Filipi 2:16 - Abun Scripture

¹⁶ Nin jom Yefun bi sukdu gato kak os wa men kem ndo to kapyo mato kapyo yo, nin tepsu sukru gato ji ki ne. Sane bere su kam gato Kristus satu ma mo bur ré it yo, ji mit at mo suk gato nin ben ne, we ji jam do, suk gato ji werwa ji duno nin su ne, ji yo ben yi nde, wo nin waii benbot suk gato ji duno nin su ne re.

Filipi 2:16 Referans Kwoze

1 Korintus 9:26

Sane anato ji kas subot os yo, ji kas subot os sisu ji bi sukjimnut dik wa ji mu kom mo nat gato ji iwa ji mu mone sor. Sane dom ji tepsu ye gato tut ye yi it yo, ji wergat ji nggwa subere ji tut siri wam dik yo dom nde.

Galatia 2:2

Yefun Allah kadum rer nai ji do, An syogat ji mu mone anato ji mu ne. Ji si yé bok gato gum yekwesu ne sum dor kadit ye yi neya, ete ji ki rer subot os ndo gato Yesus Kristus kak ne. Ji ki rer subot sukdu gato ji duno yewis yi neya su ne. Ji ki rer wa yekwesu bok ne jam, sawe ji bi sukdu-i napyo siri kadit yekwesu bok ne bi sukjimnut-i, wo sukdu ne tepsu án mit re, yekwesu ne yo duwer ji mo nde.

1 Yohanes 1:1

Men krom subot Sukdu gato ós men kem ndo to kapyo mato kapyo. Sukdu ne kem kadit ketke ne it. Sukdu ne men jam re. Sukdu ne men me su men gro re, men sokwa pe, men syimtok mó re. Sukdu ne men kibot subere nin jam re.

Yohanes 6:68

Simon Petrus ki nai An do, ”Men mu mo je u o ne? Nan bi sukdu-i sor anato kak os wa men kem ndo to kapyo mato kapyo.

1 Tesalonika 3:5

Sane ji jimnotbot nin ndo nde anato ji syogat Timotius ba ku nin mone. Ji syogat an ba ku nin subere an jam kret nin do, nin onyar kem mo Yesus Kristus tó bado nde e? Ji nokwa sawe biris bi yekwesu meret os wa nin sawe ben nin ges mo os ibit re. Sane bere suk mwa gato men ben su nin yo ós nin o nde.

Yohanes 6:63

Yefun Allah Gen anato ben yetu mbau. Men yetu dakai sor yo nggiwa men ben men mbau nde. Sukdu gato Ji ki nai nin ne anato sukdu gato ma kadit Yefun Allah Gen. Sane sukdu ne anato ben nin mbau.

Lukas 12:8

Yefun Yesus ki do, ”Ji ki sare do, ye gato ki mo yé mwa gwem do, an tepsu dik su Ji, gato Yetu bi Pa, bere Ji waii ki sane nai Yefun Allah bi malaikat mwa ne.

Ibrani 4:12

Men jammo Yefun Allah bi sukdu sor, we sukdu gato Yefun ki ne bere ós men kem ndo. An bi sukdu-i ne pet mo men mit. An bi sukdu-i ne pet mo men mit kru wai kadit nyom gato ot de we gato ye syer men su ne. Ye syer men su nyom ot de we it yo, nyom ne bere kom mo de nden sor nde, wo kom mo men de mit kai. Sane dom Yefun Allah bi sukdu-i pet mo men de nden sor nde, wo pet mo men de mit kai, bere kru wai kadit nyom ne o re. An bi sukdu-i pet kom mo men mit kai, mo pe gato men da kridek si men da gesyos miten. An bi sukdu-i pet kom mo mit kai, kom mo pe gato men yetu dini rit si men gus mo men dini ne miten. An bi sukdu-i kak men bi sukjimnut subot suk gato men nutbot si suk gato men iwa men ben ne. Sane Yefun bi sukdu-i pet kom men mit sane sor men jam suk gato ndo kadit suk gato ibit mone.

1 Petrus 1:23

Nin mewa yu sane, we Yefun Allah bi sukdu gato kem gesyos ne ben nin tepsu ye gato be it. Nin bi im pe nin wam dik yo, wo ben sato Yefun Allah bi sukdu anato pe nin wam dik yo o. Sane nin tepsu ye gato be it.

1 Tesalonika 2:19

Men iwa men ba ku nin, we nin anato ben men mit at. Nin benbot suk gato men duno nin su ne, sane bere su kam gato men bi Yekwesu Yesus Kristus satu ma mo bur ré, men kwabom kam mo Yefun do, men ku Yefun Yesus mone yo, bere Yefun mit iwa men, we suk gato men ben su nin ne kas sisu ndo. Sane mo Yefun Yesus gwem, bere men mit at mo nin.

Galatia 4:11

Sane ji nutbot nin ndo nde, ji da wergat ji nggwa wa duno nin ware, sukdu gato ji duno nin su ne yo ós nin kom mo pe yo nde bado?

Wahyu 22:17

Yefun Allah bi rus-i, gato tepsu Yefun Yesus bi nggon gato bere An kra ne si Yefun Allah Gen ki nai Yefun Yesus do, ”Yefun Yesus o, Nan ma et!” Yé mwa gato jam sukdu mo buku sino ré ki do, ”Yefun Yesus o, Nan ma et!” Yé mwa ne ki do, ”Yefun Yesus o, Nan ma et!” Yé gato sosa, án ma nai syur gato ben án mbau mone et. Yé gato mit iwa ma nai syur ne yo, án nai yi sor, án yo bi suk yo wa nde.

Suk Gato Yerasul Ben Ne 13:26

Paulus ki o do, ”Ji bi nji, men yé gato bi amui mo Abraham si nin yewis yi gato som Yefun Allah, men sino anato jam suktaru gato ma kadit Yefun Allah sare do, Yefun Yesus ma mo bur ré wa kak os ndo wa men subere men kem ndo to kapyo mato kapyo.

Matius 10:27

Suk gato Ji ki nai nin mo pe gato ndendu, nin waii ki nai yé mwa su nombrak. Suk gato Yefun Allah tom mo nin dabe, nin waii ki sye wa yé mwa jam.

1 Korintus 1:8

Yefun Allah mewa nin sane sor kom mo pe gato or mó, subere tepsu kam gato men bi Yekwesu Yesus Kristus, satu ma mo bur ré yo, sukibit yo ut mo nin mo nde, wokgan yo dom nde.

Filipi 1:6

Ji kwabom kam mo Yefun Allah do, Yefun Allah gato ben nin ti nggi wa nin ben An bi suk-i su ketke, bere An ben sukndo su nin gat sor, kom mo pe gato or mó, kom mo kam gato Yesus Kristus satu ma mo bur ré re.

Filipi 1:10

subere nin jam suk mwa gato ndo wai wa nin ben ne, orete nin ben suk gato ndo ne bu sor. Ji ndek mo Yefun subere ye yo ku os wa ki nin gum ibit mo suk yo mo nde kom mo kam gato Yesus Kristus satu ma mo bur ré re.