Filipi 3:19 - Abun Scripture

¹⁹ Kom mo rut, bere Yefun Allah ben án ibit re, we án bi sukjimnut sye mo án kaim budat ré sor re. Án jam nde án damen mo sukibit gato án ben ne, ete án nut do, suk ne ndo wai, we án bi sukjimnut kem pe mo sukibit gato yetu ben mo bur ré sor re.

Filipi 3:19 Referans Kwoze

Roma 16:18

Ye gato wat nin kadit yu e, ki bi sukduno-i siri kadit sukduno gato yeguru ki ne yo, ye ne yo ben suk wa men bi Yekwesu Yesus Kristus nde, wo án ben suk wa ben án dakai mit at mo koirut sor re. Án ki án bi suk-i ndo yé re, án bidek nai yé gato jam nde, subere án kidar yé ne.

2 Petrus 2:3

Yeguru ne gro sye wa án ku suk mwa wa án dakai. Sane án kidar nin su sukdu gato án dakai fro subere nin syo suk nai án. Sarewo nam it, Yefun Allah gato bere ndobot án fro wa syo sukye nai án. Yefun Allah fro wa bare án mo bot gesyos, Yefun Allah es ndek mo os koirut wa án re.

Kolose 3:2

Nin bi sukjimnut kem pe mo Yefun bi suk-i mo gu nim ne sor, nin bi sukjimnut kem mo bur ré bi suk-i o nde,

2 Petrus 2:1

Suga nyim tuya yenabi gato kidar Yefun Allah bi yetuge-i mó re. Sane, yeguru gato kidar suk bere bor mo nin bi nat-i ne dom. Yeguru gane iwa ki bi sukduno-i gato yo sangge nde. Yeguru bi sukduno-i ne napyo sye sangge wa tik yé mit, sarewo án bok sukduno siri fros Yefun bi sukduno-i gato sangge mone. Men jammo yeguru bi sukduno-i ne yo, bere sukduno ne ben men dakai ibit mo koirut. Men bi Yekwesu Yesus Kristus tot suktot wa men re, An nai men wé kadit sukibit subere sukibit yo jom men o nde, sarewo yeguru ne rewa Yefun Yesus. Yeguru bariket An o re. Yeguru kidar nje ket kwayo-kwayo, sane bergan sor re án dakai ben án dakai ibit mone re.

2 Korintus 11:15

Sane biris bi yekwesu bi pakwerut-i do ben nggwa tepsu Yefun Allah bi pakwerut-i gato ben suk tepsu Yefun mit it yo, men yeket dom nde. Biris owa ben nggwa sane mó re. Kom mo rut sa, ye gato ben nggwa kidar nje ne, bere án ku sukye tepsu sukibit gato án ben ne.

2 Korintus 11:12

Sane su kam sari ne ma ji yo ndek suk mo nin dom nde, sane sor, subere yé bok gato dakai bes án dakai gum yerasul ne yo ku os nde. Án dakai un án dakai mo suk gato án ben tepsu men, sarewo án yo nggiwa án ben suk tepsu ji ben ne nde, án ndek suk mo nin wa án dakai, wo ji yo ben sane nde.

2 Petrus 2:13

Án ben sukye nai yé mwa, sane bere Yefun Allah waii ben sukye nai án dom. Án bi sukjimnut do, ndo sa, án kem mo bur ré wa án ben suk mwa ket án í sor, ete án iwa ben suk sane bor wa yé mwa jam. Án ma kem njepbot nin e, git sugit sino su nin yo, bere án ben nin gum ibit, we án ben sukibit ket án í sor.

Galatia 6:13

Ye Yahudi ge bok yo gato simo sukduno subot sunat ne, án da benbot sunat bi sukdu-i, sarewo án yo benbot ye Yahudi bi sukduno-i nap neya sino dom nde. Sane dom, án iwa ye bisunat nin subere án ki án bi sukdu-i kok wai kadit ye yi. Án iwa nin simo án bi sukdu-i sor.

