Filipi 2:15 - Abun Scripture

¹⁵ Sane bere nin tepsu Yefun Allah bi pa-i, bere nin ben nin bi suk-i ndo petok sor, kwa gato ibit yo mo nde. Sane bere ye yo ku os wa ki nin gum ibit mo suk gato nin ben ne mo nde. Nin do ben suk tepsu Yefun mit sane it yo, nin tepsu sukru gato rer ku nje mo bur ré. Yé mo bur ré mise, án ben sukibit bu.

Filipi 2:15 Referans Kwoze

1 Petrus 2:12

Nin si yé gato jam nde Yefun Allah kem mo bur ré yo, nin werwa nin ben nin bi suk-i ne ndo wai, subere kapre án iwa ki nin gum ibit yo, án yo ku os wa án ki nin gum ibit mó nde, wo án me do, nin sa, ben sukndo. Sane bere su kam gato Yefun ma wa ndobot men yetu mo bur ré, bere án bes Yefun Allah gum kok sye wai mo sukndo gato nin ben ne.

Matius 5:45

subere nin ben suk tepsu nin bi Ai gato mo gu ne bi pa-i. We sare, Yefun ben sukndo su ye gato ben sukibit si ye gato ben sukndo ne sino. Yefun syo kam it mo gu si nogi is ma bur wa ye gato ben suksiri kadit An mit si ye gato ben sukndo tepsu An mit ne sino.

1 Tesalonika 5:23

Yefun Allah gato ós men kem ndo su yu, Yefun dakai ete kak nin bi sukjimnut subere nin ben An bi suk-i sisu nin mit dik nin onyar dik petok sor. Yefun Allah ete mewa nin da kridek si nin da gesyos sino sane sor subere nin ben nin bi suk-i ibit yo mo nde, kwa dik yo dom nde, subere men bi Yekwesu Yesus Kristus satu ma mo bur ré it yo, ye yo ku os wa ki nin gum ibit mo suk yo mo nde.

2 Petrus 3:14

Sane it yo, ji bi nji ji bi nyanggon gato ji jimnotku, men eswa kam gato Yefun Yesus tom ré it yo, men kamo nde, wo men wergat men nggwa, subere men ben suk mwa ne ndo sor, kwa yo gato ibit mo An gwem mo nde. Sane dom, men werwa men si Yefun Allah kem ndo su yu petok sor.

1 Korintus 1:8

Yefun Allah mewa nin sane sor kom mo pe gato or mó, subere tepsu kam gato men bi Yekwesu Yesus Kristus, satu ma mo bur ré yo, sukibit yo ut mo nin mo nde, wokgan yo dom nde.

Titus 2:10

Án syimsi án bi yenggras bi suk nde, wo án ben bi án suk-i ndo sor, subere án bi yenggras mit kem mo án. Án ben suk mwa sane subere ye yi me suk gato án ben tepsu Yefun Allah bi sukduno-i, ete ye mit iwa Yefun Allah bi sukduno-i mone. Yefun Allah anato fro os ndo wa men kem ndo to kapyo mato kapyo.

1 Petrus 2:9

Wo nin sa, Yefun Allah nai nin tepsu An dakai bi rus-i it. Nin anato tepsu yewis gato Yefun Allah bes tepsu yesu mo Yefun Allah bi nu wa nin ben suk wa Yefun gato gum kok wai o re. Nin anato yewis gato Yefun Allah fro tepsu An bi rus-i wa nin ben An bi suk-i sor. Yefun Allah kiwa nin mu kadit pe gato ndendu ma mo An bi pe gato rer ndo yé. Sane nin ki subot suk gato An ben ndo wai ne nai ye yi jam.

Matius 5:48

Sane nin werwa nin ben sukndo su yetu mwa ne sino, saga nin bi Ai mo gu nim ne ben et.”

1 Timotius 3:10

Men yo bes an nde tó, men watbot an or et. An ben suk tepsu sukduno gato ji krom more yo, men bes an sor, wo an yo ben suk tepsu nde yo, men bes an gum tepsu ye gato ós yekwesu mo nu ari nde.

