Filipi 4:6 - Abun Scripture

⁶ Suk gato nin mitmo ne yo, nin nutbot teker nde, nin nutbot sor nin bi sukjimnut waiyu nde. Wo suk mwa gato nin yewa ne, nin ki napyo nai Yefun Allah jam et. Nin ndek mo Yefun Allah subere Yefun syo suk gato nin yewa ne nai nin, ete nin ki ndo mo An sor.

Filipi 4:6 Referans Kwoze

1 Petrus 5:7

Yefun Allah iwa mewa nin, sane suk gato nin nutbot teker eta, nin nutbot teker sane sor nin bi sukjimnut waiyu nde, wo nin ki subot sukjimnut mwa ne sino nai Yefun Allah jam subere Yefun nai sukjimnut ne wé kadit nin et.

Matius 6:8

Nin ben saga án ben ne nde. Nin ki suk su Yefun nde tó, nin bi Ai jam suk gato nin yewa nyim wé re.

Kolose 4:2

Nin ki suk su Yefun Allah petok sor. Nin ki suk su Yefun yo, nin mewa nin nggwa, nin ki suk su nin mit dik si nin onyar dik. Nin ki suk su Yefun yo, nin ki ndo mo Yefun Allah dom et.

Efesus 6:18

Men jom suk e, men it suk bok ne, men ki suk su Yefun dom et. Men ki suk tepsu suk gato Yefun Allah Gen kadum nai men sor. Sane men fro men nggwa, men werwa men ki suk su Yefun petok sor, men misyar wokgan yo dom nde. Men ki suk su Yefun Allah wa ye gato onyar kem mo Yefun Yesus ne sino petok sor.

Kolose 3:17

Suk mwa ne sino gato nin ben e, nin kibot e ne yo, nin me mo suk gato men bi Yekwesu, Yefun Yesus dakai ben ne, orete nin waii ben nin bi suk-i tepsu An ben ne sor. Nin ki ndo mo men bi Ai, Yefun Allah, mo os ndo gato Yefun Yesus kadum nai nin ne et.

Lukas 18:1

Orge Yefun Yesus gwat sukamno dik yo wa An duno An bi pakon, subere kamdik-kamdik pakon ne ki suk su Yefun petok sor, subere án bambraiwa ete misyar nde.

Lukas 12:22

Orete Yefun Yesus ki nai An bi pakon o do, ”Sane, Ji ki sare do, sugit wa nin git ne, suk gato nin mitmo wa nin kem mo bur ré, nin nutbot teker eta nde. Sane dom, san wa nin it mo nin kaim, nin nutbot teker eta nde.

Kolose 3:15

Kristus nai nin sok mo An bi rus-i subere nin kem ndo su yu. Sane mo suk mwa gato nin nai sukjimnut wa nin ben ne, sukjimnut ndo kadit Kristus ben nin bi sukjimnut not mo suk ne yo, nin ben sor, ete nin ki ndo mo An.

Efesus 5:20

Men bi Yekwesu mo Yesus Kristus, sane anato nin ki ndo mo nin bi Ai Yefun Allah mo suk mwa gato An ben mo bur ré petok sor.

Lukas 10:41

Yefun Yesus ki do, ”Marta, nan jimnutbot suk mwa ré teker eta,

Lukas 18:7

Tepsu yepasye ne syogat ye ben sukye nai ye gato ben sukibit nai nggonna ne, bere Yefun Allah syo sukye nai ye gato ben sukibit nai Yefun bi rus-i gato ndekwa Yefun ós án noru nombrak sor. Bere Yefun Allah ki do, ’Ji me mo et’ bado?

Matius 10:19

Ye gwat nin mu mo yepasye wa ndobot nin yo, nin nutbot suk gato bere nin ki ne teker eta nde. Nin nutbot do, ’Men ki sukdu sa u ne?’ teker dom nde, we su kam gane bere Yefun Allah Gen kadum suk gato ndo wa nin ki ne.

Lukas 12:29

Sane nin bi sukjimnut sye mo suk gato nin git si suk gato nin da ne nde. Nin nutbot suk ne teker eta nde.

2 Korintus 1:11

Sane nin ós men dom, nin ki suk su Yefun wa men et, subere Yefun Allah mewa men tepsu nin si yé mwa neya benadi wa men ne. Sane bere Yefun Allah ben sukndo su men, ete bere nin si yé mwa ne sino un Yefun Allah mone.

1 Korintus 7:32

Ji iwa suk mwa yo syimfar men nde. Ye gato kra nde, an bi sukjimnut sye mo Yefun Allah bi suk-i sor. Sane an wergat an nggwa subere an ben an bi suk-i tepsu Yefun Allah mit sor.

1 Petrus 4:7

Karowa bur ré kru it, sane nin mewa nin nggwa, nin kem su nin fra, subere nin nggiwa nin ki suk su Yefun Allah sisu ndo et.

Matius 13:22

Mbet gro gato ges mo jak mit anato tepsu ye gato but sukdu ne, sarewo án jimnotbot suk mwa gato men yetu yémo sato sugit e, san e, sugum e ne. Án bi sukjimnut kasbot suk mwa ne anato sukdu ne yo kom ndo mo án mit o nde, án yo ben suk tepsu sukdu ne nde. Sane án tepsu mbet gro mo jak mit ne, án yo kom ndo nde, i-bo yo mo nde.

1 Korintus 7:21

Su kam gato Yefun Allah nai men, men do tepsu yenggras dik yo bi pakwerut it yo, men werwa men mu kadit nde, sarewo men do ku os wa men mu kadit it yo, men mu sor.

Matius 6:34

Sane, ik bi suk-i, nin ku ke, nin ku nde ke, nin nutbot teker eta su kam ré nde. Ik, ete nin nutbot ik bi suk-i. Su kam ré nin bi sukye bok yo mó, sane nin nutbot ik bi suk-i tó nde.”

1 Timotius 2:1

Nan jambot suk gato ji krom ré et. Ketke, men ndek suk mo Yefun Allah yo, men ki ndo mo Yefun, ete men ki suk su Yefun wa yé mwa mo bur ré or sino.

1 Timotius 5:5

Nggonna gato ye yo ós nde, wo mom wadigan sor re, nggonna ne kwabom kam mo Yefun Allah, mom ki suk su Yefun noru nombrak sor, subere Yefun Allah ós mom.