Filipi 2:22 - Abun Scripture

²² Nin dakai jam do, Timotius ré, an ye gato ben sukndo, we ji si Timotius mu ki sukdu subot os ndo gato Yesus Kristus kak ne nai yé mwa jam re. Timotius si ji mu mone, tepsu pa gato simo bi Ai, ben suk sino.

Filipi 2:22 Referans Kwoze

1 Korintus 4:17

Sane ji syogat Timotius ba ku nin mone subere an duno nin subot suk gato ji ben ne. Timotius anato tepsu ji bi pa gato ji jimnotku. Pa ne ben bi suk-i ri tepsu Kristus mit. Bere Timotius duno nin satu o subere nin napawa suk gato ji ben tepsu ye gato onyar kem mo Yesus Kristus ne. Ji dom duno nje mo nu ari mwa mo pe mwa ne sino gato ji mu mone, subere án waii benbot suk gato ji ben ne.

2 Korintus 2:9

Suga nyim ne ji krom surat dik yo wa nin, subere ji me mone do, nin ben nin bi suk-i sa u ne? Nin benbot suk gato ji krom mone bado, nde e? Ji iwa ji me mone do, nin syo sukye nai ye gato ben sukibit ne bado, nde e?

1 Timotius 1:18

Timotius, ji bi pa mo Yefun bi de-i, ji ki sare do, nan benbot suk gato ji krom ré et, sare, nan jambot sukdu gato Yefun Allah tarubot yenabi mo nu ari wa nan sor. Nan jom suktaru ne subere nan nggiwa nan duwer yé gato ki bi sukduno gato siri.

2 Korintus 8:22

Men syogat men bi yesyim dik yo o si Titus ba ku nin dom. Men watbot ye ne wam bok yo, ete men me do, an sa, mit iwa ós nje petok sor. Su ré an mit iwa an ós nin re, we an mit kam mo nin sare do, bere nin sum sugum gato nin tom suga nyim ne do, bere nin syo nai Yefun bi rus-i mo Yudea. Bere an si yetu ge bok yo ma nai sugum ne, ete án gwat mu mo bur Yudea ne.

Titus 1:4

Titus, sangge, nan anato ji bi pa, we nan si ji men ka we sino onyar kem mo Kristus re. Men bi Ai, Yefun Allah si Yesus Kristus men bi Yekwesu gato kak os ndo wa men kem ndo to kapyo mato kapyo, Yefun Allah si Yesus Kristus ete uttok nan petok sor.

2 Timotius 3:10

Sarewo nan sa, nan jammo ji bi sukduno re. Nan jam suk gato ji ben kamdik-kamdik. Nan jam suk gato ji mit wa ji ben mo bur ré re. Nan me su nan gro do, ji onyar kem mo Yesus Kristus sisu sangge, ji jom An bi sukdu-i pe sor. Nan jam do, ji bi sukjimnut sye kas subot ye yi neya sor. Kapre ji ku sukye, ji misyar Yefun nde, wo ji simo An pe sor.

Filipi 2:20

Kadit yé mwa gato si ji kem more, Timotius sor bi sukjimnut-i tepsu ji bi sukjimnut-i. An sor ete bi sukjimnut-i wa an mewa nin sisu sangge.

2 Korintus 8:24

Sane yo, nin mewa an ka gri ne sino, nin ben sukndo su an ka gri subere yé gato onyar kem mo Yefun Yesus mo nu ari mwa ne jam do, nin bi sukjimnut sye kas subot nje tepsu sukdu gato men un nin gum mo yé mwa gwem mó re.

2 Korintus 8:8

Ji yo ki sukdu ré tepsu ji syaugat nin nde, wo ji bes sukndo gato nje mo Makedonia ben su ye yi ne, subere ji jam do, nin bi sukjimnut sye kas subot ye yi digane sisu sangge dom bado, nde e?

Suk Gato Yerasul Ben Ne 16:2

Ye gato onyar kem mo Yefun Yesus gato kem mo kota Listra si kota Ikonium un Timotius, yé ki do, Timotius sa, an ye gato ben sukndo.

Roma 5:4

Men sombok kadit sukndo gato men ben ne nde, wo men ben pe, sane bere ben men bi sukjimnut nggi mone o re. Men bi sukjimnut nggi it yo, bere ben men kwabom kam mo Yefun Allah do, bere Yefun syo suk gato An tom ne nai men mone tó.

1 Korintus 16:10

Timotius ba ku nin it yo, nin mewa an sisu ndo, subere an yo nokwa suk daret nde, we an ben men bi Yekwesu Yefun Yesus bi suk-i, sato ji ben Yefun bi suk-i ne dom.

Filipi 1:5

Ji mit at wa ji ki suk su Yefun wa nin, we nin ós ji mu frot sukdu subot os ndo gato Yesus Kristus kak wa men yetu ne nai ye yi jam, kadit kam ketke gato nin onyar kem mo Yefun sor kom mo kam ré.

Filipi 1:7

Ji mit at wa nin, ji jimnutbot nin anato ndo, we ji gen ne kem pe su nin mone re. Sane dom, ji jimnotku nin, we yé bok ji mo sel more yo, ji duno nje su sukdu subot os ndo gato Yesus Kristus kak ne yo, ji ki rer subot sukdu ne nai ye gato duwer ji mo sukdu ne yo, nin si ji tepsu dik wa ben suk gato Yefun Allah fro wa ji ben ne sino.

Filipi 1:12

Ji bi nji, ji bi nyanggon gato onyar kem mo Yesus Kristus, ji iwa nin jam do, sukye gato ji ku mo sel ré kak os wa yé mwa jam ete onyar kem mo sukdu subot os ndo gato Yesus Kristus kak wa men yetu ne.

Filipi 1:16

Ye gato mit kwo ne, án ki sukdu subot Yesus Kristus, we án bi sukjimnut sye kas subot ji si Yefun Allah sino. Án ki sukdu subot Yesus Kristus, we án jam do, Yefun Allah bes ji wa ji ki rer subot os ndo ne sare do, os ne sangge.

1 Timotius 4:6

Nan duno nan bi nji, nan bi nyanggon, ye gato onyar kem mo Kristus ne su sukduno mwa gane yo, bere nan tepsu ye gato ben Yesus Kristus bi suk-i sisu ndo. Nan ben Kristus bi suk-i sisu ndo, nan sibot Yefun Allah bi sukdu gato men onyar kem mone kadit nan pa wokgan sor kom mo nan sye it anare, nan benbot sukduno gato ndo ne.