1 Timotius 3:2

Sane, ye gato gum yekwesu mo nu ari, an ben an bi suk-i sato re, an ye gato ben sukndo sor, ye yo ki an gum ibit mo nde; an kra nggon ge dik sor, an mewa nggwa kadit an ben sukdaret, an mewa nggwa kadit an ben sukibit, an ben sukndo sor; yé yo ma mo an bi nu yo, an iwa, an syo sugit nai yé ne sor; an jam an duno nje sisu ndo;

Filipi 1:10

subere nin jam suk mwa gato ndo wai wa nin ben ne, orete nin ben suk gato ndo ne bu sor. Ji ndek mo Yefun subere ye yo ku os wa ki nin gum ibit mo suk yo mo nde kom mo kam gato Yesus Kristus satu ma mo bur ré re.

Efesus 5:27

Sane anato Kristus fro men sino gato onyar kem mo An ne kwo ndo mo An dakai gwem. An fro men subere men da ibit nde, men dini bor mo nde, men brot bor mo nde, men wip no mo nde, suk yo gato ibit mo men kaim ne yo mo nde, wo suk mwa mo men kaim ne ndo sino. Yesus Kristus bi sukjimnut sye kas subot men digane.

Roma 16:19

Yé mwa ne sino jam do, nin sa, nin bi nin nggwa wa nin benbot Yefun Allah bi sukduno-i re, yé mwa ne jam it. Sane ji mit at mo suk mwa gato nin ben ne. Ji iwa nin bi sukjimnut kak subot suk mwa gato ndo sor, wo ji bariwa nin bi sukjimnut kom mo suk gato ibit. Ndo sa, nin jam nde subot suk gato ibit ne re.

Suk Gato Yerasul Ben Ne 2:40

Petrus ki sane sor nde, wo an dunogat, an wergat nje gato sum mone, an ki do, ”Nin ben nin bi suk-i ibit tepsu yetu mo bur ré o nde, bere yé mwa ne ku sukye mone. Sane nin brek kadit yé mwa ne bi os-i, nin sok mo Yefun Allah bi rus-i kadit, subere nin ku sukye si yé mwa ne nde.”

Matius 10:16

”Nin jammo suk gato Ji ki ré et, Ji syogat nin mu, nin tepsu jot gan gato yo nggi nde mu mo ndar krok miten. Sane nin kem fra tepsu kwis bam, nin ben suk-i njep tepsu ndabu.

Ibrani 7:26

Sane, Yefun Yesus sa, An dakai anato Yekwesu gato gum kok wai o re. Yefun Yesus sa, tep wa ós men mo suk mwa gato men yé mone. An bi An nggwa wa ben Yefun Allah bi suk-i sor. An yo ben sukibit mo nde, kwa dik yo dom nde. An ben suk mwa ne ndo sino. An ben An bi suk-i tara kadit men yetu gato ben sukibit. Yefun Allah bes An gum kok wai kadit suk mwa neya mo gu o re.

Titus 2:15

Nan duno nje su sukduno mwa ne sino. Nan bidek nje su sukduno ne. Nan ndantom nje subere án ben suk siri kadit sukduno mwa ne o nde. Nan duno nje sisu ndo subere yé jammo nan, ete yé yo ku os wa duwer nan mo sukdu ne nde. Nan duno nje subere yé yo ki nan gum ibit mone nde, wo yé un nan gum sor.

Titus 1:6

Ye gato nan bes gum yekwesu mo nu ari, an ye gato ben an bi suk-i ne ndo sor, kwa gato ibit yo mo nde; an ye gato kra nggon ge dik sor; an ye gato bi pá onyar kem mo Kristus, an bi pá ben bi suk-i ne ndo sor, ye ki an bi pá gum ibit mo gato pá ben sukdaret e, pá su krat e ne nde.

1 Timotius 5:20

Yekwesu mo nu ari gato ben sukibit ne yo, nan ndantom mo yé mwa gwem, subere yé mwa mone nyuwa ben sukibit.

