Filipi 4:20 - Abun Scripture

²⁰ Sane men bes men bi Ai, Yefun Allah gum kok su kapre mato kapyo sor. Sangge.

Filipi 4:20 Referans Kwoze

Roma 11:36

Yefun Allah ut suk mwa ne sino. Yefun ut suk mwa ne su An bi suktinggi. Yefun ut suk mwa ne wa An dakai. Sane men bes Yefun Allah gum kok petok sor to kapyo mato kapyo. Sangge.

Wahyu 14:7

Malaikat ne saiye do, ”Ré yo, kam tepsu Yefun Allah ndobot men yetu mwa ne sino mo bur ré it, sane nin nyuwa Yefun Allah et! Nin bes An gum kok sye wai et! Nin jammo An gato ut gu nim ne e, bur ré e, sem e, syur e ne sino et!”

Wahyu 7:12

Malaikat mwa ne sino ki do, ”Sangge. Men un Yefun Allah gato jom men. Men bes An gum kok sye wai o re. An sa, jam suk rer kom mo mit re. An nggi wai kadit suk mwa ne. An jom suk mwa ne sino. Sane men un Yefun Allah et. Men ki ndo mo An su kapre to kapyo mato kapyo. Sangge.”

Wahyu 5:12

Malaikat mwa ne ba sukbadek, án ba sye sare do, ”Domba ga ye gu ne e, Domba ga kwop ne e, Nan sa, Nan gum kok ne o, gum sye ne o. Men un An gum a we, Men bes An gum a we, Domba ne tep wa ku suktinggi mwa ne o, tep wa suk mwa ne sino o. Men un An gum a we, Men bes An gum a we, Domba ne tep wa ku suktinggi mwa ne o, tep wa dakai rer kom mo mit ne o. Men un An gum a we, Men bes An gum a we, Domba ne tep wa ye bes An gum kok ne o, tep wa ye un An gum petok ne o.”

Wahyu 1:6

Yesus Kristus anato bes men tepsu An dakai bi yewis-i dor kadit yewis yi neya. Yesus Kristus anato bes men tepsu yesu gato rer mo Yefun bi suk-i, men ben suk wa An bi Ai, Yefun Allah. Yesus Kristus anato nggiwa jowa suk mwa mo bur ré. An anato gum kok to kapyo mato kapyo sor. Sangge.

Yudas 1:25

Yefun wadigan anato gum kok sisu sangge sor. An anato fro os ndo wa men subere men kem ndo to kapyo mato kapyo. An syogat men bi Yekwesu Yesus Kristus ma kak os ne subere men si An kem ndo. An anato gum kok wai o re. An anato gum sye wai o re. An sa, bi suktinggi gato sye wai. An sor anato gum kok wai kadit yekwesu mwa ne sino kadit ketke sor, su ré, to kapyo mato kapyo. Sangge.

Filipi 1:11

Ji ndek mo Yefun subere An ós nin subere suk mwa gato nin ben ne ndo sino tepsu Yefun Allah mit, sukibit yo mo nde, subere yé mwa un Yefun Allah ete bes An gum kok mo suk gato nin ben ne.

Efesus 3:21

Sane men yé gato onyar kem mo Yesus Kristus mo bur ré, men bes Yefun Allah gum kok, men bes An gum kok mo suk gato Yesus Kristus ben ne sor. Men si men bi datu si datok bes An gum kok su ré to kapyo mato kapyo et. Sangge.

Wahyu 11:13

Sugane it, sui juwai bur ndo nde sane sor nu mo kota ne napyo fot mbrur-mbrar or re. Kadit nu ke wotin dik, nu ke musyu dik e gwa bur re. Yetu ge ribu mufit kwop re. Yé gato mbau tó nyu ndo nde, án bes Yefun Allah mo gu ne gum kok wai o re.

1 Timotius 1:17

Sane men un Yefun Allah gato men bi Yekwesu kadit kapyo sor kom mo kapyo. Men bes Yefun Allah gato gesyos ne gum petok sor. Yefun Allah gato men me su men gro nde, men un An sor. Men un Yefun Allah dik ne sor, men bes An gum kok su ré to kapyo mato kapyo. Sangge.

Filipi 4:23

Men bi Yekwesu Yesus Kristus ete mewa nin sino sor.

Roma 16:27

Yefun Allah ne dik sor. Yefun Allah anato bi sukjimnut ne ko wai o re. Sane men bes Yefun Allah gum kok wai o mo suk gato Yesus Kristus ben ne sor to kapyo mato kapyo. Sangge.

Matius 28:20

Nin duno nje ne subere yé ne benbot suk mwa ne sino gato Ji syogat nin ben ne. Nin jammo suk gato Ji ki ré et, nin mu duno nje yo, bere Ji sisu nin petok sor kom mo kapyo mato kapyo.”

Matius 6:9

Sane nin ki suk su Yefun Allah yo, nin ki sare do, ’Men bi Ai mo gu: Yé bes Nan gum kok sye wai ete ndo.