Filipi 3:6 - Abun Scripture

⁶ Ji mit iwa ji simo sukduno mwa ne sino, sane ji ben sukye nai ye gato onyar kem mo Yefun Yesus mo bur Yudea. Suk gato Musa duno men su ne, ji benbot mwa ne or sino, kwa yo gwet mo nde.

Filipi 3:6 Referans Kwoze

Suk Gato Yerasul Ben Ne 8:3

Saulus werwa ben sukye nai ye gato sok mo Yefun Yesus bi rus-i. Saulus mubot nu, an do ku ye gato onyar kem mo Yefun Yesus it yo, an ben sukye nai yebris si nggon ne sino, an gwat mu sok mo penjara.

Matius 5:20

Sane Ji ki sare do, nin yo ben suk gato ndo tepsu Yefun mit mwa wai kadit ye Farisi si yeguru agama nde yo, bere nin yo ku os wa nin gum sok mo Yefun Allah bi rus-i nde.”

1 Timotius 1:13

wo suga nyim tuya ji kiket Yesus Kristus gum ibit, ji ben sukye, ji ben sukot nai An bi nje-i, ji kabor An ket kwayo-kwayo. Ji da ben sukibit mwa ne, sarewo An ben sukndo su ji, An dakai jimnotku ji sor, we tomgato ji ben ji bi suk-i ibit ne, ji jam nde suk, ji yo onyar kem mo An nde tó, anato ji ben sukdaret sane.

Filipi 3:9

subere ji si Kristus tepsu dik it. Ji sok mo Yefun Allah bi rus-i kadit suk mwa gato ji dakai ben tepsu Musa bi sukduno-i nde, wo ji onyar kem mo Yesus Kristus anato Yefun nai ji gum sok mo An bi rus-i ne it. Men onyar kem mo Yesus Kristus sor re, anato Yefun Allah nut do, men sa, men tep wa An nai men sok mo An bi rus-i it.

1 Korintus 15:9

Ji ré yerasul gato gum wok teker mu bur. Ji ré yo tep wa ku gum yerasul nde, we suga nyim, ji ben sukye nai ye gato onyar kem mo Yefun.

Roma 7:9

Suga nyim, ji jam nde ye Yahudi bi sukduno-i yo, ji kem mo bur ré, ji dakai ben ji bi suk-i sor. Sarewo sukduno ne bor sa, sukduno ne tik ji bi sukjimnut anato ji ben sukibit mwa kas kadit ne it, orete ben sato ji kwop mone or re.

Suk Gato Yerasul Ben Ne 26:5

Nam it, án jam ji. Nan ndobot án, án imo yo, bere án ki rer do, ji anato sok mo ye Farisi. Men ye Farisi anato ye Yahudi bi yetu ge bu dik yo gato simo Musa bi sukduno sisu men mit dik si men onyar dik, men brek kadit wokgan yo dom nde. Men jom sukduno ne krat wai kadit yé bu yi neya.

Suk Gato Yerasul Ben Ne 21:20

Yakobus si yekwesu mwa ne jam sukdu ne sa, án un Yefun Allah. Orge án ki nai Paulus do, ”Men bi nji, nan jam do ye Yahudi ribu bok yo onyar kem mo Yefun Yesus it. Án sino werwa benbot Musa bi sukduno ne petok sor.

Lukas 1:6

Zakaria si bi nggon ne, an we ben sukndo tepsu Yefun Allah mit. An we benbot Yefun Allah bi sukduno mwa ne sino sor, kwa dik yo gwet dom nde.

Matius 23:25

Nin yeguru agama, bere nin ku sukye. Nin ye Farisi, bere nin ku sukye. Nin ki suk su nin syokwet sor re. Nin mus gelas si mbem mo de nden kwo sor re, wo mo mit ne dum ndo nde, tepsu nin ben nin nggwa ndo mo nden sor re, wo nin mit tara re. Nin mit ne dum su suk sato, nin gro sye wa nin ku suk mwa, nin dakai nut subot nin dakai sor re, nin yo nutbot ye yi nde.

Suk Gato Yerasul Ben Ne 22:5

Sukye gato ji ben nai ye gato simo os be ne, yekwesu mo Yefun Allah bi nu gato gum kok wai, yenggras ne jam re, bere an ki rer wa nin jam re. Sane dom ye Yahudi bi yepasye e, yekwesu e ne gato sum sino wa kibot sukdu, yé mwa ne sino jam re, bere án ki re. Ji gwat surat gato án krom wa ye Yahudi bi yepasye mo kota Damsyik. Tomga nyim ji gwat surat ne mu mo Damsyik, subere yepasye mone ós ji but ye gato onyar kem mo Yefun Yesus, subere ji kar ma mo Yerusalem wa yé ben sukye nai.”

1 Korintus 10:32

Nin ben nin bi suk-i mo bur ré yo, nin mewa nin nggwa subere nin ben ye yi ges mo os ibit nde. Nin ben suk sane su ye mwa ne sino, ye Yahudi e, yewis yi, si ye gato sok mo Yefun Allah bi rus-i ne sino.

Filipi 2:15

Sane bere nin tepsu Yefun Allah bi pa-i, bere nin ben nin bi suk-i ndo petok sor, kwa gato ibit yo mo nde. Sane bere ye yo ku os wa ki nin gum ibit mo suk gato nin ben ne mo nde. Nin do ben suk tepsu Yefun mit sane it yo, nin tepsu sukru gato rer ku nje mo bur ré. Yé mo bur ré mise, án ben sukibit bu.