Filipi 3:13 - Abun Scripture

¹³ Ji bi nji, ji bi nyanggon gato onyar kem mo Yesus Kristus, suk gato Yesus Kristus fro wa ji ne, ji nut mo ji mit do ji yo ku suk ne nde tó. Sarewo suk dik yo gato ji ben anare, ji misyar suk mwa gato ji ben suga nyim ne wé, ete ji wergat ji nggwa wa ji ku suk gato Yesus Kristus fro wa ji ne.

Filipi 3:13 Referans Kwoze

Lukas 9:62

Yefun Yesus ki nai an do, ”Ye to simo Ji, ete an brek mu ben an bi suk-i kadit it yo, bere ye ne yo tep wa sok mo Yefun Allah bi rus-i nde, ye ne yo tep wa an ben Yefun Allah bi suk-i nde re.”

Filipi 3:12

Ji dakai yo jam Yesus Kristus kom mo mit nde tó. Ji yo jam An bi suktinggi ne sisu ndo nde tó. Ji yo ben ji bi suk-i mwa ne sino tepsu Yesus Kristus iwa ne sisu ndo nde tó. Sarewo ji wergat ji nggwa subere ji ku suk gato Yesus Kristus fro wa ji ne, we ji ré, Yesus Kristus nai ji sok mo An bi rus-i it.

Filipi 3:8

Sane dom, suk mwa gato mo bur ré sino yo ós ji yo mo nde. Suk gato ndo wai o re anato ji jam Yesus Kristus, ji bi Yekwesu, kom mo mit, tepsu ji bi yesyim it. Yesus Kristus anato ndo wai o re. Sane suk mwa gato ji ben suga nyim neya, gato ji onyar kem mone, suk mwa ne ji bare wé re. Suk mwa ne ji nut do, tepsu sukkwik sor re, subere ji ku os wa ji sok mo Yesus Kristus bi rus-i,

Ibrani 6:1

Sane it yo, men yo krom sukdu subot Yesus Kristus mo i-ke ne o nde yei. Sukdu gato ndaf mo i-ke ne tep wa ye gato jam Yefun sim, tepsu pabom da sus rom sim, wo ré ne, men ki subot sukdu gato kru o et. Men krombot sukdu kru gato tep wa yenggras mo Yefun Allah bi sukdu-i ne et. Men krombot sukdu gato ndaf mo i-ke ne o nde yei, sukdu bok gato mo i-ke, men kibot mó re, sato ré do, men kwet kadit sukibit gato men ben ne, ete men ben suk tepsu ye gato onyar kem mo Yefun Allah ne sor.

Filipi 2:12

Sane yo, nin, ji bi yesyim gato ji jimnotku, nin benbot ji bi sukduno gato ji ki ré et. Yefun Allah anato nai nin sok mo An bi rus-i wé kadit bot gesyos it, sane nin ben nin bi suk-i tepsu yé gato jammo An et. Suga ji kem su nin tó yo, nin benbot ji bi sukdu petok sor. Sarewo su ré ji yo kem su nin nde, sane nin jammo ji bi sukduno pe, tepsu ji kem si nin tó. Mo suk mwa gato nin ben ne, nin jammo Yefun Allah sor, nin bi nin nggwa mo An, nin ben suk tepsu An mit,

Lukas 10:42

wo suk dik sor anato ndo wa men yetu ben ne. Maria ré nai sukjimnut wa mom ben suk gato ndo ne, mom syaretwa Ji bi sukdu-i ne, kadit mom fro suk mwa neya, sane Ji duyawa mom mone nde.”

2 Petrus 3:8

Sarewo ji bi nji ji bi nyanggon, nin napawa sukdu gato ji krom ré et, Yefun Allah bi sukjimnut do, kam dik yo, kam dik ne tepsu tahun ribu dik sor re. Sane dom, Yefun Allah bi sukjimnut do, tahun ribu dik yo, tahun ribu dik ne tepsu kam dik sor re.

2 Korintus 5:16

Sane men nut subot yetu su yetu bi sukjimnut-i ne o nde. Tomgato nyim neya men da nutbot Kristus tepsu yetu nutbot An do, An yetu sor re, wo su ré men nutbot An su yetu dakai bi sukjimnut-i ne o nde.