Filipi 3:17 - Abun Scripture

¹⁷ Ji bi nji, ji bi nyanggon, nin me suk gato ji ben ne, ete nin sino waii benbot et. Men kadum os gato ndo nai nin mó re. Sane ye gato sibot os ne, nin watbot suk gato ye ne ben, ete nin waii simo os ne dom.

Filipi 3:17 Referans Kwoze

Filipi 4:9

Sukduno gato ji duno nin su ne si suk mwa gato nin me ji ben ne, nin benbot suk mwa ne or sino et. Nin do benbot it yo, Yefun Allah gato ós men bi sukjimnut ne not, bere Yefun Allah ne sisu nin petok sor.

1 Korintus 4:16

Sane ji kiwa nin ben nin bi suk-i tepsu os gato ji kadum wa nin ne sor.

1 Petrus 5:3

Nin mewa án yo, nin bes nin nggwa kok tepsu nin gum yepasye gato jom án nde, wo nin ben nin bi suk-i ndo subere nin kadum os ndo wa án benbot et.

2 Tesalonika 3:9

Men da bi os wa men ndek suk mo nin, {we men duno nin su Yefun bi sukduno-i.} Sarewo men yo ndek suk kadit nin nde, wo men dakai ben suk subere men ku suk gato men yewa ne, subere men kadum os gato ndo wa nin waii benbot.

Ibrani 13:7

Men napawa men bi yekwesu bok yo gato ki Yefun Allah bi sukdu nai men jam. Suk gato men bi yekwesu ben mo bur ré sor kom mo kam gato án kwop su ne, men nutbot sisu ndo et. Men nutbot suk mwa gato án ben ne, án tepsu ye gato onyar kem mo Yefun. Án nut do, suk gato Yefun Allah ki ne sangge anato án jammo Yefun Allah. Sane men waii benbot suk gato án ben ne dom et.

1 Timotius 4:12

Ye ki mo nan do, nan pa wokgan kamekre sor re yo, nan jambot sukdu sane nde, wo nan wergat nan dakai wa nan kadum os gato ndo wa ye gato onyar kem mo Yefun ne sibot sor. Nan ki nan bi sukdu-i ne sisu ndo. Nan ben nan bi suk-i ne ndo. Nan bi sukjimnut sye kas subot ye yi neya. Nan onyar kem mo Yesus Kristus. Nan bare sukibit gato ben nan ibit ne wé kadit nan, nan onyar kwo sor. Nan ben suk mwa sane, subere nan kadum os ndo wa yé mwa gato nan duno ne.

2 Tesalonika 3:7

Nin dakai jam do, nin ben suk nin konembot suk gato men ben ne ete ndo. Men si nin kem mone sa, men yo bambrai wa men ben suk nde.

1 Korintus 10:32

Nin ben nin bi suk-i mo bur ré yo, nin mewa nin nggwa subere nin ben ye yi ges mo os ibit nde. Nin ben suk sane su ye mwa ne sino, ye Yahudi e, yewis yi, si ye gato sok mo Yefun Allah bi rus-i ne sino.

2 Tesalonika 3:14

Nin mewa nin nggwa kadit nje gato bariwa jammo men bi sukduno mo surat ré, nin mu karowa án dom nde, subere án damen.

1 Tesalonika 1:6

Nin me suk gato men ben ne, ete nin waii benbot re. Sane dom nin benbot suk gato men bi Yekwesu Yefun Yesus ben ne. Kapre nin ku sukye ndo nde, nin grem Yefun Allah bi sukdu ne kem pe mo nin mit si nin onyar, nin iwa sor. Yefun Allah Gen ben nin mit iwa An bi sukdu ne.

Roma 16:17

Ji bi nji, ji bi nyanggon, nin mewa nin nggwa kadit ye gato ma wa wat nin ko kadit yu et. Nin mewa nin nggwa kadit ye gato ben nin bi sukjimnut waiyu mo sukduno gato ye ne kibot siri kadit sukduno gato yeguru duno nin suga nyim ne. Nin mu karowa ye ga sane nde.

1 Korintus 11:1

Nin benbot suk gato ji ben ne tepsu ji benbot suk gato Yesus Kristus ben ne.