Wahyu 21:8

Sarewo ye gato ben an bi suk-i siri kadit Ji mit, bere Ji am mo bot gesyos. Ye gato bere Ji am mo bot gesyos anato ye gato ben bi suk-i sato ré: ye gato rewa Ji e, ye gato bariket Ji e, ye gato som sukdaret ete ben sukibit su e, ye gato gu ye yi kwop daret e, yebris si nggon gato ben siri su yu daret e, ye gato kwa syua e, kro ri, frum suk e ne, ye gato som sukdaret e, yé mwa ne sino gato kidar suk e ne. Yé mwa ne sino gato ben bi suk-i ibit sane yo, bere Ji am ngga mo bot sye gato tepsu em ete ru sye basmi kwik su belerang. Bot sye ne anato tepsu sukkwop kedowe.”

1 Korintus 3:3

we nin ben nin bi suk-i tepsu yetu mo bur ré ben bi suk-i tó. Nin ben sukndi e, nin maskwa ket yu mo suk gato nin deyo ku e ne, sane anato men jam do, nin ben suk tepsu ye gato jam nde Yefun tó. Nin jammo sukjimnut gato tik nin mit wa ben sukibit ne tó.

Wahyu 22:15

Sarewo yé gato yo ku os wa sok mo kota ne nde anato yé gato bariket Yefun. Yé ne ben bi suk-i sato ré: án kwa syua e, kro ri, frum suk e ne e, án ben siri su yu daret e, án gu ye yi kwop daret e, án som sukdaret e, án mit iwa kidar nje ket kwayo-kwayo e ne. Yé mwa gato ben bi suk-i sane, yo ku os wa sok mo kota ne nde.

Yudas 1:16

Yé gato ben sukibit ré, án iwa kibot suk gato ibit bu, án duwer yé yi daret, án ki suk gato ndo mo nde, án ki kom mo sukibit gato yé yi ben ne petok sor. Án ben sukibit ket án í sor. Án ki án bi sukdu-i, án dakai bes án nggwa kok. Án ki án bi sukdu-i, án bes ye yi gum kok subere meret os wa án ku suk kadit ye ne sor.

2 Timotius 3:4

Án iwa ben suk tepsu yeketut, án ben bi suk-i daret, án yo nutbot nde, án bes nggwa kok wai o re, án iwa ben án bi suk-i ket án í ne sor wai kadit án iwa jammo Yefun Allah bi sukduno-i.

1 Timotius 6:5

Sane yé gato bi sukjimnut ibit maskwa yu petok sor. Yé ne jam nde Yefun Allah bi sukduno gato sangge ne ware. Án nut do, án ben Yefun bi suk-i subere án ku suk mwa mone.

2 Tesalonika 2:12

Sane ye gato iwa ben sukibit ete bariwa jammo suk gato sangge ne, bere Yefun Allah syo sukye nai án sino mo bot gesyos o re.

Filipi 2:21

Sarewo yé mwa gato kem more meret suk wa án dakai sor re, án yo nutbot Yesus Kristus bi suk-i nde.

1 Korintus 5:6

Nin nut do, nin ben sukndo, sarewo nin mit at teker mo suk ne nde, wo nin jammo sukdu gato yé ki sare do, ”Bibit roti wokgan ta ben tepung mwa ne it sye or re.”

1 Korintus 5:2

Nin mit at teker nde, wo sa ndo sa, nin kwabom dek, ete nin syun pa gato ben suk sane mu nden wé kadit nu ari sor.

Wahyu 19:20

Yefun but suge doketke ne si suge kedowe gato ye kendo do yenabi gato ben kidar nje. Yenabi ne kadum bi suktinggi, an ben suk gato ben nje yeket mo suge doketke ne gwem. (Yenabi ne ben suk gato ben nje yeket, an ben kidar yé mwa gato suge doketke syogat ye syat ja wa ne. Yenabi ne ben kidar yé mwa gato som suk gato ye ut ka sa suge doketke ne.) Suge doketke ne sisu yenabi gato kidar nje ne, an we ne mbau tó, ete Yefun am an we mu ngga mo bot sye gato tepsu em, gato ru sye basmi kwik su belerang.

Yakobus 4:16

Sarewo su ré nin dakai bes nin nggwa kok. Nin fro nin bi os-i mo nin dakai, orete nin mit at mo ye yi gwem subot suk ne. Suk mwa gato nin ben sane, bere siri re.

