Filipi 2:5 - Abun Scripture

⁵ Sane yo, nin bi sukjimnut-i tepsu Yesus Kristus bi sukjimnut-i et:

Filipi 2:5 Referans Kwoze

1 Yohanes 2:6

Ye to ki do, an sa, si Yefun Allah tepsu dik it yo, bere an ben an bi suk-i tepsu Yesus Kristus ben ne et.

Matius 11:29

Ji ben Ji bi suk-i njep, Ji yo bes Ji nggwa kok nde, sane nin bi nin nggwa mo Ji tepsu nin bi Yekwesu, nin jammo Ji bi sukduno, sane bere Ji ós nin kem not.

1 Petrus 2:21

Yefun Allah fro nin wa nin ku sukye, we Yesus Kristus dakai ku sukye wa nin mó re. Mone An kadum os wa nin, subere nin waii ben nin bi suk-i tepsu An ben ne. An da ku sukye, sarewo

1 Petrus 4:1

Yesus Kristus ku sukye mo An kaim mó re. Sane nin dom, nin nai sukjimnut tepsu An. Nin fro nin nggwa wa nin ku sukye mo nin kaim tepsu An et. Nin nai sukjimnut sane, we nin ku sukye saga Kristus ku mo An kaim ne yo, bere nin yo ben sukibit ket nin í ne o nde.

1 Korintus 10:33

Nin ben nin bi suk-i tepsu ji sor. Ji wergat ji nggwa subere ji ben suk mwa ne tepsu pe gato yé mwa ne mit iwa ne sor. Ji nutbot ji dakai nde, wo ji nutbot yé mwa ne sor, subere án brek kadit os ibit ete jammo Yefun, subere án kem ndo to kapyo mato kapyo.

Efesus 5:2

Men kem mo bur ré, men bi sukjimnut sye kas subot ye yi sor, tepsu Kristus bi sukjimnut sye kas subot men, ete An bi An nggwa wa men. An bi An nggwa tepsu suksom gato An som Yefun Allah su, ete mone An tot men bi suktot. Yefun Allah iwa suk gato Kristus ben ne, tepsu ye iwa ni suk gato grik. Sane men waii bi men nggwa wa men ós ye yi su ne sor.

Roma 15:5

Yefun Allah ós men yetu jom sukduno ne krat. Yefun Allah ós men ti nggi mo An bi suk-i ne. Yefun Allah ete ós nin yé gato simo Yesus Kristus kem ndo su yu tepsu yedik sor.

Suk Gato Yerasul Ben Ne 20:35

Mo suk mwa gato ji ben ne, nin me ji sa, ji samok. Sane nin samok dom, subere men ós ye gato yo nggiwa ben suk nde. Sane men napawa suk gato men bi Yekwesu Yefun Yesus dakai ki ne sare do, ’Men syo suk nai ye yi anato ben men mit at wa wai kadit men ku suk kadit ye yi.’ ”

Roma 15:3

Men misyar suk gato men dakai iwa men ben ne, ete men ben suk wa men ós ye yi, we Kristus dom misyar suk gato An dakai iwa ben ne, ete ós men re. Tepsu ye krom mo Yefun Allah bi sukdu, Yefun Yesus ki nai bi Ai do, ”Sukkabor gato ye kabor Nan su ne, Ji ku win Nan re.”

Lukas 22:27

Ye gato gum kok wai ne anato ye gato kem wa git sugit bado, pa gato ós wa gwat sugit ma ne, e? Men sino jam do, ye gato kem git sugit anato gum kok wai kadit pa gato an syogat gwat sugit ma ne. Sarewo Ji ben Ji bi suk-i su nin ré, Ji syogat nin ós Ji tepsu yepasye nde, wo Ji ós nin, Ji tepsu pakwerut wa nin.

Roma 14:15

Sarewo ye Kristen yi me men git sugit gato an nut do, bere ben Yefun Allah bariket men, ete ye Kristen yi ne bi sukjimnut waiyu ndo nde mone it yo, men ben sukibit anane. Men yo ben suk tepsu ye gato bi sukjimnut sye kas subot ye yi anane nde. Yesus Kristus kwop wa ye ne, sane men mewa men nggwa subere men git sugit gato kak os wa ben ye ne ges mo os ibit mo koirut nde.

Suk Gato Yerasul Ben Ne 10:38

Nin dakai jam do, Yefun Allah bes Yesus, ye Nazaret ne, orete Yefun Allah Gen bok nggwa mo Yefun Yesus, syo suktinggi nai Yefun Yesus. Nin jam do, Yefun Yesus mubot peyo-peyo, An ben sukndo, An ben ye gato i ne ge. Yé mwa gato biris bi yekwesu jom ne, An nai wé kadit biris bi yekwesu, ete ben yé mwa ne ge re. Yefun Allah sisu Yefun Yesus anato An nggiwa ben suk ne.

Filipi 1:1

Ji gato gum do Paulus, ji si Timotius, men ka we gato Yesus Kristus bi pakwerut anato krom surat ré wa nin. Men ka we krom sukdu ré wa nin yé gato onyar kem mo Yesus Kristus gato sum mo nu ari mo kota Filipi. Men ka we krom surat ré wa nin yé gato gum yekwesú mo nu ari si yé gato ós yekwesú mo nu ari ne sino.