Filipi 2:9 - Abun Scripture

⁹ Sane anato Yefun Allah bes Yesus Kristus it mo pe gato kok wai kadit suk mwa mo bur ré sino o re. Yefun Allah bes Yesus Kristus gum kok sye wai kadit yé mwa ne sino o re.

Filipi 2:9 Referans Kwoze

Wahyu 19:16

Mo An bi san gato kewa An gwes muk ne, ye krom An gum sare do, ”Yeraja ré gum kok wai kadit yeraja mwa neya o re. Yekwesu ré gum kok wai o kadit yekwesu mwa neya o re.”

Matius 28:18

Orete Yefun Yesus ma karowa pakon ne, ete An ki do, ”Yefun Allah bes ji gum tepsu Yekwesu mo gu nim si bur ré sino.

1 Petrus 3:22

Yesus Kristus sun ete it mu mo gu re. Motu An kem tak Yefun Allah de syim ge, An si Yefun Allah jom suk mwa neya o re. An nggi wai kadit malaikat mwa ne sino e, yerom e, aboksye si suk mwa gato i-mok nggi mone sino o re.

Ibrani 2:9

Sarewo men me do, Yefun Yesus sa, jom suk mwa ne sino it. Yefun Allah is Yefun Yesus gum-i ga wokgan mo bur kadit malaikat gum-i ne bergan sor re, subere Yefun Allah bi sukjimnut sye dakai kas subot men yetu anato An syogat Yefun Yesus ma ku sukye ete kwop wa men yetu sino. Sane su ré Yefun Allah bes An gum kok tepsu Yekwesu, ete yé mwa un Yefun Yesus or re.

Wahyu 5:12

Malaikat mwa ne ba sukbadek, án ba sye sare do, ”Domba ga ye gu ne e, Domba ga kwop ne e, Nan sa, Nan gum kok ne o, gum sye ne o. Men un An gum a we, Men bes An gum a we, Domba ne tep wa ku suktinggi mwa ne o, tep wa suk mwa ne sino o. Men un An gum a we, Men bes An gum a we, Domba ne tep wa ku suktinggi mwa ne o, tep wa dakai rer kom mo mit ne o. Men un An gum a we, Men bes An gum a we, Domba ne tep wa ye bes An gum kok ne o, tep wa ye un An gum petok ne o.”

Ibrani 1:4

Sane Yefun Allah bes An bi Gan gum-i kok wai kadit malaikat mwa ne gum-i sino re. Yefun Allah bes An bi Gan gum-i, sane anato An bi Gan gum-i kok sye wai kadit malaikat gum-i o re,

Ibrani 12:2

Men ben men bi suk-i yo, men bi sukjimnut kas ri mu kem pe mo Yefun Yesus et, we Yefun Yesus anato kak os wa men onyar kem mo Yefun Allah. Yefun Yesus anato ós men onyar kem pe mo Yefun sane sane sor kom mo pe gato or mó. Yefun Yesus ku sukye mo kwesukwin, sarewo Yefun Yesus simo sor, An yo damen wa kwop mo kwesukwin ne nde. An misyar, we An kok mo kwesukwin sa, An nutbot sukye gato An ku mone nde, wo An nutbot do, kam sari ne ma, bere An mit at ndo nde mo os gato An kak wa men yetu ne o re. Su ré An kem tak Yefun Allah de syim ge, mone An si Yefun jom suk mwa ne sino.

Yohanes 17:5

Ji bi Ai, Nan yo ut bur ré nde tó, Ji si Nan, ete Nan bes Ji gum kok mone re. Sane su ré, Nan bes Ji gum kok sye wai satu o et.

Wahyu 3:21

Yé gato nggi wai kadit bur ré bi suk-i yo, bere Ji bes án gum kok. Bere án gum kok tep wa án si Ji tepsu yekwesu. Bere Ji ki nai yé ne do, ”Nin ma, nin sisu Ji kem kok mo Ji bi nat ré, men anato gum Yekwesu sino.” Ji anato nggi wai kadit bur ré bi suk-i, anato Ji si Ji bi Ai kem kok mo An bi nat-i re.

Lukas 10:22

”Ji bi Ai mo gu syo suk mwa ne sino gato Ji mitmo nai Ji subere Ji tepsu Yekwesu mo Yefun Allah bi rus-i. Yefun Allah sor anato jam An bi Gan to Ji ré, yetu jam nde. Ji dakai sor anato jam Yefun Allah, Ji bi Ai, kom mo mit, yetu jam nde. Sarewo ye gato Ji iwa Ji kadum Ji bi Ai nai ne, bere ye ne jam Ji bi Ai dom.”

Wahyu 11:15

Malaikat kedomufit fuf bi trompet-i ba o sa, ji jam ye ki sukdu sye mo gu sare do, ”Su ré sa, Yefun Allah gato jom men si Kristus gato Yefun Allah syogat ma wa kak os ndo wa yetu sok mo Yefun bi rus-i ne, ré ne Yefun Allah si Kristus jom bur ré it. Kadit kam ré sa, Yefun Allah si Kristus dakai jom yetu mo bur ré to kapyo mato kapyo it.”

