Filipi 4:17 - Abun Scripture

¹⁷ Ji yo ki subot suk gato nin syo nai ji ré subere nin syo suk yo o nai ji nde. Wo sukndo gato nin ben ne, ji iwa nin ben mwa wai o subere Yefun Allah waii ben sukndo nai nin mwa wai o dom et.

Filipi 4:17 Referans Kwoze

Titus 3:14

Men bi nje-i gato men duno ne, án ben suk gato ndo sor, subere kamdik-kamdik án ku suk gato án mitmo ne, subere án kem mo bur ré, án bambrai wa ben suk nde.

Ibrani 6:10

Yefun Allah ben An bi suk-i ri-roi petok sor. An yo mbrinket suk gato nin ben wa An nde, kwa dik yo dom nde. Suk gato nin ben wa nin ós ye Kristen yi kadit nyim neya kom more, nin ben sane, tepsu nin jimnotku Yefun Allah it anane. Yefun Allah yo mbrinket suk gato nin ben ne dom nde.

Yohanes 15:8

Nin do ben suk mwa gato ndo, tepsu bo mwa gato kom yo, nin tepsu Ji bi pakon gato sangge, ete bere yé bes Ji bi Ai gum kok sye wai o mone re.

1 Petrus 5:2

nin mewa Yefun Allah bi rus-i gato An syo nai nin sisu ndo et. Yefun Allah iwa nin mewa An bi rus-i sisu nin mit iwa sor, nin bariwa nde. Nin mewa Yefun bi rus-i, nin gro sye wa nin ku suk mwa wa nin dakai sor nde, wo nin dakai mit iwa nin ós Yefun bi rus-i ne, ete nin mewa Yefun bi rus-i mone sor.

Titus 1:7

Yekwesu mo nu ari ne Yefun Allah fro wa ben Yefun bi suk-i mo bur ré, sane an ye gato ben an bi suk-i ndo sor, kwa gato ibit yo mo nde. An yo at nde, an yo maskwa dek nde. An yenau bu nde. An iwa ben sukndi nde. An gro sye wa sugum nde.

Filipi 4:11

Ji yo ki subot suk gato ji ku ne, we ji yo yewa suk nde, wo ji nut do, suk gato ji ku mó yo, tep wa ji, ji iwa sor, ji yo nutbot teker nde, we ji o mó re.

1 Tesalonika 2:5

Nin dakai jam do, tomgato men kem su nin, men yo ki suk su men syokwet wik nde. Sane dom, men ki Yefun Allah bi sukdu-i nai nin sa, men yo meret os wa men ku suk mwa kadit nin dom nde. Yefun Allah dakai jam men mit re.

2 Korintus 9:5

Sane anato ji werwa ji syogat ye ka gri ne mu nyim wa ós nin fro sugum mwa gato nin tom ne. Sane bere ji do ba kom motu it yo, sugum mwa ne kwop pe re. Sane bere yé jam rer do, nin syo sugum yo, ye yo wergat nin nde, nin syo su nin mit bariwa nde, wo nin syo sugum ne su nin mit iwa sor.

Roma 15:28

Sane bere ji mu mo Yerusalem, ete ji syo sugum mwa ne sino nai yé gato kem mone. Ji ben suk gato ye syogat ji ben ne or yo, ji mu mo bur Spanyol it anane. Ji do mu mone yo, bere ji ba ku nin mo nin bi kota-i, ete ji wai kadit nin mu mo bur Spanyol.

Yohanes 15:16

Nin anato bes Ji gum Yekwesu wa nin nde, wo Ji anato bes nin gum pakon wa Ji. Ji bes nin, orete Ji syogat nin mu ben suk mwa gato ndo, tepsu kwebo bor mo kweguk. Ji syogat nin ben sukndo gato tepsu kwebo gato bere yo ibit nde, wo bo gato kem pe sor. Nin ben sukndo gato kem pe, sane bere suk to nin ndek mo Ji bi Ai, ete nin ki Ji gum mó yo, bere Ji bi Ai syo nai nin re.

2 Korintus 11:16

Ji ki sukdu ré wam dik yo o et: nin nut mo ji do, ji ré ye gato jimgon nde. Wo nin do nut mo ji do, ji jimgon it yo, ndo dom, nin nut sane sor, subere ji ku os wa ji dakai un ji dakai mo sukwokgan yo o et.

Yudas 1:11

Bere Yefun Allah syo sukye nai án sor. Án gu nje kwop daret tepsu Kain ben ne. {Kain anato gu an bi nji, Abel ne, kwop.} Yeguru gane gro sye wa ku sugum anato án syi suk mo Yefun bi rus-i sato Bileam ben ne. {Bileam ré syi sukfo mo ye Israel wa ku sugum.} Yeguru gane duwer suk nggi tepsu Korah ben ne. {Korah si bi det-i anato duwer Musa si Harun mo pe gato yé ne.} Sane bere Yefun Allah gu án kwop wé tepsu Yefun gu Korah kwop wé mo gato án duwer nje subot Yefun bi os-i ne nggi.

2 Petrus 2:3

Yeguru ne gro sye wa án ku suk mwa wa án dakai. Sane án kidar nin su sukdu gato án dakai fro subere nin syo suk nai án. Sarewo nam it, Yefun Allah gato bere ndobot án fro wa syo sukye nai án. Yefun Allah fro wa bare án mo bot gesyos, Yefun Allah es ndek mo os koirut wa án re.

1 Timotius 3:3

an yenau nde; an ben sukot nde, wo an ben an bi suk-i njep sor, an duwer ye yi daret nde, an gro sye wa sugum nde.

Filipi 1:11

Ji ndek mo Yefun subere An ós nin subere suk mwa gato nin ben ne ndo sino tepsu Yefun Allah mit, sukibit yo mo nde, subere yé mwa un Yefun Allah ete bes An gum kok mo suk gato nin ben ne.

2 Petrus 2:15

we án mu brek kadit os gato ndo ne, sane án bi sukjimnut yo ndo o nde. Án simo yenggras Beor bi pa, gato gum do Bileam ne bi os-i. Bileam ré iwa ben sukibit subere an ku sugum mone.

1 Timotius 6:10

we men bi sukjimnut sye kas subot sugum yo, bere men ben sukibit mwa bor mone. Yé bok yo werwa ku sugum mwa teker anato án misyar Yesus Kristus bi sukdu-i or re, ete án ku sukye mwa ndo nde. Án kem, án nderbot án nggwa ndo nde.