Filipi 4:4 - Abun Scripture

⁴ Men bi Yekwesu Yefun Yesus nai nin sok mo An bi rus-i it, sane kamdik-kamdik nin mit at wa sor. Ji ki nai nin wam dik yo o do, nin mit at wa petok sor.

Filipi 4:4 Referans Kwoze

Roma 12:12

Men kwabom kam mo Yefun Allah, ete men mit at mone. Men ku sukye yo, men misyar Yefun nde, wo men eswa sukye ne or kadit men. Men ki suk su Yefun Allah petok sor.

Filipi 3:1

Ji yo krom sukdu mwa o nde. Ji bi nji, ji bi nyanggon, nin yé gato onyar kem mo Yefun Yesus, Yefun nai nin gum sok mo An bi rus-i, sane nin mit at wa et! Sukdu gato ji krom ré, ji krom wam bok yo wa nin mó re. Kapre ji krom wam bok yo o, suk yo o nde, we ji bi sukdu ne ós nin subere nin kem ndo.

Matius 5:12

Suga nyim tuya yenabi ku sukye saga nin ku re. Wo nin wi, nin ambre, we Yefun fro suk gato ndo wa nin mo gu nim ne re.”

1 Petrus 4:13

Nin nutbot sukye ne teker eta nde, wo nin mit at wa sor, we ben sato nin si Kristus ku sukye ne sino. Sane bere su kam gato Kristus kadum An bi suktinggi bor mo bur ré, nin mit at wa wai o re.

Suk Gato Yerasul Ben Ne 16:25

Noru miten, Paulus si Silas ki suk su Yefun, an we kos sukos un Yefun Allah dom. Ye yi gato yé bok mo penjara ne dom jam ye we ne kos.

Suk Gato Yerasul Ben Ne 5:41

Yerasul ne mu kadit yepasye mwa ne, án mit at, we án jam do, Yefun Allah nut do, án sa, gum kok tep wa án ku sukye kadit yepasye ne mo sukdu gato án ki subot Yefun Yesus.

Galatia 1:8

Men deyo e, malaikat e ne do ma kadit gu, ete ki bi sukdu-i tara kadit Yesus Kristus bi sukdu-i gato men duno nin su ne yo, sa ndo sa, Yefun Allah ete syo sukye nai ye ne mo bot gesyos sor.

2 Korintus 6:10

Men da nderku nggwa, sarewo men mit at wa suk mwa neya petok sor. Men yo ku suk yo mo nde, sarewo men kak os wa yé mwa neya ku suk mwa kadit Yefun. Ye da nut do, men bi suk yo mo nde, sarewo men sa, bi suk mwa ne sino mo bur ré iwedewe mó re.

Filipi 2:18

Sane nin si ji sino mit at wa dom et. Nin si ji, men wi men ambre mone sino et.