Filipi 3:20 - Abun Scripture

²⁰ Wo men ré yo tepsu án nde. Men gum sok mo Yefun Allah bi rus-i mo gu it. Su ré men eswa men bi Yekwesu satu ma mo bur ré kadit gu ne. Men bi Yekwesu anato Yesus Kristus gato kak os wa men kem ndo to kapyo mato kapyo mo Yefun Allah bi nat-i.

Filipi 3:20 Referans Kwoze

Efesus 2:19

Sane su ré, nin yo tepsu yewis yi o nde. Nin tepsu yedamok o nde. Sane su ré, nin si men ye Yahudi sino sok mo Yefun Allah bi rus-i. Nin anato sok mo Yefun Allah bi rus-i it.

2 Korintus 4:18

Sane men bi sukjimnut sye mo sukye gato men ku mo bur ré nde, wo men bi sukjimnut sye mo suk gato bere men ku mo gu, gato men yo me su men gro nde tó, we suk gato men me su men gro ne, bergan sor eteyo or wé kadit men o re, wo suk gato men yo me su men gro nde tó, bere kem to kapyo mato kapyo.

Ibrani 12:22

Nin yo ku sukye tepsu ye Israel ku ne nde, wo ben sato nin mu kom mo banbo Sion it, nin mu kom mo Yefun Allah gato gesyos ne bi kota re. Kota ne anato tepsu Yerusalem be gato Yefun fro mo gu nim. Mone malaikat mwa yé ndo nde sum, malaikat mwa ne wi, malaikat ambre mo sukndo gato Yefun Allah ben ne. Ben sato nin mu kom mo pe gato malaikat mwa kem mone re.

Kolose 1:5

Nin jam sukdu subot os ndo gato Yesus Kristus kak ne, sukdu ne sangge, Yefun Allah fro suk gato ndo wa bere nin ku mo gu. Nin bi sukjimnut kem pe mo sukdu ne, sane anato nin onyar kem pe mo Kristus ete nin bi sukjimnut sye kas subot Yefun Allah bi rus-i ne.

Efesus 2:6

Yefun Allah ben sato sun men mbau satu tepsu An sun Kristus. An bes men gum subere men si Yesus Kristus mo gu tepsu dik wa jom suk mwa ne sino.

2 Korintus 5:8

Sane men bi sukjimnut kem pe mo suk gato Yefun fro wa men ne. Men iwa men sombok kadit men da kridek ré, ete men si Yefun sino kem mo nat gato An fro wa men ne.

2 Timotius 4:8

Ré yo, Yefun Allah fro suk gato bere An syo nai ji mo suk gato ji ben ne, Yefun fro ndek. Bere kam gato bur ré kru re, men bi Yekwesu Yefun Yesus ma ndobot men yetu mo bur ré. Bere Yefun ndobot men sisu ri-roi sor. Bere Yefun syo suk gato An fro ne nai ji mo suk gato ji ben tepsu An mit re. Bere An syo suk gato An fro ne nai ji wadigan sor nde, wo An syo nai ye gato eswa Yefun Yesus satu ma mo bur ré su án mit iwa wai ne dom.

1 Tesalonika 1:10

Yé mwa ne nuk o do, nin eswa Yefun Allah bi Gan, Yesus Kristus, satu ma mo bur ré kadit gu. Yesus Kristus ne, Yefun Allah sun An kadit sukkwop re. Yefun Yesus ne nai men wé kadit sukmaskwa gato bere ma kadit Yefun Allah mo sukibit gato men yetu ben ne.

Ibrani 9:28

Sane dom, Kristus bi nggwa kwop wam dik wa men yetu mwa ne tepsu suktot wa tot sukibit gato men ben or wé re. Or o, bere Kristus ma wam kedowe o. An ma o yo, An kwop wa tot men bi sukibit ne o nde, wo bere An ma wa nai men yé gato eswa An ma ne, ete An gwat men mu sok mo An bi nat-i.

Galatia 4:26

Wo Abraham dakai bi nggon Sara anato tepsu Yerusalem mo gu. Mone men gum pakwerut wa suk yo mo nde. Mom ne anato tepsu men bi im. {Sara tepsu men bi im sane anato men yo tepsu pakwerut wa ye Yahudi bi sukduno-i nde, wo men dakai simo os be gato Yesus Kristus gwat ma ne.} Men si Sara tepsu pakwerut nde,

Titus 2:13

men eswa Kam gato Yesus Kristus satu ma mo bur ré. Men kwabom kam mo Kristus do, bere An ma sor, sane men eswa. Su kam gato An ma su ne yo, bere yetu mo bur ré sokme Yefun kaim rer-rik su bi suktinggi ndo yé re. Yesus Kristus gato bere ma ne, An anato tepsu Yefun Allah gato gum sye kok wai o re. Yesus Kristus anato men bi Yekwesu gato kak os wa men kem ndo to kapyo mato kapyo.

