Filipi 3:8 - Abun Scripture

⁸ Sane dom, suk mwa gato mo bur ré sino yo ós ji yo mo nde. Suk gato ndo wai o re anato ji jam Yesus Kristus, ji bi Yekwesu, kom mo mit, tepsu ji bi yesyim it. Yesus Kristus anato ndo wai o re. Sane suk mwa gato ji ben suga nyim neya, gato ji onyar kem mone, suk mwa ne ji bare wé re. Suk mwa ne ji nut do, tepsu sukkwik sor re, subere ji ku os wa ji sok mo Yesus Kristus bi rus-i,

Filipi 3:8 Referans Kwoze

Roma 8:18

Ji dakai nut do, men kem mo bur ré, men ku sukye, sarewo sukye gato men ku ré yo sye teker eta nde, wo su kam sari ne ma men ku suk gato ndo mwa wai kadit sukye gato men ku mo bur ré o re. Sukye gato men ku mo bur ré wokgan yi, wo bere sukndo gato men ku mo gu mwa wai kadit ne o re.

Suk Gato Yerasul Ben Ne 20:24

Sarewo ji yo bi sukjimnut subot ji dakai teker eta nde, wo ji nut mo suk gato Yefun Yesus syogat ji ben anato sye. Ji werwa ji ben suk gato men bi Yekwesu Yesus Kristus syogat ji ben ne, ji werwa ji ben wa pe sane sor, dakai or su. Yesus Kristus syogat ji mu ki sukdu subot os ndo gato Yesus Kristus kak wa men yetu nai nje jam. Kapre men yetu yo ben suk yo nyim wa An nde, Yefun Allah dakai bi sukjimnut sye kas subot men anato An fro os ndo wa men yi sor.

Filipi 3:7

Suk gato ji ben nyim ne, ete ji onyar kem mone, sugane ji nut do, suk mwa ne ós ji sok mo Yefun bi rus-i, wo su ré ji bare suk mwa ne wé it. Ji nut do, suk mwa ne yo ós ji yo mo nde. Wo kadit Yesus Kristus sor anato ji ku os wa ji sok mo Yefun Allah bi rus-i.

Yohanes 17:3

Án jam Nan, Yefun Allah ka dik gato sangge, ye yo nggi tepsu Nan mo nde. Án jam Ji, gato Nan bi Gan, Yesus Kristus gato Nan syogat ma more anato án kem gesyos.

Filipi 3:10

Kwa dik yo gato ji iwa wai o re anare, ji iwa ji jam Yesus Kristus kom mo mit. Sane dom, ji iwa ji jam Yefun Allah bi suktinggi gato An sun Yesus Kristus kadit sukkwop su ne, ji iwa ji jam suktinggi ne kom mo ji mit dom. Ji iwa yé ben sukye nai ji dom, tepsu yé ben sukye nai Yesus Kristus sane sor kom mo yé gu An kwop. Ji iwa yé ben sukye nai ji kom mo yé gu ji kwop mo gato ji ben Yesus Kristus bi suk-i,

2 Petrus 1:3

Yefun Allah dakai ben sukndo su men. Yefun ben An bi suk-i ndo wai o re anato An nai men tepsu An bi pá-i subere men jam An kom mo mit. Men jam An kom mo mit sane anato An ben men nggi su An dakai bi suktinggi, subere men ku suktinggi wa men kem not mo bur ré. Men ku suktinggi wa men ben Yefun bi suk-i mo suk mwa ne sino sor.

1 Korintus 2:2

we ji sisu nin kem mone sa, ji nai sukjimnut dik sor sare do, ji ki sukdu subot Yesus Kristus sor re, ji ki sukdu subot tomgato yé mban An mo kwesukwin ne, ji yo ki subot suk yi neya nde.

1 Yohanes 5:20

Men jam o do, Yefun Allah bi Gan ma mo bur ré re, An ós men, An kak men bi sukjimnut, subere men jam Yefun Allah gato sangge ne. Men si Yefun Allah gato sangge ne tepsu dik. Men si An bi Gan Yesus Kristus ne tepsu dik it. An sor anato Yefun gato sangge re. An sor anato ós men kem ndo to kapyo mato kapyo re.

