Filipi 3:15 - Abun Scripture

¹⁵ Sane yo, men sino gato bi sukjimnut kak tepsu yenggras mo Kristus bi suk-i it yo, men misyar suk mwa gato men ben suga nyim ne wé, ete men wergat men nggwa nggi o et, subere men sino ku suk gato Yesus Kristus fro wa men ne. Men sino bi sukjimnut dik mone et. Sarewo nin deyo bi sukjimnut-i tara mo kwa dik yo it yo, bere Yefun Allah dakai sor ete ki sukdu ne rer nai nin.

Filipi 3:15 Referans Kwoze

Yohanes 7:17

Ye gato iwa ben suk tepsu Yefun Allah mit ne yo, bere ye ne jam rer do, sukduno ne ma kadit Ji dakai, ondeyo sukduno ne ma kadit Yefun Allah, bere ye ne jam.

Galatia 5:10

Yé da ma wa brek nin kadit os gato sangge, sarewo ji kwabom kam mo nin do, bere nin sino nai sukjimnut tara kadit men ré nde, we men sino sok mo Kristus bi rus-i it. Wo ye to ma ben nin bi sukjimnut waiyu mo Yefun bi os-i yo, bere Yefun Allah syo sukye nai ye ne.

1 Korintus 2:6

Men da ki men bi sukdu-i tepsu ye gato bi sukjimnut gato ko nai ye gato onyar kem mo Yefun nam it ne dom. Sarewo men ki men bi sukdu-i tepsu ye gato jam suk mwa mo bur ré nde, men ki men bi sukdu-i tepsu yepasye gato jowa bur ré dom nde, yepasye ne kom mo rut bi suktinggi kom mo pe yo nde.

Kolose 4:12

Epafras ki ndo mo nin. An ré, nin dakai bi ye-i. An ré tepsu Yesus Kristus bi pakwerut. An ki suk su Yefun sisu an mit dik si an onyar dik sisu sangge wa nin petok sor. An ndek mo Yefun Allah wa nin subere nin bi sukjimnut kem pe mo Yefun, tepsu yenggras gato bi sukjimnut kak, subere nin bi sukjimnut brek wokgan kadit Yefun Allah dom nde, ete nin benbot suk mwa ne sino gato Yefun iwa ne.

1 Korintus 14:20

Ji bi nji, ji bi nyanggon, nin nutbot suk tepsu pa wokgan nde. Mo suk gato ibit sa, nin bi sukjimnut tepsu pabom anato ndo, sarewo mo suk gato ndo yo, nin bi sukjimnut kak tepsu yenggras et.

Matius 5:48

Sane nin werwa nin ben sukndo su yetu mwa ne sino, saga nin bi Ai mo gu nim ne ben et.”

Ibrani 5:14

Sarewo ye gato jam Yefun bi sukdu kom mo mit, an bi sukjimnut kak tepsu yenggras. Yenggras sor ete git sugit gato krat. Ye gato ka yenggras, án sa, án jam Yefun bi sukdu gato kru ne nam it, tepsu án git sugit gato krat ne nam it. Sane yenggras jam suk gato ndo si suk gato ibit ne kom mo mit re, yenggras o mó it.

Kolose 1:28

Sane men kibot Yesus Kristus nai yé mwa ne sino jam. Men ki suknapa wa nje e, men duno nje e, men ki men bi sukdu-i ne, men nutbot sisu ndo, orete men kibot. Men ki men bi sukdu-i sane subere men kar yetu kadik-kadik ma mo Yefun Allah tepsu ye gato onyar kem pe mo Kristus, subere án sino tepsu yenggras gato bi sukjimnut kak mo Kristus bi suk-i.

Roma 15:1

Ye gato bi sukjimnut yo nggi mo Yefun bi sukduno-i nde tó, an do ben bi suk-i siri kadit Yefun bi os-i it yo, men yé gato jom Yefun Allah bi sukduno-i krat ne, men ben men bi suk-i ne njep su an sor. Men misyar suk gato men dakai iwa men ben ne,

Lukas 11:13

Kapre nin anato ye gato ben nin bi suk-i ibit ne, nin jam nin syo suk gato ndo nai nin bi pa. Sane bere, nin ndek suk mo nin bi Ai mo gu yo, bere nin bi Ai syo suk gato ndo wai kadit ne o re. Ye to ndek Yefun Allah wa Yefun Allah syo An Gen, bere An syo re.”

1 Yohanes 2:5

Ye gato benbot Yefun Allah bi sukduno-i ne yo, ye ne bi sukjimnut sye kas subot Yefun Allah sisu sangge it. Men ben suk sane anato men jam do, men si Yefun Allah tepsu dik it.

2 Timotius 3:17

Sane Yefun bi sukdu kadum os nai ye gato ben Yefun Allah bi suk-i, subere ye ne jam sukdu subot os ne or sino, kwa dik yo gwet mo nde, subere an nggiwa ben suk mwa gato ndo ne sino.

Yohanes 6:45

Yenabi krom mo Yefun bi sukdu do, ’Bere Yefun Allah duno yé mwa ne sino.’ Yé mwa ne sino gato jam sukduno kadit Ji bi Ai ete benbot, bere ye ne ma mo Ji.

Efesus 1:17

Ji ndek mo men bi Yekwesu Yesus Kristus bi Ai, Yefun Allah gato kem kok ne, subere An Gen bok nggwa mo nin, subere nin bi sukjimnut kak ko, ete An Gen kadum Yefun Allah rer nai nin, subere nin jam An sisu ndo o et.

1 Tesalonika 4:9

Nin bi sukjimnut sye kas subot ye gato onyar kem mo Yefun ne, sane men yo mitwa men krom subot sukduno ne wa nin jam o nde. Yefun Allah dakai duno nin mó re, sane anato nin bi sukjimnut sye kas subot yu sisu ndo it.