok wai o re.


Ji bi nji ji bi nyanggon gato ji jimnotku, yé mwa ki do, Yefun Allah Gen bok nggwa mo án, sane sukdu gato án ki ne ma kadit Yefun Gen. Sarewo nin jammo án bi sukdu-i kekro nde, nin watbot sukdu ne kom-kem et, subere nin jam do, án ku án bi sukdu-i kadit Yefun Allah Gen bado, án ku án bi sukdu-i kadit suk yi neya e? Sane nin watbot sisu ndo et, we su ré yenabi mwa gato kidar suk mu ki bi sukdu-i bot peyo-peyo mó re.


Nan ben suk su nggon gato sye nyim kadit nan tepsu nan ben suk su nan bi im. Nan ben suk su nggon gato bi im pe wari kadit nan tepsu nan ben suk su nan bi nyanggon. Nan mewa nan nggwa subere nan ben suk mwa su nggon ne sisu ndo sor, kwa gato ibit wokgan yo dom nde.


Yetu ge dik yo, an gum do Yusuf, an ontu mo kota Arimatea, mo bur Yudea. Yusuf ré, an gum sok mo ye Yahudi bi nu ari bi yekwesu. An ben sukndo, an ben an bi suk-i ri-roi. An eswa kam gato Yefun Allah ma jowa men tepsu men bi Yekwesu. An gum da sok mo ye Yahudi bi yekwesu, sarewo an yo simo yekwesu gato nai sukjimnut dik do, án gu Yefun Yesus kwop ne nde.


An mewa an bi rus sisu ndo; an duno an bi pa sisu ndo, subere pa ne jammo an sisu pa mit dik sor,


Sa ndo sa, nin bes ye ka mufit gato Yefun Allah Gen bok nggwa mó ete jam suk. Nin bes ye ka mufit wa wat sugit bot nje,


Ye Farisi syogat án bi pakon ge bok yo si ye gato simo Herodes ge bok yo mu ku Yefun Yesus, ete án ndo mo Yefun Yesus do, ”Yeguru, men jam do, Nan sa, Nan anato ye gato ben bi suk-i ri-roi sor. Men jam do, Nan kibot Yefun Allah bi sukdu ne yo, kapre yepasye ke, ye gato gum wok ke, Nan duno men su Yefun Allah bi sukdu-i ne rer sor. Nan duno yé mwa ne sino tepsu yu. Nan yo brek nden we mo sukdu gato Nan ki ne nde.


Men bi amui onyar kem pe mo sukdu gato Yefun Allah ki ne anato Yefun Allah mit iwa án.


Sane dom, an bi nggon ne nggon gato ye yi un mom gum mo sukndo gato mom ben ne. Nggon ne yo kiket ye yi gum ibit mo nde. Nggon ne mewa nggwa, mom ben sukdaret nde. Mo suk mwa gato mom ben ne, mom yo kidar suk mo nde, wo yé mwa ne onyar kem mo mom re.


Men syogat yetu ge dik yo simo Titus ba ku nin. Ye ne tepsu men bi nji ge dik yo. An ye gato mu ki subot os ndo gato Yesus Kristus kak wa men yetu, sane anato yé gato onyar kem mo Yefun Yesus mo nu ari bok yo bes an gum kok mone.


Ji bi nji ji bi nyanggon gato ji jimnotku, ji bi surat kedowe wa nin anare. Ji krom surat we ne sino tepsu suknapa wa wergat nin subere nin bi sukjimnut ne ndo sor.


Men ben suk gato Yesus Kristus iwa e, men si Kristus kem not e, men mit at wa Kristus bi suk-i e ne. Ye gato bi an nggwa wa an ben suk bok ré wa Kristus it yo, bere Yefun Allah mit iwa ye ne. Yefun iwa ye ne sor nde, wo bere yetu dom un ye ne gum mo suk gato ye ne ben ne.


Swiv nou:

Piblisite


Piblisite