Yohanes 17:8

Sukdu gato Nan ki nai Ji, Ji waii ki nai án jam re, án iwa sukdu ne. Án jam do, sangge Ji anato ma kadit Nan, Ji bi Ai. Án jam do, sangge, Nan anato syogat Ji ma mo bur ré re.

Yohanes 14:20

Su kam gato nin kem gesyos ne it yo, bere nin jam do, Ji si Ji bi Ai tepsu dik. Sane dom bere nin jam do, nin si Ji tepsu dik sino.

Ibrani 3:14

Tepsu men onyar kem pe mo Yefun Yesus su ketke ne, men waii werwa men onyar kem pe mo Yefun sane sor kom mo pe gato or mó. Sane bere men sino si Yesus Kristus tepsu dik mo suk mwa gato An ben ne.

2 Korintus 4:6

Yefun Allah ki bi sukdu-i do, ”Nyot rer ku pe gato ndendu ne et,” sane Yefun Allah anato tepsu rer gato ku men mit re, anato men tepsu An bi pakwerut. Rer ne ku men mit, ete kak men bi sukjimnut subere men jam Yefun Allah bi suktinggi gato bor mo Yesus Kristus sugato An gwat os be ne ma.

Yohanes 14:7

Nin do jam Ji su sangge it yo, bere nin jam Ji bi Ai dom. Saneyo, nin jam Ji bi Ai it anare. Nin me An it anare.”

Efesus 4:13

sane sor, men sino onyar kem pe mo An, ete men jam Yefun Allah bi Gan sisu ndo, subere men sino tepsu dik it. Sane dom, bere An bi suktinggi gato An syo nai men ós men, ete ben men bi sukjimnut kak mo Yefun bi suk-i ne mwa wai o re. Or o bere men ben men bi suk-i tepsu Yesus Kristus dakai.

2 Petrus 3:18

Men bi Yekwesu Yesus Kristus gato nai men kadit sukye ete jowa men yetu ne, An ben sukndo su men yetu dakai yi. Sane nin dom ben nin bi suk-i ne ndo mwa wai o kadit nyim ne sor. Nin jam Yesus Kristus sisu ndo o et. Men bes An gum kok su ré sor to kapyo mato kapyo. Sangge.

1 Yohanes 1:3

Suk gato men me si men jam ne, sukdu ne anato men waii ki nai nin jam subere nin si men tepsu yedik mo Yefun bi de-i. Men ki nai nin jam subere nin si men si men bi Ai, Yefun Allah sisu An bi Gan, Yesus Kristus sino tepsu dik.

2 Timotius 4:6

Nan sa, nan duno nje, wo ji dakai, yo nam nde ge, bere ye gu ji kwop wé tepsu ye gu suge wa som Yefun su ne. Karowa ji mu kadit bur ré it anare.

Yohanes 20:28

Tomas ki nai Yefun Yesus do, ”Nan anato Ji bi Yekwesu, Nan anato Yefun gato jom Ji it.”

Yohanes 16:3

Yé ne ben suk ne nai nin, we án yo jam Ji bi Ai nde. Án jam Ji dom nde.

1 Yohanes 2:19

Suga nyim ye gato sok mo yeko ne, án sisu men, orge án mu kadit men re. Ye gare da si men, sarewo án yo mit dik su men nde. Sato án mit dik su men yo, bere án yo mu kadit men nde, sarewo án mu kadit men, ete mone men jam do, án yo mit dik su men mo nde.

1 Petrus 2:7

Nin yé gato onyar kem pe mo jok ne yo, bere jok ne ndo wai wa nin. Wo ye gato yo onyar kem mo jok ne nde yo, Yefun Allah bi sukdu ki nai ye ne do, ”Jok gato ye nggo nu su ne, ketke yé bariwa, yé nut do, jok ne ibit re, wo ri ma sa, yé nai jok ne tepsu jok gato ndo wai wa yé nggo nu su ne o re.”

