Filipi 3:12 - Abun Scripture

¹² Ji dakai yo jam Yesus Kristus kom mo mit nde tó. Ji yo jam An bi suktinggi ne sisu ndo nde tó. Ji yo ben ji bi suk-i mwa ne sino tepsu Yesus Kristus iwa ne sisu ndo nde tó. Sarewo ji wergat ji nggwa subere ji ku suk gato Yesus Kristus fro wa ji ne, we ji ré, Yesus Kristus nai ji sok mo An bi rus-i it.

Filipi 3:12 Referans Kwoze

2 Korintus 7:1

Ji bi nji, ji bi nyanggon gato ji jimnotku, Yefun Allah tom su men mo sukdu ne do, An nai men sok mo An bi rus-i, ete An tepsu men bi Ai. Sane it yo, men werwa men sombok sukibit mwa ne sino or wé kadit men et. Sukibit mwa gato Yefun Allah bariwa men ben ne yo, sukibit gato yé mwa me men ben ne si sukibit gato men gurik ne, men bi sukjimnut ibit dom ne, men wergat men nggwa subere men ben sukibit ne o nde. Men bi sukjimnut sye mo Yefun si suk gato Yefun tom su men, sane yo, men werwa men bi men nggwa mo Yefun, subere men dakai ben An bi suk-i ne ri-roi petok sor, kwa yo gwet mo nde.

Ibrani 13:21

Yefun Allah ós men kem ndo ete fro men su sukndo mwa gato men mitmo ne subere men nggiwa ben suk tepsu An mit. Yesus Kristus kak os wa men it, sane Yefun Allah ete ben suk mo men mit tepsu pe gato An imo ne. Men bes Kristus gum kok sane sor to kapyo mato kapyo. Sangge.

Efesus 1:4

Yefun Allah yo ut bur ré nde tó, An bi sukjimnut wa An nai men tepsu An bi rus-i. Yefun bi sukjimnut nyim wé sare do, An fro men dor subere men ben suk gato ndo sor. Men ben kwa gato ibit yo mo nde, wo men ben suk tepsu An mit sor. Yefun Allah bi sukjimnut sye kas subot men

Filipi 3:16

Wo nin jammo suk gato ji ki ré et, sukduno gato men benbot kom more it yo, men benbot petok sor.

2 Petrus 3:18

Men bi Yekwesu Yesus Kristus gato nai men kadit sukye ete jowa men yetu ne, An ben sukndo su men yetu dakai yi. Sane nin dom ben nin bi suk-i ne ndo mwa wai o kadit nyim ne sor. Nin jam Yesus Kristus sisu ndo o et. Men bes An gum kok su ré sor to kapyo mato kapyo. Sangge.

Yakobus 3:2

Men sino ben sukibit ket kwayo-kwayo mó, wo ye gato mewa an syokwet, ete ki sukdu gato ibit mo nde yo, ye ne ben suk mwa ne ndo sino, an ye gato mewa an nggwa sisu ndo.

Ibrani 12:14

Sane dom nin werwa nin si yé mwa ne sino kem ndo su yu sor. Nin werwa nin ben nin bi suk-i ndo petok sor, nin ben suk yo gato ibit mo nde. Nin yo werwa ben nin bi suk-i ndo petok sane nde yo, bere nin yo ku Yefun nde.

Galatia 5:17

Bere men yo benbot sukjimnut ibit ne o nde, we suk gato yetu iwa ben ne siri kadit suk gato Yefun Allah Gen iwa men ben ne. Sane dom, suk gato Yefun Allah Gen iwa men ben ne siri kadit suk gato men yetu dakai iwa men ben ne. Yefun Allah Gen bi sukjimnut-i duwer yetu bi sukjimnut-i gato tik men mit wa men ben sukibit. Sane men yo benbot suk gato men dakai iwa men ben ne nde.

1 Petrus 5:10

Nin ku sukye mone bergan sor re, orete yo, Yefun Allah dakai nai nin wé kadit sukye subere nin kem ndo kadit sukye gato nin ku ne o re. Yefun Allah ben An bi suk-i ndo su men dakai yi sor, sane bere Yefun ben nin onyar kem mo An nggi wai o. Bere Yefun ben nin bi sukjimnut kem mo An nggi wai o. Bere Yefun ben nin bi sukjimnut yo kas ram kadit An o nde, wo kem pe mo An sor. Nin tepsu Kristus bi yetuge-i ne anato Yefun Allah fro nin subere nin ku suk gato ndo wai mo Yefun bi nat-i to kapyo mato kapyo.

2 Tesalonika 2:13

Men bi nji, men bi nyanggon gato Yefun Yesus jimnotku, Yefun Allah fro nin su ketke subere nin kem ndo to kapyo mato kapyo mo Yefun Allah bi nat-i. Sane men ki ndo mo Yefun noru nombrak sor. Yefun Allah Gen kak nin bi sukjimnut anato nin jambot Yefun Allah bi sukdu gato sangge. Yefun Allah Gen kak nin bi sukjimnut anato nin brek kadit os ibit, ete nin tepsu Yefun Allah bi rus-i gato ben Yefun bi suk-i petok sor. Sane anato nin kem ndo to kapyo mato kapyo it anare.

Efesus 4:12

Yesus Kristus syo suktinggi ré nai men, subere ós men fro Yefun bi rus-i wa ben An bi suk-i mo bur ré, subere Kristus bi rus-i bi sukjimnut kem mo Yefun nggi wai o,

2 Korintus 13:9

Men yo nggi nde, wo nin do nggi yo, men mit iwa mone. Men ki suk su Yefun Allah wa nin subere nin ben suk gato ibit saga nyim ne o nde, wo men ki suk su Yefun subere nin ben nin bi suk-i mwa ne ndo sino sor, kwa yo gwet mo nde.

