Filipi 2:29 - Abun Scripture

²⁹ Epafroditus do ba ku nin mone it yo, nin kak nin mit wa an sor, nin mewa an, we nin si an sino onyar kem mo Yefun Yesus. Yé gato onyar kem mo Yefun tepsu Epafroditus ré, án do ba ku nin it yo, nin bes yé ne gum kok, nin ben sukndo su án sor.

Filipi 2:29 Referans Kwoze

1 Timotius 5:17

Yekwesu mo nu ari gato ben suk mone sisu ndo yo, men bes án gum kok, men syo suk nai án mo án bi kamba mone tep yi sor nde, wo mwa wai kadit ne et. Yekwesu gato faiya si duno nje, men bes án gum kok, men syo suk nai án wai kadit yekwesu yi ne,

1 Tesalonika 5:12

Men bi nji, men bi nyanggon, men kiwa nin jammo ye gato samok wa duno nin. Nin jammo ye gato men bi Yekwesu Yefun Yesus bes tepsu yekwesu wa kadum os gato ndo wa nin.

1 Korintus 16:18

An ka gri ben ji sane sor ji mit ndo re, sagato an ka gri ben su nin mone re. Ye ga sane yo, ndo sa, men bes an gum kok sor.

Roma 16:2

Nggon ne do ma ku nin yo, nin mewa mom tepsu nin mewa men yé gato onyar kem mo Yefun Yesus. Nin kak nin mit wa mom ma tepsu nin kak nin mit wa men bi Yekwesu Yesus Kristus. Sane nggon ne do yewa suk yo, nin ós mom, we mom dakai ós yé mwa mó re, mom ós ji dom mó re.

2 Korintus 10:18

We sare, ye gato dakai un an dakai yo, Yefun yo bes an gum kok nde, wo ye gato Yefun Allah dakai un ne sa, bere Yefun bes ye ne gum kok re.

1 Korintus 16:10

Timotius ba ku nin it yo, nin mewa an sisu ndo, subere an yo nokwa suk daret nde, we an ben men bi Yekwesu Yefun Yesus bi suk-i, sato ji ben Yefun bi suk-i ne dom.

3 Yohanes 1:10

Sane ji ba ku nin mone yo, ji kibot suk mwa gato an ben ne subere bor wa yé mwa jam. An ki men gum ibit ket kwayo-kwayo. An ki bi sukdu-i ibit subot men ne yo tep nde, wo an ben sukibit yo ó sare do, an bariwa men bi nji, ye Kristen ma mone. Or o, an duyawa yé gato iwa ós ye Kristen ne, ete an syun yé gato iwa ós ye Kristen gato ma ne titi wé subere yé ne yo sok ari si nje mo nu ari ne o nde.

Ibrani 13:17

Men jammo men bi yekwesu mo nu ari et. Yefun bes yekwesu mone, sane suk gato án ki ne men benbot sor. Yekwesu mewa men ete bere Yefun Allah ndo án subot suk gato án ben su men ne, sane men jammo án bi sukdu-i et. Men jammo án bi sukdu-i yo, bere án ben suk su án mit at wa. Wo men yo jammo án bi sukdu-i ne nde yo, bere án nutbot ndo nde. Men bariwa án bi sukdu-i ne yo, yo ós men dom nde.

Kolose 4:10

Aristarkhus gato si ji kem sino mo sel ré sino, an ki ndo mo nin. Barnabas bi mben, gato gum do Markus dom, an ki ndo mo nin. Suga nyim nin jam sukdu subot an re. An do ba ku nin it yo, nin mewa an sisu ndo et.

2 Korintus 7:2

Nin mit dek ket men et. Men sa, men yo ben sukibit nai yetu ge dik yo mo nde. Men yo gwat os wa ben yetu ge dik yo ges mo os ibit mo nde. Men yo meret os wa nai suk kadit yetu ge dik yo dom nde.

Roma 10:15

Ye syogat nje mu ki sukdu ne nde tó, bere ye ki sukdu subot Kristus nai nje jam sa u ne? An jam sukdu mo nde. Ye krom mo Yefun Allah bi sukdu subot ye gato gwat sukdu ne do, ”Yé mit iwa ye gato ma ki sukdu subot os ndo gato Yefun Allah fro ne ma ku án et.”

Suk Gato Yerasul Ben Ne 28:10

Yé gato kem mo ef jimnotku men. Án ós men su suk mwa. Men fro wa men bi win mo kapal be o sa, án syo suk mwa gato men yewa ne nai men subere men gwat mo kapal ne.

Suk Gato Yerasul Ben Ne 8:8

Sane yé mwa mo kota ne mit iwa suk gato Filipus ben ne.

Suk Gato Yerasul Ben Ne 2:46

Kamdik-kamdik án sum sino mo Yefun Allah bi nu de mo ros de mit ne. Án mubot nu, án git sugit sino, án git roti wa napawa Yefun Yesus, án mit iwa, án mit dik wa.

Yohanes 13:20

Suk gato Ji ki ré suksangge anare, ye gato iwa Ji bi pakon gato Ji syogat mu ne ma ku an yo, tepsu ye ne iwa Ji ma ku an anane. Ye gato iwa Ji ma ku an yo, tepsu ye ne iwa Ye gato syogat Ji ma mo bur ré ma ku an dom anane.”

Lukas 9:5

Nin mu ré, nin do kom mo kota dik yo, ete nje mone bariwa nin yo, nin mu kadit kota ne, nin tet nin gwes tak su bofuf ne ges wé kadit nin gwes satu, subere yé gato kem mone jam do, án ben sukibit nai nin re.”

Filipi 2:28

Sane yo ji syogat an satu mu mo nin kekro, subere nin ku an yo, nin iwa o, subere ji dom yo jimnotbot an teker o nde.