Galatia 1:16

An kadum An bi Gan nai ji, subere ji ki sukdu subot os ndo gato An bi Gan kak ne nai yewis yi neya jam. Sugane ji yo mu meret ye yi yo o wa duno ji nde.

2 Korintus 4:4

Yé gato jam nde Yefun yo, bere án yo but sukdu ne ri nde, we biris bi yekwesu gato bes nggwa kok ete werwa jom yetu mo bur ré ne rai yé ne bi sukjimnut-i ne krat mo ndendu bi suk-i re. Sukdu subot os ndo gato Yesus Kristus kak wa men yetu ne bi suktinggi bor mo bur ré tepsu sukru sye wa men, Kristus kadum Yefun Allah rer wa men jam, sarewo biris bi yekwesu ben suk yawa yé gato jam nde Yefun ne anato yé ne yo jambot sukdu ne nde.

1 Korintus 9:10

mo men yerasul, e? An ki bi sukdu ne wa men dom re, we ye gato ben nggwe si ye gato mewa nggwe ne sane sor sugit ne kri yo, án ben suk mone, án sino nut do, sangge, bere án ku napyo.

Yohanes 20:13

Malaikat ge we ndo mo Maria do, ”Nggon, nan wo wa suma ne?” Maria ki nai malaikat we do, ”Ye yo nai ji bi Yekwesu wé re. Ji jam nde pe gato yé grem An mukri mone.”

Lukas 11:20

Ji syun semda su Beelzebul bi suktinggi nde, wo Yefun Allah anato ben Ji nggiwa Ji syun semda, sane anato nin jam do, Yefun Allah bi suktinggi tepsu Yekwesu gato nggi wai bor it anare. Yefun Allah ma jowa yetu mo bur ré it.

Lukas 1:43

Bere nan kem su Pa gato gum Yekwesu wa men, sane suma ben anato nan ma ku ji ré ne? Ji gum tepsu pa wokgan sor re.

Roma 8:39

suk mwa gato nggi mo gu nim ne si bur ré sino yo ku os wa yawa miten wa men si Kristus dom nde. Yefun Allah bi sukjimnut sye kas subot men pe sor anato men bi Yekwesu Yesus Kristus mewa men, sukye bok neya yo ku os wa yawa miten wa men si Kristus mo nde.

Filipi 1:1

Ji gato gum do Paulus, ji si Timotius, men ka we gato Yesus Kristus bi pakwerut anato krom surat ré wa nin. Men ka we krom sukdu ré wa nin yé gato onyar kem mo Yesus Kristus gato sum mo nu ari mo kota Filipi. Men ka we krom surat ré wa nin yé gato gum yekwesú mo nu ari si yé gato ós yekwesú mo nu ari ne sino.

Filipi 3:12

Ji dakai yo jam Yesus Kristus kom mo mit nde tó. Ji yo jam An bi suktinggi ne sisu ndo nde tó. Ji yo ben ji bi suk-i mwa ne sino tepsu Yesus Kristus iwa ne sisu ndo nde tó. Sarewo ji wergat ji nggwa subere ji ku suk gato Yesus Kristus fro wa ji ne, we ji ré, Yesus Kristus nai ji sok mo An bi rus-i it.

2 Petrus 1:2

Nin jam Yefun Allah si men bi Yekwesu Yesus Kristus kom mo mit anato Yefun Allah mewa nin tep yi sor nde, wo An mewa nin sisu ndo wai kadit ne o re. Sane dom, Yefun Allah ete uttok nin mo suk mwa ne sino petok sor.

2 Petrus 1:8

Men ben men bi suk-i sane et. Men ben men bi suk-i sane mwa o yo, bere men jam men bi Yekwesu Yesus Kristus sisu ndo, ete bere suk mwa gato men ben ne kas sisu ndo, orete men nggiwa men ós ye yi dom.