Filipi 3:10 - Abun Scripture

¹⁰ Kwa dik yo gato ji iwa wai o re anare, ji iwa ji jam Yesus Kristus kom mo mit. Sane dom, ji iwa ji jam Yefun Allah bi suktinggi gato An sun Yesus Kristus kadit sukkwop su ne, ji iwa ji jam suktinggi ne kom mo ji mit dom. Ji iwa yé ben sukye nai ji dom, tepsu yé ben sukye nai Yesus Kristus sane sor kom mo yé gu An kwop. Ji iwa yé ben sukye nai ji kom mo yé gu ji kwop mo gato ji ben Yesus Kristus bi suk-i,

Filipi 3:10 Referans Kwoze

Galatia 2:20

Ben sato ji si Yesus Kristus kwop sino mo kwesukwin it. Sane ji dakai anato kem ré nde, wo Yesus Kristus anato kem mo ji mit. Ji onyar kem mo Yefun Allah bi Gan gato bi sukjimnut sye kas subot ji ete bi An nggwa kwop wa ji anato ji nggiwa ji kem mo bur ré re.

Roma 8:17

Men tepsu Yefun Allah bi pa it yo, bere men ku Yefun Allah bi sukrok gato An fro wa syo nai An bi pa-i. Men si Kristus sino bere ku suk gato Yefun Allah fro wa men, we men ku sukye tepsu Yesus Kristus ku ne. Sane yo, bere men ku suk gato ndo wai ne tepsu Kristus ku suk gato ndo wai mone dom.

Filipi 3:8

Sane dom, suk mwa gato mo bur ré sino yo ós ji yo mo nde. Suk gato ndo wai o re anato ji jam Yesus Kristus, ji bi Yekwesu, kom mo mit, tepsu ji bi yesyim it. Yesus Kristus anato ndo wai o re. Sane suk mwa gato ji ben suga nyim neya, gato ji onyar kem mone, suk mwa ne ji bare wé re. Suk mwa ne ji nut do, tepsu sukkwik sor re, subere ji ku os wa ji sok mo Yesus Kristus bi rus-i,

1 Yohanes 2:3

Men benbot Yefun Allah bi sukduno-i ne yo, bere men jam mone do, men jam Yefun Allah sisu ndo mone, men si Yefun Allah tepsu dik.

Kolose 3:1

Yefun Allah sun Kristus kadit sukkwop, sane dom, ben sato nin si Kristus sun mone sino. Sane nin bi sukjimnut sye mo suk gato ndo mo gu nim ne sor. Mone Kristus kem tak Yefun Allah de syim ge. An si Yefun Allah jom suk mwa ne sino.

Kolose 1:24

Su ré ji mit at mo sukye gato ji ku wa nin, we sukye gato Kristus ku ne anato ji waii ku nap ta ré. Kristus ku sukye nap sye wa bi rus-i or re. Or o ji waii ku sukye ne napta wa yé mwa gato onyar kem mo Kristus, yé mwa ne tepsu Kristus kaim.

2 Korintus 1:5

Men ku sukye tepsu Kristus ku ne wam bok yo mó re. Sane Yesus Kristus mewa men kadit sukye mwa gato men ku ne dom.

1 Petrus 1:3

Men bes Yefun Allah, men bi Yekwesu Yesus Kristus bi Ai ne gum kok et. Yefun Allah dakai jimnotku men sye wai o re, sane anato An sun Yesus Kristus kadit sukkwop, ete An fro os mone wa men subere men kem ndo tepsu yetu gato be o re. Sane men kwabom kam mo An do,

2 Korintus 13:4

Ye mban Kristus mo kwesukwin sa, An kaim yo nggi nde, sarewo su ré, Yefun Allah bi suktinggi bor mo Kristus anato Kristus mbau satu anare. Sane dom, men yé gato si Kristus tepsu dik, men kem mo bur ré, men kaim yo nggi nde dom, wo Yefun Allah bi suktinggi bor mo men anato ben men nggiwa men ben Kristus bi suk-i su nin mo bur ré tó.