1 Korintus 1:7

Sane Yefun Allah syo suktinggi ne mwa nai nin, nin yo yewa suktinggi yo mo nde. Nin eswa men bi Yekwesu Yesus Kristus, satu ma mo bur ré. Nin eswa Kristus ma saresa, nin yo yewa suktinggi yo mo nde.

Suk Gato Yerasul Ben Ne 1:11

Ye we ne ndo do, ”Nin, ye Galilea, nin ti nin sok mu nim mo gu ré wa suma ne? Yefun Yesus gato Yefun Allah kar it mu mo gu kadit nin, bere kapyo tak Yefun Allah bi An is satu ma mo bur ré tepsu nin me Yefun Allah kar An it mu re.”

Matius 19:21

Yefun Yesus ki nai pa ne do, ”Nan iwa nan ben suk mwa ne ndo sino yo, nan mu nan so nan bi suk mwa gato nan ku ne, orete suk mwa ne bi sugum nan syo nai ye gato yo ku suk yo mo nde, sane bere nan ku suk mwa mo gu. Nan syo sugum ne nai ye gato yewa suk, orete nan ma simo Ji et.”

1 Tesalonika 4:16

Bere malaikat bi yekwesu dik yo saiye nggi, ete yé jam Yefun Allah bi trompet ba, subere yé jam do, Yefun Yesus ma it anane. Orete Yefun Yesus dakai is ma kadit gu. Yefun Yesus is ma, ete ye gato onyar kem mo Kristus gato kwop nyim ne yo, Yefun sun yé mwa ne, ete yé mwa ne it mu nyim mo gu.

Lukas 14:14

Nan do kendo ye ga sane ma it yo, bere Yefun Allah ben sukndo su nan. Ye gato nan kendo ma ne, yé ne bi os wa án ben sukndo satu yo mo nde. Wo Yefun Allah sa, bere ben sukndo satu nai nan. Su kam gato Yefun sun yé gato ben sukndo tepsu An mit ne mbau satu kadit sukkwop, su kam gane Yefun Allah ben sukndo su nan.”

Wahyu 1:7

Sare, bere Yesus Kristus is kadit gu sisu nyotem ne ma. Yetu mwa ne sino bere me An dakai ma ne. Yé bok gato syer An bere ku An kaim ne dom. Sugane bere yé mwa ne sino mo bur ré iwedewe nderku nggwa mo An ndo nde. Digane it. Sangge.

Filipi 1:10

subere nin jam suk mwa gato ndo wai wa nin ben ne, orete nin ben suk gato ndo ne bu sor. Ji ndek mo Yefun subere ye yo ku os wa ki nin gum ibit mo suk yo mo nde kom mo kam gato Yesus Kristus satu ma mo bur ré re.

Lukas 12:21

Sane Yefun Yesus ki do, ”Ye gato sum suk mwa mo bur ré wa an dakai, wo an yo ben Yefun Allah bi suk-i nde, bere Yefun Allah waii ki do, ye ne jimgon dom.”

1 Korintus 15:48

Yé mwa gato kem mo bur ré kaim budat tepsu Adam doketke kaim-i gato Yefun Allah ut kadit bur ré, wo men yé gato sok mo Kristus bi rus-i ne kaim bere tepsu Adam kedowe kaim-i ne, bere men kaim gesyos re.

Filipi 1:27

Yé sombok ji yo, ji kem more tó yo, nin ben nin bi suk-i tepsu sukdu subot os ndo gato Yesus Kristus kak ne sor. Nin ben suk tepsu sukdu gato ji duno nin su ne. Ji iwa nin ben nin bi suk-i sane subere ji ba ku nin yo, ji yo ba ku nde yo, ji jam sukdu subot nin do, nin tepsu dik wa nin jom Yefun bi sukdu-i pe sor. Nin mit dik si nin onyar dik wa nin duwer ye gato bariwa sukdu subot os ndo ne. Nin onyar kem mo sukdu ne pe sor.