Filipi 4:12 - Abun Scripture

¹² Ji yewa suk yo, ji ku suk mwa yo, ji o mó re. Mo suk mwa ne sino, ji ku sukye e, ji yewa suk e, ji kem not sor, ji yo nutbot teker nde, ji o mó re. Ji on ge yo, ji on de yo, ji yewa suk yo, ji ku suk mwa yo, ji iwa sor, ji yo nutbot teker nde.

Filipi 4:12 Referans Kwoze

Matius 11:29

Ji ben Ji bi suk-i njep, Ji yo bes Ji nggwa kok nde, sane nin bi nin nggwa mo Ji tepsu nin bi Yekwesu, nin jammo Ji bi sukduno, sane bere Ji ós nin kem not.

2 Korintus 11:27

Ji samok wa ben suk, ji wergat ji nggwa, ji ben suk noru nombrak sor, ji yo ndo o nde, ji yo sem ri nde, ji on de, ji sosa, ji yo git sugit ri dom nde, ji yewa sugit, ji yewa san, ji dot, we ji ku nat yo wa ji sem mo nde.

2 Korintus 11:9

Sane dom, ji duno nin mone sa, ji da yewa suk, sarewo ji yo ndek suk mo nin dom nde. Yé bok yo gato onyar kem mo Yefun Yesus gato ma kadit bur Makedonia ne, yé bok ne gwat suk gato ji yewa ne ma ete syo nai ji. Ji mewa ji nggwa subere ji yo ndek sukwokgan kadit nin dom nde. Ji mewa ji nggwa kadit ji ndek suk mo nin, bere ji ben suk sane petok sor.

2 Korintus 11:7

Ji gwat sukdu subot os ndo gato Yesus Kristus kak ne ba wa ji duno nin su sa, ji yo kiwa nin syo suk yo nai ji mo ji bi kamba mo nde, wokgan yo dom nde. Ji misyar ji dakai ete ji bes nin gum kok wai kadit ji, ete mone nin nut do, ji yo ndek suk mo nin nde anato ibit, sane nin misyar ji ete nin bes yé bok gane gum-i kok wai kadit ji gum-i, bado?

2 Korintus 10:10

Ye deyo ki do, ”Paulus krom bi surat-i ne, an kem ko yo, an bi surat ne bi sukdu-i nggi yé re, krat yé re, wo an dakai kaim si men more yo, an bi sukdu-i yo nggi nde, an bi sukdu-i yo pet mo men mit wokgan yo dom nde.”

2 Korintus 10:1

Ji dakai, gato gum do Paulus, ji kiwa nin jammo suk gato ji ki ré et. Ji jam do, yé bok yo ki ji gum ibit. Yé bok ne ki do, ji si nin mone yo, ji ki ji bi sukdu-i nai nin sisu ji nyu sor, wo ji kem os syu kadit nin yo, yé bok ne ki do, ji krom ji bi sukdu-i nai nin ne krat yé. Kristus bi sukjimnut-i ndo wa men, An ben An bi suk-i ne njep su men,

Matius 13:52

Sane Yefun Yesus ki nai án do, ”Sane yeguru agama mwa ne sino gato gum sok mo Yefun Allah bi rus-i ne anato jam Musa bi sukduno-i si sukduno be gato Ji gwat ma ne, ete yeguru duno nje su, tepsu yenggras mo nu dik yo gwat sukrok si sukbe kadit an bi gudang ma nden.”