Filipi 2:21 - Abun Scripture

²¹ Sarewo yé mwa gato kem more meret suk wa án dakai sor re, án yo nutbot Yesus Kristus bi suk-i nde.

Filipi 2:21 Referans Kwoze

1 Korintus 10:24

Men ben men bi suk-i mo bur ré yo, men nutbot men dakai bi suk-i sor nde, wo men nutbot ye yi et, men werwa men ós ye yi sor.

Matius 16:24

Orete Yefun Yesus ki nai bi pakon ne do, ”Ye to iwa simo Ji it yo, ye ne yo iwa ben suk ket an mit-i ne o nde, wo an ben Ji bi suk-i sor, an tepsu ye gato sam an bi kwesukwin, kapre an ku sukye mone, an kwop o, an mbau o, an simo Ji petok sor.

Filipi 2:4

Men nutbot men dakai bi suk-i sor nde, wo men jimnutbot ye yi mo suk sino gato án ben ne dom et.

2 Timotius 3:2

Su kam ne, bere yetu dakai nutbot án dakai, án nutbot ye yi nde, án gro sye wa sugum, án un án dakai gum mo suk gato án ki ne, án bes nggwa kok, án kabor ye yi, án bariwa jammo án bi yenggras, án jam nde án ki ndo mo ye yi mo suk gato ye ne ben, án bariwa Yefun bi suk-i.

1 Korintus 10:33

Nin ben nin bi suk-i tepsu ji sor. Ji wergat ji nggwa subere ji ben suk mwa ne tepsu pe gato yé mwa ne mit iwa ne sor. Ji nutbot ji dakai nde, wo ji nutbot yé mwa ne sor, subere án brek kadit os ibit ete jammo Yefun, subere án kem ndo to kapyo mato kapyo.

1 Korintus 13:5

an yo misyar ye yi bi sukdu-i nde, wo an nutbot; an yo wergat ye yi benbot an bi sukdu-i nde; an maskwa dek nde; an grem sukmaskwa mo an mit nde.

Lukas 14:26

”Ye to iwa simo Ji, sarewo ye ne bi sukjimnut sye mo bi ai si bi im wai kadit Ji it yo, Ji bariwa ye ne simo Ji tepsu Ji bi pakon re. Ye to bi sukjimnut sye mo bi nggon, si bi pa wai kadit Ji it yo, Ji bariwa ye ne simo Ji tepsu Ji bi pakon re. Ye to iwa simo Ji, sarewo ye ne bi sukjimnut sye mo bi nji si bi nyanggon it yo, Ji bariwa ye ne simo Ji tepsu Ji bi pakon re. Ye to jimnotku an nggwa wai kadit Ji it yo, Ji bariwa ye ne simo Ji tepsu Ji bi pakon re.

2 Timotius 4:10

we, Demas mu kadit ji re. An bi sukjimnut sye mo suk mwa mo bur ré re. An mu kadit ji, an mu mo kota Tesalonika. Kreskes mu mo bur Galatia, Titus mu mo bur Dalmatia.

2 Korintus 1:5

Men ku sukye tepsu Kristus ku ne wam bok yo mó re. Sane Yesus Kristus mewa men kadit sukye mwa gato men ku ne dom.

2 Timotius 4:16

Su ketke ye gwat ji mu mo yepasye wa yepasye ne ndobot ji mo sukdu gato ji ki ne sa, ji wadigan ki suk sor re. Ji bi yesyim bok yo misyar ji re, yé yo ós ji mo nde. Ji ki suk su Yefun wa yé gane subere Yefun Allah yo ben sukye nai án mo gato án misyar ji ne nde.

Suk Gato Yerasul Ben Ne 15:38

Paulus bariwa re, we tomgato an ka gri mu ki sukdu subot Yefun Yesus mo bur Pamfilia, Yohanes misyar an we, or Yohanes yo si an we o nde, an dakai mu kadit an we re.

Suk Gato Yerasul Ben Ne 13:13

Paulus si yé bok yo gato simo an mu kadit kota Pafos. Án sino it mo kapal mu mo kota Perga mo bur Pamfilia. Mone Yohanes, gato ye kendo gum do, Markus mu kadit yé bok ne. Yohanes satu mu mo Yerusalem.

2 Timotius 1:15

Nan jam do, yé mwa ne sino mo bur Asia misyar ji re. Figelus si Hermogenes dom misyar ji re.