2 Tesalonika 2:8

ete bere yetu gato Mise ne bor it anane. Sane men bi Yekwesu Yefun Yesus satu ma mo bur ré yo, bere Yefun gu yetu gato Mise ne. Yefun Yesus ki bi sukdu-i pet mo yetu gato Mise ne sor re, bere yetu gato Mise ne kwop it anane. Yefun Yesus satu ma, An tepsu yepasye gato gum kok sye wai it yo, bere An ben ye Mise ne ibit o re.

Lukas 18:4

Kam bok yo, ete yepasye ne bariwa ós nggonna ne. Sarewo kom mo rut sa, yepasye ne nut mo an dakai do, ’Ji yo nyuwa Yefun Allah nde, ji yo nutbot ye yi dom nde,

Lukas 16:19

Yepasye ge dik yo, an ye gato bi suk mwa yé re. Yepasye ne kem ndo, an it san gato ndo. Kamdik-kamdik, an git sugit gato ndo yé re, suk mwa ne ndo sino.

Lukas 12:19

Yekaya dakai du mo an dakai do, ’Bere ji kem ndo it. Ji ku suk mwa yé re. Tahun bok yo o ete sugit ré yo or nde. Sane ji kem not it are. Ji yo ben suk o nde. Ji git, ji kamo, ji sem sor re.’

Matius 25:41

Sane o, bere Ji ki nai yé gato tak Ji de syim jam ne do, ’Nin mu kadit Ji. Yefun Allah dufo mo nin it. Nin mu ngga mo bot gesyos gato Yefun Allah fro wa biris bi yekwesu si bi rus-i ne et.

Matius 16:23

Yefun Yesus brek ete ki nai Petrus do, ”Nan ki sukdu yawa os wa Ji nde, biris bi yekwesu bi sukjimnut-i kone! Nan bi sukjimnut-i ne ben sukye wa os wa Ji. Nan gwat sukjimnut ne mu ko kadit Ji se! Nan bi sukjimnut-i yo ma kadit Yefun Allah nde, wo nan bi sukjimnut-i ma kadit yetu sor re.”

Wahyu 18:7

Nin ben sukye nai án sor án dipa, ete án wo án nderku án dakai, nin ben sukye mwa nai án tepsu suk mwa gato án dakai nai wa án dakai, ete án bes án nggwa kok su ne. Yé mo kota ne dakai nut mo án dakai tepsu nggon pasye sare do, ’Ji ré sa, tepsu nggon pasye. Ji nggonna nde. Bere ji yo nderku nggwa wokgan yo dom nde.’

Yudas 1:4

we, su ré ji jam do, yetu ge bok yo gato misyar Yefun Allah da ma fros men mo nu ari re, sarewo men jam nde án si men mone. Yefun Allah bi sukdu-i subot os ndo gato An fro wa men ne, yé ne brek sukdu ne tara kadit bi sukjimnut gato sangge ne or re, subere án ku os wa án dakai ben siri su nggon ket án í sor. Án bariket men bi Yekwesu ka dik ne sor. Án misyar Yesus Kristus gato gum kok sye wai o re. Sane kam sari ne ma án ku sukye tepsu ye krombot mo Yefun Allah bi sukdu suga nyim tuya re.

Roma 6:21

Sugane nin ku suk gato ndo mo sukibit gato nin ben ne sato suma ne? Suk yo mo nde, wo sukibit mwa ne ben nin damen, orete kom mo rut, gwat nin mu mo bot gesyos sor.

2 Tesalonika 1:9

Yé gane bere ku sukye to kapyo mato kapyo sor. Bere Yefun Yesus syun yé mwa ne kadit Yefun bi nat-i re. Yé mwa ne yo karowa men bi Yekwesu gato gum kok sye wai ne bi suktinggi o nde.

Yudas 1:10

Wo yé gato misyar Yefun ré, án jam nde Yefun bi suk-i, sane án kabor nje daret subot Yefun bi suk-i mwa neya. Án ben bi suk-i tepsu suge krok, án yo nutbot suk gato án ben ne nde, wo án ben sukdaret tepsu sukjimnut gato kem mo án, orete ri ma án dakai ben án dakai ibit mo suk gato án ben ne.