Filipi 2:25 - Abun Scripture

²⁵ Sarewo ji nut do, ndo sa, ji syokom Epafroditus satu ba ku nin. Epafroditus ré, an tepsu ji bi yesyim, ji si an ben suk wa Yefun Yesus sino. Men ka we tepsu Yesus Kristus bi yesukmise gato ben An bi suk-i. Nin dakai syokom Epafroditus ma ku ji more wa ós ji mo suk gato ji yéwa,

Filipi 2:25 Referans Kwoze

Filipi 4:18

Su ré ji ku suk mwa gato nin syo wa ji more re. Sane su ré ji yo yewa suk o nde, suk gato nin syo ma ne wai mó re. Suk mwa gato nin syo nai Epafroditus ne, an gwat ma, an syo nai ji more re. Suk mwa gato nin syo ré tepsu suksom gato grik mo Yefun Allah gwem, tepsu suksom gato yé gre wa yé som Yefun Allah su ne. Sane Yefun Allah iwa suk gato nin ben ne.

Kolose 1:7

Sukdu ne Epafras ki nai nin jam mó re. Epafras ré gato men ka we jimnotku, an si men ka we ben suk wa Kristus. Epafras ben bi suk-i ne ri-roi tepsu Kristus mit wa os men sino.

Filipi 4:3

Sane dom, ji ndek mo Sunsugus do, ”Nan si ji ben Yefun Yesus bi suk-i sino mó re, ji onyar kem mo nan. Sane Sunsugus, ji ndekwa nan tepsu yegweswai wa nggon we ne et, we nggon we ne si ji ben suk sino, men ki sukdu subot os ndo gato Yesus Kristus kak ne nai ye yi jam re.” Sugane an we wergat nggwa wa ós ji ki subot sukdu ne. An we sor nde, wo Klemens si yetu ge bok yo ós ji ki subot sukdu ne. Yé bok gane, Yefun Allah krom án gum mo An bi Buku Yegesyos re.

1 Korintus 3:9

Men ka we si Yefun Allah ben suk sino mo An bi nggwe. Nin anato tepsu Yefun Allah bi nggwe. Nin anato tepsu Yefun Allah bi nu dik yo dom.

Filemon 1:24

Sane dom, yé gato si ji ben suk sino gato gum do, Markus, Aristarkhus, Demas si Lukas ki ndo mo nan dom.

Ibrani 3:1

Sane ji bi nji, ji bi nyanggon, nin si men sino anato yé gato Yefun Allah nai sok mo An bi rus-i. Sane men nutbot Yefun Yesus sisu ndo o et. Yefun Allah syogat Yesus Kristus gwat Yefun bi sukdu ne ma wa men tepsu Yekwesu gato gum kok wai mo Yefun Allah bi nu. An sa, tepsu yegweswai wa men si Yefun Allah gato men onyar kem mó.

1 Tesalonika 3:2

ete men syogat men bi nji, Timotius ba ku nin mo Tesalonika. Timotius ré, Yefun Allah bes an ben suk si men ka we wa mu ki sukdu subot os ndo gato Yesus Kristus kak ne. Men syogat an ba wa ós duno nin subere nin onyar kem mo Yefun Yesus nggi wai o.

Kolose 4:11

Yetu ge dik yo gato gum do Yesus, an gum yo o do Yustus, an ki ndo mo nin. Ye Yahudi ka gri ré sor ete si ji ben suk sino. An ka gri si ji mu kibot Yesus Kristus subere kar nje sok mo Yefun Allah bi rus-i. An ka gri ré sa, os ji su sangge.

2 Korintus 2:13

Sarewo ji bi sukjimnut waiyu mone tó, we ji yo ku men bi nji, Titus mone nde. Ji iwa ku Titus subere ji jam sukdu subot nin, ye Korintus, ware, ji yo ku Titus mone nde. Sane ji ki nai nje mone do, ji mu mo bur Makedonia o et, orete ji mu kadit án re.

Yohanes 17:18

Nan syogat Ji ma mo bur ré wa ben Nan bi suk-i, sane Ji waii syogat án mu mo nje mo bur ré wa án ben Nan bi suk-i ne dom.

Yohanes 13:16

Suk gato Ji ki ré suksangge anare, pakwerut yo sye wai kadit bi yenggras gato kon an nde. Sane dom, ye gato gwat yepasye bi suktaru, an gum sye wai kadit ye gato syogat an mu ne nde.

Roma 16:3

Nin ki nai Priska si Akwila do, ji ki ndo mo an we. Ye we ne si ji ben suk sino wa Yesus Kristus.

Roma 16:9

Nin ki nai Urbanus, men bi yesyim gato men si an ben Kristus bi suk-i do, ji ki ndo mo an. Nin ki nai Stakhis gato ji jimnotku do, ji ki ndo mo an.

Filipi 2:26

wo su ré an da o wa an ba ku nin it. An jimnotbot sukdu gato nin jam subot an do, an ku suki more re. An jimnotbot teker, sawe nin nut do an i tó.