1 Korintus 13:10

Sarewo kam yo tak, bere Yefun Allah ben men jam suk mwa ne sino kom mo mit, kwa yo gwet mo nde. Sane su kam ne sukdu gato men duno yu su ne men yo mitmo o nde.

1 Tesalonika 5:15

Nin mewa nje mone subere yetu ge dik yo ben sukibit ma nai nin it yo, nin waii ben sukibit satu mu nai ye ne nde. Wo nin wergat nin nggwa subere nin ben sukndo su yu si yé mwa ne sino et.

1 Timotius 6:19

Sane ye gato ku suk mwa, ete án do syo suk mwa ne napyo nai nje it yo, tepsu án sum suk mwa mo gu wa kam sari ne ma it anane. Sane bere án kem ndo sisu sangge to kapyo mato kapyo.

Suk Gato Yerasul Ben Ne 9:15

Sarewo Yefun Yesus ki nai Ananias do, ”Nan mu sor! Ji bes an wa an mu ki subot suk gato Ji ben ne nai ye Israel si yewis yi si bi yekwesu-i.

1 Timotius 5:10

Nggonna ne yé mwa jam do, mom ben bi suk-i ndo sato ré, mom kon mom bi pa sisu ndo e; yé yo ma mo mom bi nu yo, mom iwa, mom syo sugit nai e; mom ben suk tepsu pakwerut wa ós ye gato onyar kem mo Yefun Yesus e; mom ós ye gato ku sukye e; mom ben suk mwa gato ndo petok su mom mit dik mom onyar dik sor e ne.

Ibrani 12:23

Ben sato nin mu kom mone, nin si yé mwa gato onyar kem mo Yefun Yesus sum sino, nin si yé mwa ne sino mit at wa. Yefun Allah nai yé mwa ne tepsu An bi pá doketke. Pa doketke ne ku an bi Ai bi sukrok si suk mwa ne sino. Sane Yefun Allah nai nin si yé mwa ne sok mo An bi rus-i. Yefun krom án gum mo gu re. Mone nin ku Yefun Allah gato ndobot men yetu sino. Mone nin ku yé mwa gato ben bi suk-i ri-roi tepsu Yefun mit ne dom. Yé mwa ne kwop suga nyim, orete Yefun Allah ben án ndo wai o re, kwa dik yo gato gwet yo mo nde.

Matius 5:48

Sane nin werwa nin ben sukndo su yetu mwa ne sino, saga nin bi Ai mo gu nim ne ben et.”

Roma 8:39

suk mwa gato nggi mo gu nim ne si bur ré sino yo ku os wa yawa miten wa men si Kristus dom nde. Yefun Allah bi sukjimnut sye kas subot men pe sor anato men bi Yekwesu Yesus Kristus mewa men, sukye bok neya yo ku os wa yawa miten wa men si Kristus mo nde.

1 Korintus 9:24

Men sino jam do, yé mwa do kas bitanding yu it yo, ye gato kas nggi wai kadit ye yi neya sor ete juara dik, bere ye ne ku hadiah mone. Sane men wergat men nggwa wa men ben suk tepsu Yefun Allah mit, tepsu ye gato kas ne wergat nggwa wa kas nggi subere an ku suk.

1 Korintus 13:12

Sane dom Yefun bi suk-i gato men jam su ré anato tepsu men me men gen mo cermin gato yo ndo nde, sane men me men gen yo rer teker nde, wo kapyo tak bere men jam Yefun bi suk-i ne rer mone tó. Su ré men jam suk ne napyo sor re, wo kapyo tak, bere men jam suk mwa ne sino rer kom mo mit kai, tepsu Yefun Allah jam suk mwa ne sino subot ji dakai.

Filipi 1:1

Ji gato gum do Paulus, ji si Timotius, men ka we gato Yesus Kristus bi pakwerut anato krom surat ré wa nin. Men ka we krom sukdu ré wa nin yé gato onyar kem mo Yesus Kristus gato sum mo nu ari mo kota Filipi. Men ka we krom surat ré wa nin yé gato gum yekwesú mo nu ari si yé gato ós yekwesú mo nu ari ne sino.

Filipi 3:3

Men ré anato yé gato simo sunat gato sangge, wo án yo simo sunat gato sangge nde re. {Men yo onyar kem mo suk gato án ben sato sunat nde. Ye Israel gato simo sunat, án nut do, án sok mo Yefun Allah bi rus-i it anane. Sarewo sunat ne ye ben mo men kaim de nden ne sor re.} Wo men sa, Yefun Allah Gen bok nggwa mo men anato men bes Yefun Allah gum kok. Men si Yesus Kristus tepsu dik ete men un An, sane men sok mo Yefun Allah bi rus-i mone it, tepsu ye bisunat men sisu sangge anane. Men yo onyar kem mo sunat gato yetu ben mo men kaim de nden ne nde.

Filipi 3:8

Sane dom, suk mwa gato mo bur ré sino yo ós ji yo mo nde. Suk gato ndo wai o re anato ji jam Yesus Kristus, ji bi Yekwesu, kom mo mit, tepsu ji bi yesyim it. Yesus Kristus anato ndo wai o re. Sane suk mwa gato ji ben suga nyim neya, gato ji onyar kem mone, suk mwa ne ji bare wé re. Suk mwa ne ji nut do, tepsu sukkwik sor re, subere ji ku os wa ji sok mo Yesus Kristus bi rus-i,