Filipi 2:8 - Abun Scripture8 An yo bes An nggwa kok nde. Sarewo An is An nggwa ga tepsu pa wokgan, An jammo An bi Ai, Yefun Allah ne sor. An benbot suk gato Yefun Allah ki nai An ben ne, An bi An nggwa wa An kwop. Yé gu An kwop mo kwesukwin, {tepsu yé gato gum ibit, sarewo An jammo An bi Ai sor.} Gade chapit la |
Filipi 2:8
26 Referans Kwoze
Men ben men bi suk-i yo, men bi sukjimnut kas ri mu kem pe mo Yefun Yesus et, we Yefun Yesus anato kak os wa men onyar kem mo Yefun Allah. Yefun Yesus anato ós men onyar kem pe mo Yefun sane sane sor kom mo pe gato or mó. Yefun Yesus ku sukye mo kwesukwin, sarewo Yefun Yesus simo sor, An yo damen wa kwop mo kwesukwin ne nde. An misyar, we An kok mo kwesukwin sa, An nutbot sukye gato An ku mone nde, wo An nutbot do, kam sari ne ma, bere An mit at ndo nde mo os gato An kak wa men yetu ne o re. Su ré An kem tak Yefun Allah de syim ge, mone An si Yefun jom suk mwa ne sino.
Sukibit mwa ne sino gato men yetu ben ne tepsu sukde gato Yesus Kristus sam wa men. Ben sato Kristus sam men bi sukde ne mo An kaim mu kom mo kwesukwin. An kwop wa men, An tot suktot mo sukibit mwa gato men ben ne or wé mone, subere men gum pakwerut wa ben sukibit o nde, wo men ben men bi suk-i ndo tepsu Yefun Allah mit sor. Yé sap Kristus wip e, yé mban An mo kwesukwin e, yé ben sukye nai Kristus ket kwayo-kwayo e ne, anato nin ku os wa nin ge kadit nin bi suki mwa ne, orete nin kem ndo mone it.
Ndo sa, men ku sukye mo sukndo gato men ben ne, we Kristus dom ku sukye mo sukndo gato An ben ne re. Kristus kwop wam dik sor, tep wa tot sukibit mwa gato men ben ne wé re. Kristus yo ben sukibit mo nde. An kwop wa men yé gato ben sukibit, subere An kak os wa men ma sok mo Yefun Allah bi rus-i. An da kridek kwop, wo Yefun Allah Gen sun An kaim gesyos satu kadit sukkwop ne o re.
Men jam do men bi Yekwesu Yesus Kristus ben An bi suk-i ne ndo dakai yi su men, men yo ben suk yo nyim wa An nde. An tepsu yepasye gato bi suk mwa. An da bi suk mwa, sarewo An ma mo bur ré sa, An bi sukjimnut sye kas subot men yetu anato An ben An nggwa tepsu ye gato yewa suk, subere An kak os ndo wa men, subere ri ma, men ku os wa men ku suk mwa mo Yefun Allah bi de-i o re.
Piblisite