Suk Gato Yerasul Ben Ne 20:30

Sane sor nde, wo kadit nin miten, bere yé bok yo bes án nggwa kok, ete ki Yefun Allah bi sukdu brek kadit sukdu gato sangge, subere án ben kidar ye gato onyar kem mo Yefun Yesus, subere ye ne misyar Yefun Yesus ete simo án.

Yohanes 5:35

Yohanes ne tepsu sukru gato ru rer, ete i-rer ne ku pe gato ndendu mó. Ketke nin iwa sukru ne, i-rer ku nin, wo yo nam nde ge, nin bariwa re.

Lukas 6:35

Nin ben sukndo su ye gato ben sukndo su nin sor nde, wo nin jimnotku yeko gato ma wa gu nin, nin ben sukndo su ye gato bariwa nin ne dom et. Nin syo suk nai ye gato ndek suk mo nin sor. Bere ye ne syo suk ne satu o bado, yo syo nde yo, nin nutbot o nde. Sane, nin do ben sukndo su ye gato ben sukibit nai nin sane it yo, bere Yefun Allah syo suk mwa gato ndo nai nin, bere suk gato nin ben ne kadum do, nin anato Yefun Allah gato gum kok sye wai ne bi pá-i. Nin ben nin bi suk-i tepsu Yefun Allah ben ne, we Yefun Allah ben sukndo su ye gato ben sukibit si ye gato misyar An dom.

Matius 17:17

Yefun Yesus ki do, ”Mban! Nin gare, nin yo onyar kem ri mo Yefun nde, nin su krat teker ware! Ji bambrai wa Ji ben Ji bi suk-i njep si nin o it! Kam ot, ete bere Yefun Allah nai Ji wé kadit nin ne? Nin gwat pa ne ma mo Ji et.”

Wahyu 3:9

Yé bok yo gato kidar do, án tepsu ye Yahudi, sarewo Yefun yo nai án gum sok mo Yefun bi rus-i nde yo, yé bok ne jam nde Ji. Yé bok ne sok mo biris bi yekwesu bi rus-i. Bere Ji ben án ma bare án nggwa mo nin gwem. Bere án jam do, Ji anato bi sukjimnut sye kas subot nin re.

1 Timotius 5:14

Sane anato ji dakai duno nggonna gato yo din nde tó subere mom kra sor, mom pe pa, mom mewa mom bi pa si mom bi ya mo bi nu-i, subere ye gato bariket men yo ku os wa ki men gum ibit mone nde.

1 Timotius 5:7

Nan duno nggonna si bi rus ne sino, subere ye yo ku os wa ye ki án gum ibit mo nggonna ne nde.

2 Korintus 6:17

Sane Yefun Allah ki nai bi rus-i do, ”Sane nin tik nggwa wé kadit ye gato jam nde Yefun Allah ne et. Nin ti ko kadit yé ne. Nin mewa nin nggwa kadit ye gato Ji bagri ket sor, sane bere Ji nai nin sok mo Ji bi rus-i.

Lukas 1:6

Zakaria si bi nggon ne, an we ben sukndo tepsu Yefun Allah mit. An we benbot Yefun Allah bi sukduno mwa ne sino sor, kwa dik yo gwet dom nde.

Filipi 3:6

Ji mit iwa ji simo sukduno mwa ne sino, sane ji ben sukye nai ye gato onyar kem mo Yefun Yesus mo bur Yudea. Suk gato Musa duno men su ne, ji benbot mwa ne or sino, kwa yo gwet mo nde.

Wahyu 2:5

Sane nin napawa ketke nin bi sukjimnut sye kas subot Ji, wo su ré nin yo bi sukjimnut sye kas subot Ji sane o nde. Ré yo, nin brek satu ma et, nin kwet, ete nin bi sukjimnut sye kas subot Ji tepsu ketke ne satu o et. Nin yo kwet nde yo, bere Ji ma nai nin bi sukru ne wé kadit bi nat-i re.