Filipi 2:17 - Abun Scripture

¹⁷ Nin onyar kem mo Yefun Allah it. Nin bi nin nggwa mo An, nin samok wa nin ben An bi suk-i. Suk mwa gato nin ben ne anato tepsu suksom gato nin gwat wa som Yefun Allah su ne. Sane ji mit at mo suk mwa gato nin ben ne. Yé bok ji mo sel ré mo gato ji ki subot Kristus. Sarewo yé do gu ji kwop it yo, ji mit at tó, we ji do kwop it yo, ben sato ji waii grem suk yo tó suk mwa gato nin gwat wa som Yefun Allah su ne.

Filipi 2:17 Referans Kwoze

2 Timotius 4:6

Nan sa, nan duno nje, wo ji dakai, yo nam nde ge, bere ye gu ji kwop wé tepsu ye gu suge wa som Yefun su ne. Karowa ji mu kadit bur ré it anare.

Roma 15:16

Ji anato tepsu Yesus Kristus bi pakwerut gato An syogat mu ki subot An bi sukdu nai yewis yi neya. Ji ben suk tepsu yegweswai gato gwat Yefun Allah bi sukdu subot os ndo gato Yesus Kristus kak ne mu wa ki nai yewis yi jam. Ji mu ki sukdu ne subere yewis yi ne brek kadit os ibit ete jammo Yefun Allah yo, bere án tepsu suksom gato tep wa yé som Yefun Allah su ne, bere Yefun Allah kak Yefun Allah mit wa án.

2 Korintus 12:15

Sane anato ji mit iwa ji syo ji bi suk mwa ne sino wa ós nin sor, or o ji bi ji nggwa wa nin dom. Ji bi sukjimnut sye kas subot nin ndo nde, wai kadit nin bi sukjimnut kas subot ji ne o re. Sane anato nin bi sukjimnut kas subot ji yo sye mone o nde anato ndo bado? Sane nde! Nin bi sukjimnut sye kas subot ji dom ete ndo.

Kolose 1:24

Su ré ji mit at mo sukye gato ji ku wa nin, we sukye gato Kristus ku ne anato ji waii ku nap ta ré. Kristus ku sukye nap sye wa bi rus-i or re. Or o ji waii ku sukye ne napta wa yé mwa gato onyar kem mo Kristus, yé mwa ne tepsu Kristus kaim.

Filipi 1:20

Bere su kam gato yepasye ndo ji subot suk gato ji ben ne yo, ji mit iwa do, ji yo damen mo an gwem nde. Ji nut do, sangge bere ji yo nyuwa ji ki sukdu subot Kristus nai an nde. Sane yo, ji kwop o, ji mbau o, mo suk sino gato ji ben ne, ji bes Yesus Kristus gum kok petok sor.

2 Korintus 7:4

Ji kwabom kam mo nin sare do, bere nin benbot sukdu gato ji duno nin su ne tó. Ji nut subot nin sa, ji mit at wa nin ndo nde. Kapre ji ku sukye mwa, ji napakom nin anato ji yo nutbot sukye ne teker eta o nde, ji kem not kadit sukye ne sor. Ji mit at wa nin ndo nde.

1 Yohanes 3:16

Men me mo Yesus Kristus sa, bere men jam suk gato men ben tepsu ye gato bi sukjimnut sye kas subot ye yi. An bi An nggwa wa kwop win men. Sane dom, men waii bi men nggwa wa men bi nji mo Kristus bi rus-i dom et.

Roma 12:1

Sane, ji bi nji, ji bi nyanggon, Yefun Allah dakai jimnotku men anato An yo ben suk su men tepsu sukibit gato men ben su An nde, wo An ben sukndo su men sor. Sane nin benbot suk gato ji ki ré et: Tepsu suga nyim yé gu suge kwop wa yé som Yefun su ne, su ré men bi men nggwa su mbau wa men som Yefun su et. Men werwa men bi men nggwa wa men ben Yefun bi suk-i tepsu An mit sor. Men som Yefun Allah su sangge it anane.

1 Petrus 2:5

Nin dom, nin tepsu jok mwa gato mbau. Ben sato yé nggo Yefun Allah bi nu su nin. Sane nin tepsu yesu gato ben Yefun Allah bi suk-i mo An bi nu ne. Yesus Kristus kak os wa nin subere nin syo suksom gato tepsu Yefun Allah mit mo nu ne.

1 Tesalonika 2:8

Men bi sukjimnut sye kas subot nin sye teker anato men iwa men frot sukdu subot os ndo gato Yesus Kristus kak ne nai nin sor nde, wo men bi men nggwa mo nin wa men ós nin mo suk mwa neya, we men jimnotku nin ndo nde.

Filipi 4:18

Su ré ji ku suk mwa gato nin syo wa ji more re. Sane su ré ji yo yewa suk o nde, suk gato nin syo ma ne wai mó re. Suk mwa gato nin syo nai Epafroditus ne, an gwat ma, an syo nai ji more re. Suk mwa gato nin syo ré tepsu suksom gato grik mo Yefun Allah gwem, tepsu suksom gato yé gre wa yé som Yefun Allah su ne. Sane Yefun Allah iwa suk gato nin ben ne.

Filipi 2:30

We Epafroditus ré, an iwa ben Yesus Kristus bi suk-i sor. An yo nutbot an dakai nde, anato an ma ós ji more, ete an ku suki ne, bergan an kwop rok mone. An ma win nin yé mwa gato kem mone, we nin yo ku os wa nin ma ós ji more nde.

Suk Gato Yerasul Ben Ne 21:13

Sarewo Paulus ki do, ”Nin wo, nin wergat ji, nin ben ji kwabom kro sare nde. Ji ben ji bi Yekwesu Yefun Yesus bi suk-i, sane ji fro wa ji ku sukye mone sor nde, wo ji fro wa ji kwop wa Yefun Yesus mo Yerusalem dom.”

Suk Gato Yerasul Ben Ne 20:24

Sarewo ji yo bi sukjimnut subot ji dakai teker eta nde, wo ji nut mo suk gato Yefun Yesus syogat ji ben anato sye. Ji werwa ji ben suk gato men bi Yekwesu Yesus Kristus syogat ji ben ne, ji werwa ji ben wa pe sane sor, dakai or su. Yesus Kristus syogat ji mu ki sukdu subot os ndo gato Yesus Kristus kak wa men yetu nai nje jam. Kapre men yetu yo ben suk yo nyim wa An nde, Yefun Allah dakai bi sukjimnut sye kas subot men anato An fro os ndo wa men yi sor.

2 Korintus 6:10

Men da nderku nggwa, sarewo men mit at wa suk mwa neya petok sor. Men yo ku suk yo mo nde, sarewo men kak os wa yé mwa neya ku suk mwa kadit Yefun. Ye da nut do, men bi suk yo mo nde, sarewo men sa, bi suk mwa ne sino mo bur ré iwedewe mó re.

Filipi 2:18

Sane nin si ji sino mit at wa dom et. Nin si ji, men wi men ambre mone sino et.

2 Korintus 4:12

Sane men ben Yesus Kristus bi suk-i sa, bergan men kwop rok mone, wo nin sa, nin jammo sukdu gato men ki ne anato nin kem ndo mone o re.