Filipi 2:19 - Abun Scripture

¹⁹ Sane yo, ji kwabom kam mo men bi Yekwesu Yesus Kristus do, bere An kak os wa ji subere ji syokom Timotius ba ku nin, subere Timotius gwat sukdu kadit nin satu ma wa ji more. Ji do jam sukdu subot nin ne yo, ji yo kwabom dek subot nin teker o nde.

Filipi 2:19 Referans Kwoze

1 Korintus 4:17

Sane ji syogat Timotius ba ku nin mone subere an duno nin subot suk gato ji ben ne. Timotius anato tepsu ji bi pa gato ji jimnotku. Pa ne ben bi suk-i ri tepsu Kristus mit. Bere Timotius duno nin satu o subere nin napawa suk gato ji ben tepsu ye gato onyar kem mo Yesus Kristus ne. Ji dom duno nje mo nu ari mwa mo pe mwa ne sino gato ji mu mone, subere án waii benbot suk gato ji ben ne.

1 Tesalonika 3:2

ete men syogat men bi nji, Timotius ba ku nin mo Tesalonika. Timotius ré, Yefun Allah bes an ben suk si men ka we wa mu ki sukdu subot os ndo gato Yesus Kristus kak ne. Men syogat an ba wa ós duno nin subere nin onyar kem mo Yefun Yesus nggi wai o.

Filipi 1:1

Ji gato gum do Paulus, ji si Timotius, men ka we gato Yesus Kristus bi pakwerut anato krom surat ré wa nin. Men ka we krom sukdu ré wa nin yé gato onyar kem mo Yesus Kristus gato sum mo nu ari mo kota Filipi. Men ka we krom surat ré wa nin yé gato gum yekwesú mo nu ari si yé gato ós yekwesú mo nu ari ne sino.

Filipi 2:28

Sane yo ji syogat an satu mu mo nin kekro, subere nin ku an yo, nin iwa o, subere ji dom yo jimnotbot an teker o nde.

Yakobus 4:15

Nin ki sane nde, wo nin ki sare do, ”Yefun Allah do imo os gato men fro ré it yo, bere men kem mo bur ré, ete men benbot os gato men fro ne.”

2 Timotius 1:12

Ji ki subot sukdu ne anato ji ku sukye mwa ré, sarewo suk yo nde, ji yo damen nde, we Yefun Yesus gato ji onyar kem mó, ji jam kom mo mit re. Sukdu gato Yefun Yesus bes ji wa ji ki subot ne, bere An mewa sukdu ne sor, sukdu ne yo ges nde. Bere An mewa sor, kom mo kam gato An satu ma mo bur ré, ji jamwa re.

2 Tesalonika 1:3

Men bi nji, men bi nyanggon, men jam sukdu do, nin onyar kem mo Kristus nggi wai kadit nyim neya o re. Sane men ki ndo mo Yefun Allah mone. Sane dom, nin bi sukjimnut sye kas subot yu sye wai kadit nyim ne o re, sane men ki ndo mo Yefun Allah noru nombrak sor.

Efesus 1:13

Nin ye Efesus dom jam Yefun Allah bi sukdu subot os ndo gato Yesus Kristus kak ne. Sukdu ne ós nin kem ndo to kapyo mato kapyo. Nin jam, orete nin onyar kem mo Yesus Kristus, sane anato nin sok mo Yefun Allah bi rus-i ne it. Nin onyar kem mo Kristus, sane Yefun Allah bok An Gen mo nin tepsu An tom ne, subere yé jam do, nin anato Yefun Allah bi pá-i it.

Roma 16:21

Timotius gato si ji ben Yefun bi suk-i ne ki ndo mo nin. Sane dom Lukius, Yason si Sosipater gato yewis dik su ji ne ki ndo mo nin.

Roma 15:12

Sane dom, Yesaya krom do, ”Yetu ge dik yo kadit Isai {gato Daud bi ai} bi wis-i bere ma mo bur ré. Yefun Allah bes Ye ne wa jom yewis yi mwa ne mo buryo-buryo. Bere yewis yi kwabom kam mo Ye ne sor.”

Matius 12:21

ete bere yewis mwa ne mo bur ré sino bi sukjimnut kem pe mo An.”

1 Petrus 1:21

Sane Kristus ma ete kak os wa men yetu anato nin onyar kem pe mo Yefun Allah it. Yefun Allah sun Kristus kadit sukkwop ete bes An gum kok sye wai kadit ye yi neya o re. Sane anato nin onyar kem pe mo Yefun Allah, ete nin kwabom kam mo An mone dom.

Suk Gato Yerasul Ben Ne 16:1

Paulus mu kom mo kota Derbe, orge an mu mo kota Listra. Yetu ge dik yo gato gum do Timotius kem mone. An onyar kem mo Yefun Yesus. Timotius bi im, ye Yahudi. Timotius bi im onyar kem mo Yefun Yesus dom, wo Timotius bi ai, an ye Yunani.

Filipi 2:18

Sane nin si ji sino mit at wa dom et. Nin si ji, men wi men ambre mone sino et.

1 Tesalonika 3:5

Sane ji jimnotbot nin ndo nde anato ji syogat Timotius ba ku nin mone. Ji syogat an ba ku nin subere an jam kret nin do, nin onyar kem mo Yesus Kristus tó bado nde e? Ji nokwa sawe biris bi yekwesu meret os wa nin sawe ben nin ges mo os ibit re. Sane bere suk mwa gato men ben su nin yo ós nin o nde.