Wahyu 1:5

Yesus Kristus gato jam Yefun Allah sisu ndo, An ki bi sukdu-i subot Yefun Allah ri-roi petok sor. Yesus Kristus anato ye doketke gato Yefun Allah sun kadit sukkwop. Yesus Kristus anato jowa yeraja mwa ne sino mo bur ré. Yesus Kristus ete mewa nin. Yesus Kristus ete uttok nin petok sor. Yesus Kristus anato bi sukjimnut sye kas subot men ndo nde petok sor. Yesus Kristus anato kwop, An dé sye wa tot men bi suktot mo sukibit gato men ben ne wé.

2 Petrus 1:17

Su kam gato men bi Ai, Yefun Allah un Yesus Kristus ete bes An gum kok wai o re, men tiwa nden dom. Men jam Yefun Allah gato gum kok wai ne, ki sukdu kadit gu nai Yesus Kristus do, ”Ji bi Gan gato Ji jimnotku anare. Suk gato An ben ne Ji mit iwa.”

Kolose 1:18

Men sino gato onyar kem mo Yefun Yesus mo nu ari mwa ne anato tepsu Kristus kaim ne. Kristus anato tepsu su mo men kaim ne. Sane Kristus anato tepsu i-ke wa men yé gato onyar kem mo An re. An anato tepsu Pa doketke gato Yefun Allah sun kadit sukkwop, subere An wadigan sor ete gum kok wai kadit suk mwa neya.

Suk Gato Yerasul Ben Ne 5:31

Yefun Allah bes Yefun Yesus gum Yekwesu gato nggiwa jowa men yetu. Yefun Allah bes Yefun Yesus gum Yekwesu gato An syogat ma kak os ndo wa men yetu subere men ku os wa men kem ndo to kapyo mato kapyo. Yefun Allah bes Yefun Yesus gum Yekwesu subere men ye Israel ku os wa men kwet kadit sukibit gato men ben ne, ete men jammo Yefun, subere Yefun Allah yo maskwa men mo sukibit gato men ben ne o nde, tepsu An tot sukibit ne wé kadit men re.

Yohanes 13:3

Yefun Yesus jam do, An bi Ai syo suk mwa ne sino nai An wa An jom. Sane dom, Yefun Yesus jam do, An ma kadit Yefun Allah, ete bere An satu mu mo Yefun Allah o.

Matius 11:27

Orete Yefun Yesus ki do, ”Ji bi Ai mo gu syo suk mwa ne sino gato Ji mitmo nai Ji subere Ji tepsu Yekwesu mo Yefun Allah bi rus-i. Yefun Allah sor anato jam An bi Gan to Ji ré, yetu jam nde. Ji dakai sor anato jam Yefun Allah, Ji bi Ai, kom mo mit, yetu jam nde. Sarewo ye gato Ji iwa Ji kadum Ji bi Ai nai ne, bere ye ne jam Ji bi Ai dom.

Yohanes 17:11

Ji ma mo Nan it anare, Ji yo kem mo bur ré o nde, sarewo án ye gato Nan syo nai Ji ne kem mo bur ré tó. Ji bi Ai, gato gum kok tara wai kadit yetu, Nan bes Ji gum-i kok tepsu Nan gum-i gato bi suktinggi ne mó. Sane Nan yawa án kadit sukibit su Nan bi suktinggi ne et, subere án sino tepsu dik, tepsu Ji si Nan tepsu dik dom.

Yohanes 17:12

Ji sisu án sa, Nan bes Ji gum-i kok tepsu Nan gum-i anato Ji yawa án kadit sukibit su Nan bi suktinggi gato Nan syo nai Ji re. Ji mewa án sane, dik yo gwet mo nde, mwa ne sino mó. Wo ge dik sor anato ges mo os ibit kadit men subere sukdu gato yé krom nyim mo Yefun bi sukdu ne bor mone it.

Efesus 1:10

Yefun Allah fro os ré, subere kom mo bi kam-i gato tepsu yo, bere Yesus Kristus wadigan gum Yekwesu wa jom suk mwa mo gu nim ne si bur ré sino.

2 Tesalonika 1:12

Men benadi sane, subere yé bes men bi Yekwesu Yefun Yesus gum kok sye wai mo suk gato nin ben wa An. Sane dom, Yefun Yesus waii bes nin gum kok mo suk gato nin ben ne, we Yefun Allah si men bi Yekwesu Yesus Kristus ben sukndo su nin.

Ibrani 1:9

Nan mit iwa yé ben sukndo tepsu Ji mit sor, Nan bariwa yé ben sukibit re, Sane anato Ji gato jom Nan ne, Ji anato bes Nan gum kok wa Nan ben Ji bi suk-i, Ji ben Nan mit at wa Nan ben Ji bi suk-i, Nan mit at wai kadit Nan bi yesyim gato si Nan mone sino o re.”

3 Yohanes 1:7

Nan ós yé gato ma ne, we án mu ben Yesus Kristus bi suk-i. Ye gato jam nde Yefun Allah ne bere yo ós án nde.