1 Yohanes 2:5

Ye gato benbot Yefun Allah bi sukduno-i ne yo, ye ne bi sukjimnut sye kas subot Yefun Allah sisu sangge it. Men ben suk sane anato men jam do, men si Yefun Allah tepsu dik it.

Yohanes 17:3

Án jam Nan, Yefun Allah ka dik gato sangge, ye yo nggi tepsu Nan mo nde. Án jam Ji, gato Nan bi Gan, Yesus Kristus gato Nan syogat ma more anato án kem gesyos.

Roma 8:29

Yefun ben An bi suk-i ndo su men, we men tepsu yé gato Yefun Allah jam suga nyim tuya do, bere men onyar kem mo An ne, sane Yefun Allah fro men subere An nai men tepsu An bi rus-i suga nyim ne it. An fro men subere men ben men bi suk-i ne tepsu An bi Pa, Yesus Kristus. Sane bere Yesus Kristus tepsu pa doketke mo Yefun Allah bi pá mwa ne sino.

Wahyu 1:18

Ji anato Ye gato kem gesyos. Ji kwop, sarewo ré ne Ji mbau to kapyo mato kapyo. Ji anato nggiwa Ji sun nje kadit sukkwop. Ji anato nggiwa Ji sun nje kadit Yefun Allah bi gwinggri syo mo bur desnak ne mbau satu.

Kolose 2:13

Suga nyim nin yo onyar kem mo Kristus nde tó, nin ben sukibit ket nin í petok sor. Sukjimnut gato tik nin mit wa nin ben sukibit bu ne, Kristus yo kum toko wé nde tó, ben sato nin kwop mo sukibit ne. Wo su ré, ben sato Yefun Allah sun nin kadit sukkwop, tepsu An sun Kristus ne. Sane Yefun Allah yo maskwa nin mo sukibit mwa gato nin ben ne o nde, An yo nutbot o nde.

Efesus 4:13

sane sor, men sino onyar kem pe mo An, ete men jam Yefun Allah bi Gan sisu ndo, subere men sino tepsu dik it. Sane dom, bere An bi suktinggi gato An syo nai men ós men, ete ben men bi sukjimnut kak mo Yefun bi suk-i ne mwa wai o re. Or o bere men ben men bi suk-i tepsu Yesus Kristus dakai.

2 Korintus 1:10

Yefun Allah mewa men kadit yé gato werwa gu men kwop mó re. Sane dom, su kam sari ne ma, bere Yefun waii mewa men kadit yé gato werwa gu men kwop mone o tó. Men kwabom kam mo Yefun sare do, bere An mewa men kadit sukye mwa ne sor.

Yohanes 10:18

Ye yi yo gu Ji ret nde, Ji dakai iwa Ji bi Ji nggwa wa ye gu Ji kwop, bere ye gu Ji sor. Ji dakai nggiwa Ji bi Ji nggwa, ete Ji nai Ji nggwa mbau satu tepsu suk gato Ji bi Ai syogat Ji ben ne.”

Matius 20:23

Yefun Yesus ki nai pa we ne do, ”Sangge, bere nin ka we ku sukye tepsu Ji, sarewo Ji yo bi os wa Ji syo nat yo wa nin ka we kem mone nde, wo Yefun Allah sor ete fro ye gato bere kem tak Ji de syim ge si ye gato kem tak Ji de syim jam ne.”

Roma 8:36

tepsu ye krom mo Yefun Allah bi sukdu do, ”Men tepsu Nan bi rus-i, sane noru nombrak men ku sukye ndo nde, bergan men kwop rok. Yé nut mo men do, men tepsu domba gato bergan yé gu kwop wé sor.”

Galatia 6:17

Ji bi sukdu kwa yo wari sare do, ji ben Yesus Kristus bi suk-i, ji ku sukye anato ji wip no mwa mo ji kaim ré, sane ji bariwa yé ben sukye nai ji o.

2 Petrus 1:13

Sane ji kem mo bur ré tó yo, ji nut do, ndo sa, ji wergat nin, ji ki suknapa subere nin nutbot sukdu gato nin jam ne mwa o et.